[Zero Cool]

Me “Kontaktet e Besuara në Facebook” mund të rimerrni aksesin e llogarisë suaj nëse e humbisni



Para disa ditësh, Facebook-u deklaroi se do të bënte të disponueshme një opsion të ri që do t’i ndihmojë përdoruesit të kenë më tepër kontroll mbi llogaritë e tyre të humbura në rrjetin social.

Veçoria e re mban emrin "Trusted Contacts" (Kontaktet e Besuara) dhe u mundëson përdoruesve të përzgjedhin tre deri në pesë miq të cilët mund t’i ndihmojnë në rast se humbasin aksesin në llogarinë e tyre (për shembull, nëse harrojnë fjalëkalimin.)

Në momentin që këta miq janë identifikuar si "kontakte të besuar" përmes opsioneve të sigurisë së përdoruesit (security settings), Facebook-u do t’i japë secilit prej tyre një kod të veçantë. Duke vendosur kodet e të paktën tre prej kontakteve tuaj të besuar, do të keni mundësi të aksesoni sërish llogarinë tuaj.

Facebook-u e ka shpjeguar këtë proces duke bërë një paralelizim me çelsin rezervë të shtëpisë, të cilin mund t’ia japim një personi të besuar.

Me "Kontaktet e Besuar" nuk keni nevojë të mbani mend përgjigjjet e pyetjeve të sigurisë apo të plotësoni formularë të stërgjatë për të vërtetuar se cili jeni. Janë miqtë tuaj ata që ju ndihmojnë të rifitoni aksesin në llogarinë tuaj, shprehet Facebook.