[rilinda]

B

Babune-ja
Ja ktheu ubanë me babune grumbull: i erdhi hakut.

Bajrak-u
Ai asht me bajrak: gjithë bota e dine punën e tij, të gjithë e njohin mire atë.
T’ka pas nana bajrak nër çika: të ka pasur yll, shumë të bukur e të mire, Asht bajrak mi tana grate: është më e bukura e të tëra grave.

Bajram-i
Në Deçan kanë pas qenë edhe ata që kapin brushën bajram për bajram: ata që punojnë rrallë e për mallë.

Baker- bakri
Syri u ish bërë baker për bukë: u ishin nxirë sytë nga të pangrënët.

Bakshish-i
Ka shkue me mar bakshish: shkoi që të lajmërojë i pasi.

Baltë-a
Ne mbytemi në baltë, se s’kemi rrugë: hekim shumë keq nga rrugët e këqia, me baltë
E la në baltë shokun: e la keq, i doli i pabesë
Kish rënë në baltë: kish rënë keq.
Mbulon balta baltën: e keqja mbulon të keqen.
E nxori nga balta shokun: e shpëtoi nga ndonjë e keqe.

Ballë-i
T’i kesh sytë në ballë!: të kesh kujdes të madh, të kesh mendjen në vend.

Bark-u
Mos ma thaj barkun!: (Kur nëna i lutet Zotit që të mos ja marrë vdekja fëmiun)
I ka hy lepuri n’bark: është frikësuar
Ai ta vë shkelmin n’bark: është mizor, i pashqpirt

Benzin-i
Mos hidh benzin: mos e ngacmo (çështjen).

Bereqet-i
S’po i ka fjala bereqet: s’po i shkon fjala, s’po i ecën.
Asht bereqet kjo punë: është fitim.