[elvio]

Stihitë e tjera - zjarri, ajri i lehtë

(Dëshirë i pari, tjetri si mendim),

Ti larg në qofsh, a larg në qofsha vetë,

Tek ti të dyja rendin me nxitim.



Këto stihi tek ti kur i dërgoj,

Si dy kasnecë të dhembshur dashurie,

Me dy stihitë e tjera vetëm rroj,

Me ujë e baltë e gati vdes mërzie.



Por elementët që mua më formojnë

Të katër bashkë mblidhen veç atëherë,

Kur dy kasnecët kthehen më tregojnë

Se ti je mirë e më kujton ngaherë.



Oh, si gëzohem, por jo shumë gjatë,

Sa nis kasnecët, prapë bëhet natë.