[murrizi]

Thaçi nderohet nga “Geneva School pf Diplomacy and International Affairs”

Kryeministri i Republikës së Kosovës, Hashim Thaçi mori sot titullin Dokor Nderi i Marrëdhënieve Ndërkombëtare nga “Geneva School pf Diplomacy and International Affairs”...
Televizioni SHTETROR I Kosoves/ 01.07.2012
Shkolla e Gjenevës për Diplomaci dhe Marrëdhënie Ndërkombëtare dhe Instituti Universitar i Gjenevës ia ndanë këtë titull me këtë motivacion:

Në shenjë të liredshipit të tij të çmuar në luftë dhe në paqe;
Për trimërine e tij në rezistencë si ushtar i lirisë;
Për menaxhimin e tij briliant të marrëveshjes së Ahtisaarit;
Për vizionin dhe udhëheqjen e tij drejt pavarësisë për shtetin e Kosovës;
Për politkën e tij të suksesshme dhe zhvillimin ekonomik;
Si kryeministër i Republikës së Kosovës;
Për përpjekjet e tij për paqe dhe prosperitet për të gjitha komunitetet;
Për zotimin e tij për të vërtetën, drejtësinë, pajtimin dhe të drejtat e njëriut për të gjithë;
Prandaj, si një udhëheqës shtetëror, në shenjë respekti për kontributin e tij historik dhe kombëtar, rajonal dhe në shërbim të paqes në kontinentin tonë, konfirmohet pranueshmëria e tij për Gradën Universitare:

Doktor Nderi i Marrëdhënieve Ndërkombëtare



“Njeri i guximshëm dhe me merita, si në luftë ashtu dhe në ndërtimin e paqes”, e ka cilësuar rektori, dr. Murphy, Kryeministrin e Kosovës.

Pastaj ai ka lexuar një biografi të shkurtër të Thaçit ku spikaste angazhimi i tij në luftë, si drejtor politik i UÇK-së, si shef i delegacionit në bisedimet e Rambujesë etj.

Murphy ka veçuar sidomos rolin e kryeministrit si partner i besueshëm në zbatimin e Marrëveshjes së Ahtisarit, si bazë për pavarësinë e Kosovës dhe për funksionimin e saj.

Kryeministri Thaçi ka marrë çmimin dhe ka mbajtur një fjalë falënderimi. Në fjalimin e tij para studentëve, ai kujtoi disa prej përvojave gjatë studimeve të tij dhe proceseve në Kosovë në vitet e luftës.

“Unë do të flas fare pak për t’ju lejuar juve të jeni yjet kryesorë të kësaj ditë. Fjalët e mija ndoshta një ditë edhe mund t’iu kryejnë punë në profesionet tuaja të ardhshme. Është një ditë e veçantë për mua të jem në Gjenevë, këtu në mesin e studentëve dhe profesorëve të dalluar. Gati dy dekada më parë, edhe unë kam qenë një student në Zvicër. Pata nisur studimet Master të Historisë në Cyrih, i detyruar të bëja një gjë të tillë jashtë vendit tim për shkak të ndërhyrjes brutale nga qeveria e Serbisë në atë kohe që pat mbyllur të gjitha institucionet arsimore në gjuhën shqipe në Kosovë”, u shpreh Thaçi.

Ai theksoi se dhjetëra mijëra dhe më vonë qindra e mijëra të rinj dhe të reja kosovare janë larguar nga vendi në kërkim të punës, të edukimit dhe normalitetit.

“Kam qenë një student aktivist në moshë të re dhe isha në shënjestër nga ana e policisë, prandaj qëndrimi im në Kosovë u bë i pamundur. Po flasim për një shtet që është jo më shumë se dy orë fluturim nga Gjeneva. Ne takoheshim fshehurazi nga policia sekrete serbe, e cila ishte e njohur për ndjekjen dhe vrasjen e kroatëve, boshnjakëve dhe shqiptarëve disidentë në diasporë. Në atë kohë të vështirë, kishim vetëm një rrugë në mendje –rrugën e lirisë. Dhe u përpoqëm me një rezistencë paqësore fillimisht”, theksoi Thaçi.

Duke pasqyruar gjendjen e asaj kohe, Thaçi tha se fitoret jo gjithmonë janë të qarta dhe kompromiset janë të domosdoshme për t''i dhënë fund luftërave dhe konfliktit.

“Liria jonë erdhi në momentin kur trupat e NATO-s dhe UÇK-së çliruan Kosovën pas një fitoreje mbi regjimin e Milloshevicit. Unë e dija se armët më nuk do të jenë të nevojshme në Kosovë. E udhëhoqa demilitarizimin e plotë të UÇK-së brenda disa javësh. Shumë shokë këmbëngulnin që ne të vazhdojmë të luajmë një rol ushtarak, por e dija se normaliteti nuk përbëhet nga uniforma apo armët”, tha Thaçi.

Ai para studentëve njoftoi se do të udhëtoj në Vjenë, ku të hënën drejtorët politikë të më shumë se 30 shteteve të botës do të takohen dhe pritet që Kosovës t’i jepet drita e gjelbër zyrtarisht për përmbylljen e fazës së mbikëqyrjes së pavarësisë.

“Kjo nuk vjen si një dhuratë, por si dëshmi që Kosova tashmë ka ngritur të gjitha mekanizmat për mbrojtjen e minoriteteve, dëshmi që institucionet demokratike dhe multi-etnike të Kosovës janë pjekur për të vazhduar punën e tyre. Unë jam krenar që kemi arritur fundin e pavarësisë së mbikëqyrur pas vetëm 5 vjet, duke dëshmuar veten të jemi energjik, shoqëri e përkushtuar të ndërtojmë institucione të shëndosha demokratike”, theksoi Thaçi.