[Mendjen]

Hulumtimi i mitit



Një nga gjërat që ndodhin sot në Perëndim dhe gjetiu është të gjykuarit e Islamit në bazë të sjelljes së një pakice nga njerëzit e tij. Të gjykuarit e tillë është qartë joobjektiv dhe synon shtrembërimin e realitetit të Islamit. Sepse nëse kështu e gjykojmë një fe në bazë të sjelljes së disa njerëzve të saj, atëhere na del se Krishtërimi ka të bëjë me dhunimin-keqtrajtimin e fëmijëve (pedofilinë) ndërsa Hinduizmi është krejt i lidhur me rrënimin dhe shkatërrimin e xhamive. Gjeneralizimet e tilla nuk janë objektive edhe pse shohim se në Perëndim propagandohet një i kuptuar i tillë i Islamit. Cili është realiteti i Islamit atëherë?

Si mund të largohen mitet e tilla që janë krijuar dhe përhapur në mënyrë aq vicioze?

Mënyra e vetme për ta studiuar Islamin është duke e studiuar sistemin e tij të besimit. Bazimi në burimet e Islamit, në Kur’an dhe Sunnet dhe ajo çka thuhet aty. Vetëm kështu mund të gjejmë të vërtetën lidhur me atë se çka thotë Islami rreth terrorit, terrorizmit dhe terroristëve. Ai i cili sinqerisht e kërkon të vërtetën nuk mund ta bëjë ndryshe. Vetë emri Islam vie nga rrënja Arabe e fjalës ‘salama’ që do të thotë paqë. Islami është besim që bazohet në arritjen e paqes nëpërmes nënshtrimit ndaj Allahut. Kështuqë nga ky definim i thjeshte linguistik mund ta marim me mend se çfarë është natyra e këtij besimi. Nëse ky besim është i bazuar në nocionin e paqes, si mund të ndodhë që aq shumë vepra janë bërë nga pasuesit e këtij besimi që janë në kundërshtim me paqën? Përgjegjja është e thjeshtë. Këto vepra, nëse jo të sanksionuara nga feja, nuk kanë vend në të. Ato nuk janë Islamike dhe nuk duhet të etiketohen si Islame.