[egi]

Në kilometrin e tetë, në anën e majtë të kanionit, 50-60 m përmbi lumë, në thembrën e një shkembi gjigant, me një lartësi rreth 350 m në një formë të burimit të ngritur ujor, gjendet hyrja e shpellës që quhet Gryka e Madhe e cila është studiuar dhe me gjatësinë prej më shumë se 10 km radhitet në një ndër më të gjatat në Ballkan. Kjo shpellë që nga hyrja e saj përmbi burimin e lumit nëntokësor fillon të ngjitet në lartësi të vazhdueshme. Nga ngjitjet e vështira nëpër ngushticat e saja dallimi në lartësi është 310 m (+296 m, -14 m). Kjo është ajo që e bënë këtë shpellë unike dhe poashtu më të lartën në Ballkan. Një pjesë e veqantë dhe unike e shpellës është edhe i ashtuquajturi – Tobogani, një sifon i pjerrët origjinal-freatik.
Pas gjysëm sifonit të ashtuquajtur të Milicisë, shpella është për mrekulli e dekoruar me të gjitha llojet e mundshme të speleo-dekorimeve. Këtu ka shtylla të mëdha dhe të larta dhe të gjata deri në disa metra, shkopninjë të sodës, stalaktite dhe perde të gjata apo drapëri, stalagmite të grumbulluara, penda të vogla nga shkëmbinjtë, liqenjë me kristale dhe margaritare nga kalciti. Një gjë tjetër e papërshkrueshme janë edhe govatat me ujë të mbuluara me kristale të kalcitit dhe grupe të gjëra të kristaleve.
Poashtu është interesant edhe rëra e ngurtëzuar në një formë dhe madhësi të topave, lartë mbi nivelin e ashtuquajtur Harku i Ylberit. Në kalimet hyrëse të ashtuquajtur kalimi i Leopardit janë disa pika dhe leqe të shpërndara të vermikultit në formë të lëkurës së leopardit (prej nga ka marrë edhe emrin ky kalim), me siguri të mbetura këtu nga vërshimet fosilite të ujit.





Motiv të veqant turistik i cili karakterizohet me veti kurioziteto-estetike paraqet shpella e Radacit dhe ujëvara e burimit të Drinit të Bardhë e cila gjendet afër fshatit Radavcë, rreth 11 km larg qytetit të Pejës në drejtim të qytetit të Rozhajës në pjesën verilindore të vargmaleve të Bjeshkëve të Nemuna. Është e thelluar në shkrepa të cilat e përbëjnë majën e Rusolisë me lartësi mbidetare 2381 m ndër të cilat shtrihet fusha e Drinit të Bardhë. Karakterizohet me stoli nëntokësore, hallat, liqenjë dhe ndoshta me kaskadat më unikate në botë. Ajo është pa dyshim shpella më e madhe në regjionm ndonëse e paeksploruar shumë, ajo është shpallur monument natyror bashkë me burimin e Drinit të Bardhë.

Në Liqenat është ndërtuar Fshati turistik »Guri i kuq« me objekte turistike me kapacitet rreth 200 veta të cilat janë vizituara njësoj gjatë tërë vitit. Në Goruzhdë (Shtypqe i madh) ka pishina me kapacitet prej 150 veta, Moteli »Gryka« dhe Restorani »Bjeshka« ku mund të shijohet mikpritja tradicionale familjare së pari me »bukë, kripë e zemër« e pastaj të knaqeni me ushqimin autokton e origjinal, të freskët prej qumshti, djathi, kosi, maza, mjalti, qaj mali, lakror, fli, kaqamak, djath të zier, leqenik dhe bukë të shëndetëshme të grurit dhe të misrit të pjekur në furrë dhe qerep.
Hapësira e Parkut Nacional ka mjaft raritete nytarore, kështu që përmbajtja e pejsazhit është e llojshme dhe e begatshme. Këto janë para se gjithash bjeshkët e larta të cilat i përbëjnë majet e bjeshkëve, shpatijet e gjelbëruara me barë, luginat e shumta pyjore, grykat dhe kanionet atraktive, lumenjtë e pastër të shkumbëzuar, ujëvarat, burimet dhe liqenjtë janë përmbajtja e pejsazhit të Alpet Shqipëtare.
Tërësi të posaqme atraktive të pejsazhit janë sipërfaqet me pyje dhe vegjetacion të barit. Zonat pyjore janë të përbëra nga ahishat, rropujtë, molika, bredhi, dëllinja dhe llojet tjera të cilat zëvendësohen me zonat e vegjetacionit të barit.
Në livadhet e maleve lokale në pranverë lulëzojnë lule të llojllojshme të bjeshkës duke i dhënë pejsazhit bukuri të jashtëzakonshme atraktive, kurse hapësirës aromë të posaqme dhe freskinë e natyrës së pastër. Përjetim të jashtzakonshëm vizuel të bukurisë natyrore malet lokale ofrojnë në kohën e vjeshtës, në kohën e krijimit të pejsazhit kalimtar bjeshkatar kur tërë territori derdhet në spektrin e ngjyrave më të llojllojshme. Përjetim më të madh ofrojnë pamjet në pranverën e vonshme kur në viset e ulta gufon vegjetacioni bimor duke mbuluar tërë territorin me ngjyrë të gjelbërt kurse majet e larta të maleve lokale ende janë me mbulesë të trashë të borës.