[Sy_kaltra]

Edhe pse thonë se koha hakmerret me harresë ndaj kujtimeve, dashuria ime për ty kurr nuk do të zbehet. Dhimbje e madhe për mua do të ishte t'i harroj ditët më të lumtura të jetës sime. Ato ishin ditët me ty. Atë që unë e ndiej, mundet vetëm të rritet edhe më shumë nga dita në ditë. Dhe sikurse ylli më i shndrritur në qiellin e kaltër pranveror, ti u shkëlqeve në jetën time dhe e ndjeva magjinë e çastit. Për këtë të dua pa masë, e po ashtu edhe për shumë gjëra tjera.
Pata një ëndërr në jetën time, dhe mendoja se kurr nuk do të përmbushet. U përmbushë ditën kur të takova ty. Më kujtohet kur e përjetova përqafimin tend. Ti më mësove se çka është dashuria. Më the se gjithnjë do të jesh pranë meje. Më more për dore dhe ma tregove shtegun drejt lumturisëMë premtove se gjithnjë do të jesh pranë meje. Gjithnjë do t’i mbaj mend kujtimet që i krijuam së bashku. Kisha dashur që kurr të mos përfundojnë ato ditë. Dua që sa më pare, kur të zgjohem një mëngjesë, pranë meje të të takoj ty .
Kam kërkuar një njeri si ti pjesën më të madhe të jetës sime, por ishte shumë vështirë ta gjeja. Dhe befasisht u ktheva, dhe ti ishe aty. Mendova se fillova të çmendem.
gjithçka që dëshiroja netë dhe ditë të tëra, ishte të të dashuroja me gjith fuqinë e qenies sime. Lutesha që të pranoje të qëndroje pranë meje deri në fund të jetës sime. Të falënderohem për atë që më the “PO” si dhe për kujtimet e mrekullueshme që edhe sot në zemrën time shfaqin lumturi. Të falënderohem për buzëqeshjet tua dhe puthjet. Të falënderohem për dashurinë tënde.