[lirik]

Eh moj toka e etnisë
-----------------------
Autori Xhelal Ferizi
---------------------------
l i r i k u
--------------------------------
eh moj toka e etnisë
ti që më linde në botë me garë
ti që më le kndej mjeranisë
thue se s' jam mbi dhe shqiptarë
---
thue se s'jam ai gjak ngazllimi
që dikurë t'kam joshë me shije
porsi i shpirtit ëmbëlsimi
ti përkdhelja fllade e hije
---
eh moj toka e etnisë
dikurë zog m'ke quajt shqiptari
mbi ty flatrat i kam nisë
kam cicrue me at gjuhë ari
---
kahdo në tuat fusha e kroje
me plot lavd n' rimë qëndistare
si ma të ëmblat mjaltë nder hoje
t' kam qëndisë n'vargje shqiptare
---
vet currilat ti kam lavdrue
si zingjirë diamant lidhë'tarë
kur gurgllimes poshtë jan lshue
varg'tarisht bashk me ujvarë
---
ata anash jan vargisë
porsi vet me ra ingjija
si zingjirtë jan kristalisë
ti shartoja në vargje të mia
---
e ti mua qka më ke dhanë
përveq lotit e kurbetit
me pasë mallë për diell e hanë
për valbardhat që shkojnë detit
---
un ti nxita ato gurra
kthjellt me u derdhë si lozonjare
vargu im në valbardha e turra
ka shkumbzue mbi valë shqiptare
---
si dhuratë ti ma dhe lotin
birit tënd ja dhe mërgaten
vargu im prekë qiell e zotin
muaj e stinë e ditë e naten
---
por se ty s' po të prekë ndoj zemer
pse më duket e ke të gurit
më ke lanë n' dhe t' huaj pa emer
me i lot varg që qanë bilurit
---
s' paske pasë ti ndjenjë për ne
sa i curril për mërgimtarin
ti kam kndua shum gurë e dhe
lule fletë e degë e barin
---
un vet fjalen magjistare
e kam gjetë kahdo agrumit
me gjuhë shqipe rrrezatare
ti kam kndue detit e lumit
---
e kahdo i thonë shqipni etnike
ja kam falë zemren poete
i kam kndue tokat bukanike
kallij gruri e bereqete
---
edhe leht kur fija e barit
e kercyelli porsi ari
porsi fllad me gjuhë t 'shqiptarit
ja kam veshë un vargatari
---
ja kam veshë vet un liriku
edhe dega kur ka l'vizë
kur i ka lue fletes qerpiku
dega e fleta leht n' puhizë
---
un vrojtue i kam vet kallijt
edhe bli e ftue e qershija
molla e dardha e paqsorë ullijt
buzes të detit kah shqipnija
---
nuk t' kam lanë kokerr as dhe
pa ti kndue pa ti bekue
ty t kam kndue si hana e re
kur del gurrat me i hjeshue
---
për tri fe t' kam kndue e vlera
zemren shqip ta kam saldue
kur t' kan shkye ty pykat tjera
un me vargje t 'kam bashkue
---
porse ti s' m'paske një fjalë
sa pshtynë miza kund për mue
lotin t' mallit me ma ndalë
ktu n' mërgim që ësht tue m'vlue
---
thue me vulë m' ke ra e dyllë
porsi të isha nji far kopili
nuk kam hise në fushë as pyllë
s' jam ma i shqipes karajfili
---
as nuk jam ma rrënja jote
se ti mirë din me mohue
më le me vargje në stinë e mote
për ty lot n 'varg tue rimue
---
ke harrue kur un me gjak
vet kam dalë nga gurra jote
nën at qiell si kupë kapak
m' ke pagzue si lule toke
---
vet ma dhe emrin shqiptarë
vet m' ke dhanë të bardhin gji
vet m' ke ushqye shqip si ujvarë
pse tash më len në elegji
--------------------------
Autori i vargjeve shqiptare Xhelal Ferizi
--------------------------------------------
lexoni nga vargjet e autorit tregoni shoqes shokut
'''''''''''''''''''''''''''''''''''''''''''''''''' '''''''''''''''''''''''''''''''''''''''''''''''''' '''''''''''