[FUKAJAMA]

FRIKA NGA NATALITETI ESHTE BAZE E MORTALITETIT

Zijadin Rexhepi


Nëse i analizojmë këto dy terme do të kuptojmë se nataliteti është rritja e numrit të popullatës , ndërsa mortaliteti është vdekja gjegjësisht zvogëlimi i numrit të popullatës.
Për ta shkruar këtë temë jam kujtuar një kohë mjaft të gjatë për arsye se kam pasur një rezervë se si do të pritet në opinion. Duke vërejtur anomalinë e kësaj teme vendosa të shkruaj.
Cdonjeri prej nesh e dinë se cka është nataliteti. Pas luftës së dytë botërore është folur mjaft për natalitet për arsye se shumë shtete kanë ngelur me një numër shumë të vogël të popullsisë. Shtetet e Perëndimit duke filluar nga : Gjermania , Holanda , Belgjika , Franca , Britania e Madhe etj kanë ardhur në konstatim se modernizimi me mos lindjen e fëmijëve po ulë natalitetin në vendet e tyre. Po këta shtete formuan organizata të ndryshme nëpërmjet të cilave organizoheshin seminare , mbaheshin kurse , shkruheshin broshura si dhe libra për planifikimin e familjes.
Europa perëndimore zhvillimin e saj ekonomik e bëri me shtimin e popullatës. Pasiqë rritja e popullatës është faktor kryesor në zhvillimin ekonomik të një vendi. Duke u frikësuar nga nataliteti i shteteve tjera ato morën masa paraprake për ndaljen e një nataliteti të këtillë. Shtetet që janë në zhvillim nataliteti i tyre është ngadalësuar deri në shkallën e 1 %.
Duke u nisur nga ky argument Europa dhe SHBA nisën një luftë të ashpër me natalitetin e shteteve që ishin në zhvillim e sipër. Kjo luftë realizohet përmes metodave dhe formave të ndryshme duke u nisur nga reklamat nëpër gazeta , duke përgaditur lojëra të ndryshme , sekuenca teatrore dhe filma serik , propagandonin se në këtë mënyrë janë duke na vetëdijësuar dhe i ndihmojnë popullatës. Por ata nuk ndalonin vetëm me këtë , vazhdonin ne programet televizive , programe dokumentare dhe lajme. Ata shërbeheshin edhe me broshurat , librat , kart postalet , gazetat etj. Nga kjo propagandë e madhe e organizuar nga vendet perëndimore cdo njeri do të vinte në një konstatim dhe të thoshte me veten e tij : “ Ah , sikur të kisha më pak femijë”.Me këtë fjalinë e fundit arrita që të shpalosë qëllimin e kësaj teme. Neve Perëndimi na lansoi teorinë e “ planifikimit të familjes”. Me këtë teori ato u futën në poret e jetës sonë duke na ligjëruar për kontrollën e lindjes , për shtatëzaninë , për barërat kontraceptive etj. Nëse flitet për kontrollën e lindjes ajo patjetër duhet bërë nën kontrollin e mjekut specialist të kësaj lëmie , në të kundërtën sjellë pasoja të rënda shëndetësore.
Perëndimi ka ligjëruar të kundërtën. Për shtatëzaninë përsëri është folur shumë në të dy drejtimet , në njërin drejtim ka ligjëruar se di duhet ngelur me barrë , ndërsa drejtimi tjetër se si duhet mos me ngelë me barrë. Për drejtimin e parë kanë ligjëruar shtetet në zhvillim e sipër , ndërsa për drejtimin e dytë kanë ligjëruar shtetet e zhvilluara ekonomike.
Shtetet e zhvilluara ekonomike për natalitet kanë ordinanca të specializuara ku këshillohen për lindje të fëmijëve. Ndërsa shtetet që janë në zhvillim e sipër frikësohen se me rritjen e natalitetit do të jenë të uritur dhe pa punë e perëndimi për shtetasit e vet bënë lehtësime të ndryshme gjatë lindjes duke u dhënë shtesa fëmijërore , udhëtime pa pagesë , markete kur për ta cmimet janë simbolike etj.
Ndërsa për të rinjtë e të rejat dhe të martuarit pa fëmijë kanë tatime të posaçme , marrin rroga të përgjysmuara, ja ky është Perëndimi!!!
Kur flasim për abortin duhet menduar mirë se cka jemi duke bërë. Cdo abortim është kriminalitet , vlerë më e ulët e një individi. Në aspektin fetar abortimi është i ndaluar rreptësisht. Me frikën nga uria kaplohet fëmija që gjendet në fetusin e nënës ende pa lindur ky vogëlush dhe pa kërkuar asnjë copë bukë të kësaj bote , e kjo civizilim quhet???
Nga Zoti xh.sh pa u frikësuar , nga njerëzit pa u turpëruar, dashurinë dhe ndjenjën e nënës pa e përjetuar neve këto fëmijë jemi duke i copëtuar dhe grimcuar. A nuk është mëkat? Nëna ja merrë jetën e fëmisë ende pa lindë , me lejen e prindit , me intervenimin e gjinekologut dhe personelit shëndetësor. A nuk është e dhimbshme , katastrofave dhe jo njerëzore??? Kjo është një fatkeqësi , kjo është një masakër.
Barërat kontraceptive duhet ndaluar sepse ato janë shkaktarë të sëmundjeve të ndryshme dhe ndikojnë negativisht në zhvillimin e fëmisë që gjendet në fetus. Një prej faktorëve kryesorë është se nënat që kanë marrë barëra kontraceptive para shtatëzanisë , pasi ngelin me barrë , fëmijët e tyre janë me intelegjencë më të ulët në krahasim me fëmijët e nënave që nuk kanë përdorur kësi lloj barërash. Në këtë proces negativisht ndikon edhe duhani , alkooli , lëndët narkotike , barërat qetësuese etj. Në shtetet e Perëndimit këto barëra me kohë janë janë eliminuar dhe nuk gjenden në treg sepse me ligj janë të ndaluara. Këta barëra shiten në vendet e treta.
Në shtetet Skandinave ekzistojnë ekipe të specializuara që janë këshilla dhe njohuri të mjaftueshme paramartesore , njohuri për shtatëzani e lindje. Të gjithë e dijmë se me cfarë ordinanca disponojnë ata , cdo gjë vërejnë dhe intervenojnë me kohë. Kjo bëhet vetëm me një qëllim të caktuar të rritet nataliteti i tyre se është zvogëluar dukshëm. Bëhet pyetja pse aq rëndësi të madhe i japin natalitetit? ??
Fuqia e një shteti varet nga numri i popullatës. Një shtet sado që të jetë i zhvilluar nëse nuk ka popullatë të mjaftueshme , ai shtet në skenën politike nuk ka asnjë rëndësi. Shtetet që kanë popullatë të mjaftueshme është vështirë për t`i okupuar , ndërsa ato me numër më të vogël të popullsisë shumë lehtë okupohen. Duke përfunduar këtë temë edhe njëherë dua të potencojë se nataliteti është një proces për të mirën e njerëzve në përgjithësi e jo për të keqen e tyre. Mos harroni se fjala natalitet d.t.th. shtim i një populli.

(autori i këtij teksti është profesor i pensionuar i Biologjisë dhe momentalisht jeton në Tetovë )