[rilinda]

Shpesh na ndosh t'i kthehemi të kaluarës historike të popullit tonë. Gjithmonë kemi pasur mbi krye pushtues të ndryshëm që nuk na lanë të flisnim, të shkruanim, e ta kultivonim gjuhën tonë shqipe.
Rrugën e arsimit shqiptar e drejtuan Rilindësit tanë të cilët sakrifikuan jo vetëm pasurinë, por edhe jetën e tyre. Për çështjen e madhe kombëtare dhe shkollën shqipe ishin betuar vëllezërit Frashëri, Pandeli Sotiri, Koto Hoxhi, Dhaskal Todri, Papa Kristo Negovani, Petro Nini Luarasi, motrat Qiriazi, Mati Logoreci të cilin do ta veçonim për një arsye, se në Prizrenin e lashtë hapi shkollën e parë shqipe më 1898.
Ata kishin një brengë që i mundonte, një dëshirë të flaktë që u digjte e u përvëlonte zemrën: donin të hapnin një shkollë shqipe në Shqipëri. Shpresa se kjo ëndërr një ditë do të realizohej qëndronte si një yll i shëndritshëm në horizont, që nuk i lejonte retë që ta mbulonin.
Më 7 Mars 1887 lindi ylli i diturisë në një shtëpi të vogël korçare të patriotit Diamant Terpo.
Në tërësi shkolla shqipe përjeton mjaft çaste të rënda në rugëtimin e sa, me plot pengesa nga okupatorët të cilët e dinin se shkolla shqipe pë ta ishte si një halë në sy. E si mund të harrohet Koliqi i madh kur në cilësine e Ministrit të Arsimit të Shqipërisë, urdhëroi 200 mësues nga Shqipëri të vinin në Kosovë për ta hequr terrin mijëvjeqar nga trojet Dardane.
në dy dekadat e fundit në Kosovë barrën më të rëndë të okupimit e bartën punëtorët e arsimit. Ata ishin të parët qei thanë JO pushtuesit serb dhe frymëzuan luftëtarët e lirisë për ta çliruar përfundimisht Atdheun nga thundra e okupuesit. Shija e lirisë që ne e gëzojmë sot kurrë s'duhet harruar se u gjakos me gjakun e legjendarit Adem Jasharit, i cili ra heroikisht më 5 Mars 1998, me trimërinë e Agim Ramadanit, me urtësinë e Fehmi Aganit e Latif Berishës, me thjeshtësinë e Anif Mujit e qëndresën e shumë e shumë të tjerëve. Para këtyre kolosëve të pushkës e pendës që na sollën lirinë përkulemi me pietet.
Për të hapur shkolla shqipe u vranë shumë mësues e nxënës, por nuk do të ndodhin më gjëra të tilla. Nuk do të vdesin më njerëz për shkollën shqipe, sepse tani ne jemi të pavarur, tani Kosova është shtet demokratik i pranuar nga bota. Ne jemi të lirë të hapim shkolla shqipe ku të mesojmë gjuhën tonë me mësues shqiptarë. Shkollat shqipe më nuk do të mbyllen nga pushtuesit. Ato do të jenë gjitmonë të hapura dhe ne nxënësit kosovarë do të jemi gjithmonë të lirë të ulemi pa frikë në bankat e shkollave tona për ë mësuar historinë tonë të lavdishme.
Pra, lavdi të gjithë të rënëve ndër shekuj që e ngritën në piedestal shkollën shqipe, që ne të mësojmë në Kosovën Republikë të Pavarur.
Gëzuar 7 Marsi- Dita e mësuesit!