[Kalt]

Postimi origjinal është bërë nga napoleoni

Mbështes plotësisht atë që thuani ju i nderuar Kalt. Gjuha shqipe e përdorur saktë si gjatë të folurit ashtu edhe të shkruarit, bëjnë që gjuha shqipe të tingëllojë magjishëm. Kur filloj leximin e ndonjë shkrimi nga forumi, nëse hasë në gabime trashanike që janë të shumta, unë braktis leximin e tij. E di që nuk veproj drejt, por vërtetë disa shkrime duhet deshifruar për t`i kuptuar. Përderisa janë të kapshëm, ndonjëherë ia vlen edhe të lexohen. Nëse pres që dikush të shkruaj pa gabime dhe të jetë shembull për të tjerët dhe nga i cili mund të mësohet diçka në këtë forum, padyshim që ai është moderatori i nënforumit të gjuhës shqipe, në këtë rast Ju. Po nisem nga postimi i këtij apeli për përdorim korrekt të gjuhës të cilën e përkrah plotësisht. Por nëse ia lëshojmë një sy, do të vërejmë shumë gabime: presjet e shumta të panevojshme dhe sintaksa e dobët. Për shembull ndalemi tek fjalia:

"Po te lexosh disa anetare, bindesh lehte se te to mungon niveli minimal i njohurive te gjuhes."

Le të kuptojë se tek anëtarët e forumit mungon niveli minimal i njohurive të gjuhës, dmth. ata paskan nivel maksimal të njohurive të gjuhës. Dyshoj se ke menduar kështu. Kësaj nuk i thonë lëshim nga ana e moderatorit të gjuhës shqipe, por gabim trashanik.

I nderuar napoleoni,

Fjalia qe ke cituar ne shkrimin tend, mendoj se nuk eshte gabim.
Per cfare aresyesh ajo nuk e jep kuptimin e vertete, pra te faktit qe shume anetare te forumit, kane nje nivel shume te ulet te njohjes se gjuhes shqipe?
Kur thuhet "mungon niveli minimal i njohurive te gjuhes", duhet kuptuar ashtu sic eshte shkruar.
Megjithate, pa dashur te marr rolin e njeshit si njohes i gjuhes shqipe, mendova ta hap kete teme me qellimin e mire.
Ne kete mes, ndonese ne shkolle kam studjuar jo me pak se 10 vjet gjuhen shqipe (nuk jam me profesion gjuhetar e as ne fusha te tjera te ngjashme), nuk mund te them se e mbaj veten per te persosur, por ate qe une mundohem ta bej cdo dite e ne cdo shkrim (jo vetem ketu), eshte perdorimi sa me i kthjellet i fjaleve, menjanimi i fjaleve te huaja dhe te panevojshme etj.
Megjithate tema kete qellim ka, pra rrahjen e mendimeve se si te perdoret sa me drejte e sa me bukur gjuha shqipe.

Pershendetje.