[Jana]

Edhe një herë për ty

Dashuroj te ti

riskun e anijes që udhëton drejt polit

Dashuroj te ti

guximin e eksploratorëve të mëdhenj,

Dashuroj te ti të largëtën,

Dashuroj te ti të pamundurën.

Hyj në sytë e tu si në një pyll

ku veç dielli hyn,

Dhe unë, i mbytyr në djersë, i uritur e zemërak,

Me zjarrminë e gjahtarit

kërkoj trupin tënd.

Dashuroj te ti të pamundurën,

Por aspak dëshpërimin.

Dhe !

Ti je skllavëria dhe liria ime,

Ti je trupi im që digjet

Si trupi i zhveshur i netëve të verës.

Ti je vëndi im,

Ti, me hullitë e blerta të syve të zinj,

Ti, kaq e bukur, ngadhnjimtare,

Je malli im

Krejt e paarritshme në çastin kur të mbaj në krahë.