[Urata]

6. Ibrahim Rugova ishte politikan vizionar. Çka do të thotë se Ai nuk shihte para hundës, por shihte larg në horizont. Çka do të thotë se Ai nuk mendonte për të sotmen e Kosovës, por për të arhmen e saj. Çka do të thotë se Ai nuk kishte zgjedhur mjete të përkohshme për të rezistuar kundër dhunës dhe terrorit serb, por kishte zgjedhur mjete të pranueshme për gjithë jetën e nga e gjithë bota që ti përdorte në këtë luftë.

7. Presidenti historik i Kosovës e mësoi popullin e Tij për herë të parë në histori sesi mund ta përdorte refuzimin si metodë të sukseshme për të arritur qëllimet e tij të lirisë. Përmes lëvizjeve të Tij në rezistencën e shqiptarëve Ai dha shembullin e vetëm unik në historinë e vendit, sesi mund ta mundësh pushtuesin, duke e injoruar atë, duke e refuzuar atë dhe duke ndërtuar një jetë politiko-shtetërore e shoqërore paralele, të pavarur nga sistemi i vendosur prej pustuesit serb. Kjo metodë evolucioniste mbetet edhe në ditët e sotme si model i suksesit, nëse ajo përdoret me zgjuarsinë dhe vendosmërinë e Ibrahim Rugovës.

8. Ibrahim Rugova na ka lënë mësimin e madh se vizionarët bëjnë histori. Servilët dhe pushtetmbajtësit përmes kolaborimeve me armiqtë e kombit shqiptar nuk mund të bëjnë histori. Ata mbeten gjithnjë në qoshen e në skutat e historisë.

9. Rugova na dëshmon se integriteti politik dhe moral personal është kushti kryesor për të siguruar mbështetjen e bashkëkombasve si dhe për të qenë i pranishëm në tavolinat ndërkombëtare, ku diskutohen problemet e zhvillimit të vendit që përfaqëson. Modeli i udhëheqësit sovran dhe integral i kishte sjellë Rugovës mbështetjen e mbi 90 për qind të popullsisë shqiptare të Kosovës si dhe simpatinë e pakontestuar në të gjitha trevat shqiptare në Ballkan. I kishte sjellë Atij respektin dhe simpatinë në botë e sidomos në botën e lirë e të vlerave euro-amerikane. Ai nuk ishte imponuar brenda dhe jashtë vendit as me forcën e pushtetit, të cilin nuk mund ta kishte, as me forcën e armëve, të cilat kurrë nuk i përdori, as me forcën që mund të ketë një popull i madh. Ai ishte imponuar me vizionin e Tij, me idetë e Tij filozofike e politike, me forcën e argumenteve dhe urtësinë prej udhëheqësi.

10. Ibrahim Rugova ishte dhe do të mbetet përjetësisht në majën e elitës politike dhe intelektuale shqiptare, modeli i njeriut që dijti të komunikojë me bashkëkombasit e Tij, njeriu i urtë që në asnjë rast nuk e përdori fjalën e rëndë kundër shqiptarëve, personaliteti që na mëson sesi duhen ndërtuar marrëdhëniet brendashqiptare, me qëllim zhvillimin dhe prosperitetin nacional.

Për ta karkterizuar veprën dhe filozofinë politike të Ibrahim Rugovës, mundet që të renditen argumente të pafund. Ato nuk mund të shterohen në një libër e as në dhjetra e qindra të tillë. Megjithatë sollëm në vëmendje vetëm disa prej këtyre mësimeve që dalin nga vizioni dhe përkushtimi i presidentit historik të Kosovës.