[Lapsi]

Sulmi izraelit, mbledhje e jashtzakonshme e Këshillit të Sigurimit

Published or updated- 31/05/2010 18:45:00
Madhësia:
http://alsat-m.tv/thumbnail.php?file...article_medium

Këshilli i Sigurimit do të mbajë mbledhje të jashtzakonshme për sulmin e komandove izraelite ndaj flotës së anijeve që bartnin ndihma humanitare për në Rripin e Gazës, në të cilin u vranë të paktën nëntë vetë dhe 50 u plagosën.
Ambasadori i Libanit, vendit që kryeson këshillin, e thirri mbledhjen për të diskutuar sulmin e izraelitëve ndaj gjashtë anijeve që lundronin drejt Gazës.
Protesta të fuqishme ndërkombëtare po bëhen për shkak të ndërhyrjes së komandove izraelite.
Nënsekretari i ministrisë së Jashtme turke, Salim Jenel, i tha Radios Evropa e Lirë se ambasadori izraelit është paralajmëruar për "dëmtim të pakthyeshëm" të marrëdhënieve dypalëshe.
Jenel i hodhi poshtë pohimet e Izraelit se anijet humanitare turke, të cilat ishin inspektuar nga një vend i NATO-s, mund të kenë trafikuar armë.
Sekretari i përgjithshëm i OKB, Ban Ki-mun tha se është "i shokuar" nga sulmi.
Zëdhënësi i Shtëpisë së Bardhë, Uiliam Barton shprehu "keqardhje të thellë" për humbjen e jetëve.
Rusia e dënoi incidentin si shkelje të rëndë të ligjit ndërkombëtar.
Kryeministri i Izraelit, Benjamin Netanjahu, i cili ndodhet për vizitë në Kanada, tha se do ta anulojë vizitën në Uashington dhe do të kthehet në Izrael. /rel/



SHBA-ja shpreh keqardhje për të vrarët në sulmin izraelit
"SHBA-ja shpreh keqardhjen e thellë për të vdekurit dhe të plagosurit dhe po punon për zbardhjen e rrethanave të kësaj tragjedie'', theksoi zëdhënësi i Shtëpisë së Bardhë, William Burton.
Postuar më 31.05.2010 14:42:46 UTC
Përditësuar më 31.05.2010 14:42:46 UTC

SHBA-ja shprehu keqardhje për të vrarët pas sulmit izraelit kundër flotiljes propalestineze nisur drejt Rripit të Gazës, por ajo kërkon të njohë rrethanat e tragjedisë, sipas një komunikate të Shtëpisë së Bardhë.

"SHBA-ja shpreh keqardhjen e thellë për të vdekurit dhe të plagosurit dhe po punon për zbardhjen e rrethanave të kësaj tragjedie'', theksoi zëdhënësi i Shtëpisë së Bardhë, William Burton.

Ky është reagimi i parë zyrtar amerikan pas sulmit nga komando izraelite kundër një prej anijeve të flotiljes ndërkombëtare.

Sipas një televizioni izraelit, rreth 19 pasagjerë të flotiljes janë vrarë dhe 36 të tjerë janë plagosur në këtë sulm.