[munti]

-vazhdim-
Prandaj do të ishte mirë që të gjithë ju që e keni nënshkruar atë copë letër e të cilën ia keni dërguar udhëheqësve të institucioneve të reflektonit shumë mirë për problemin. Në asnjë moment nuk dëshiroj ta vë në dyshim qëllimin e mirë që e keni, por me keqardhje duhet t'iu njoftoj se e keni huqur objektivin. Asnjëherë një objekt nuk do të mund t'ia ndërrojë imazhin e një qyteti e as të një shteti. Më duhet t'ju porosis që të përgatiteni të vazhdoni të jetoni me barrën e të qenit më largpamës se pjesa tjetër e popullit.
Gjithashtu ju duhet të mbani përgjegjësi edhe për zhgënjimin që ka përjetuar "kardinali i shquar amerikan, Shkëlqesia Mecarrick", kur ka parë se deri ku kishin arritur punët në ndërtimin e Katedrales. Duhet të mbani përgjegjësi sepse këtij njeriu nuk ia keni thënë të vërtetën ditën kur
është vënë gurthemeli i kishës.
Kam frikë se zhgënjimi i Shkëlqesisë Mecarrick sa vjen e do të bëhet më i madh, prandaj nëse e keni mik të mirë thirreni në telefon dhe tregoni se votat e Ismet Beqirit nuk i vijnë nga ju, por nga banorët e Kodrës së Trimave, Dragodanit, Bregut të Diellit dhe lagjeve të tjera të Prishtinës.
Katedralja nuk është pjesë e nevojave të këtyre qytetarëve.