[Zero Cool]

Tolajt 18 muaj burg, Bukoshit 3 vjet jashtë institucioneve shtetërore



Prishtinë, 18.06.2013

(E plotësuar) Një kolegj gjyqësor i Gjykatës Themelore të Prishtinës ka marrë vendim që Ilir Tolaj, i akuzuar për korrupsion në rastin “Jona Med”, ka shpallur dënimin për Ilir Tolajn me burgim 18 muaj, kurse për Fajrullah Fejzën 8 muaj.

Po ky trup gjykues Bujar Bukoshit i shqiptoi dënimin tre vjet pa të drejtë pune në institucionet shtetërore. Ky lajm doli nga salla ku po zhvillohet ky proces, i cili duhet të marrë epilogun sot.

...

Edhe një proces gjyqësor që ka lidhje me korrupsion po e merr epilogun. Aktvendimi në rastin “Tolaj dhe tjerët” do të shpallet sot paradite. EULEX-i konfirmon se një trup gjykues i Gjykatës Themelore të Prishtinës do ta shpallë aktgjykimin për këtë rast. “Të martën do të merret aktgjykimi”, tha për “Tribunën”, zëdhënësi Blerim Krasniqi.

Edhe avokati i kompanisë farmaceutike “Jona Med” që në këtë rast është palë e dëmtuar konfirmon për shpalljen e verdiktit përfundimtar. Arianit Koci, avokat i “Jona Med” shpreson se vendimi do të jetë në favor të klientit të tij.

Në këtë proces gjyqësor në bankën e të akuzuarve janë ish-zv/kryeministri i Kosovës Bujar Bukoshi, ish-sekretari i Ministrisë së Shëndetësisë Ilir Tolaj, Arbenita Pajaziti, Nexhat Shabani, Ismet Hyseni, Hajrullah Fejza, Zenel Kuçi, Bekim Fusha, Alban Thaçi dhe Imer Ajeti, të gjithë ish-zyrtarë të Ministrisë.