[hasanmehmeti]

Pjesa e fundit e kesaj teme

Ku janë ata në lidhje me thënien e Pejgamberit alejhis-selam "Nëse dy muslimanë luftojnë me shpatat e tyre kundër njëri-tjetrit, vrasësi dhe i vrari janë në zjarr." Tha një prej shokëve të tij: O i Dërguar i Allahut, mirë vrasësi po i vrari? Tha: "Ai mezi priste ta vriste shokun e tij." Transmetoi Buhariu dhe Muslimi. Nëse kjo ndodh me atë që vetëm dëshironte ta vriste po ai që e vepron një gjë të tillë me qëllim!
Islami nuk e ka lënë të lirë çështjen e gjakderdhjeve dhe të vrasjes së personave të pafajshëm. Pejgamberi alejhis-selam ka thënë: "Çdo gjynah Allahu mund ta fali përveç atij që vdes idhujtar dhe besimtarit që vret një besimtar me qëllim." Transmetoi Ebu Daudi, Hakimi dhe Dhehebiu. Ndërsa në transmetimin e Nesait thuhet: "Çdo gjynah mund ta fali Allahu përveç personit që vret me qëllim një besimtar dhe atij që vdes mosbesimtar." Islami e shikon vrasjen pa të drejtë të dikujt si diçka më të rëndë sesa zhdukja e gjithë tokës. Pejgamberi alejhis-selam ka thënë: "Zhdukja e gjithë tokës është me lehtë tek Allahu sesa të vritet një person besimtar." Transmetoi Nesai me sened hasen.
Kjo ngjarje i ndodhi disa njerëzve të pafajshëm që po kalonin një kohë të këndshme në këtë muaj Ramazani kur papritur i ndodh një fatkeqësi e madhe pa bërë ndonjë gjynah dhe pa kryer ndonjë krim. Pejgamberi alejhis-selam ka thënë: "Kush i jep besën se do t`i ruajë gjakun dikujt e pastaj e vret atë, ditën e Kijametit do të mbajë flamurin e mashtrimit." Po këto shpirtra njerëzish që jetonin në hijen e sigurisë të një shoqërie islame dhe në moralin e një shoqërie besimtare!? Gjakderdhja është diçka shumë e rrezikshme dhe për të llogaria është shumë e vështirë. Muhammedi alejhis-selam ka thënë: "Ditën e Kijametit i vrari vjen drejt Arshit duke e mbajtur vrasësin nga koka dhe thotë: O Zoti im ky më ka vrarë." Transmetoi Ahmedi. Buhariu dhe Muslimi transmetojnë se Muhammedi alejhis-selam ka thënë: "Gjëja e parë për të cilën gjykohet mes njerëzve janë gjaqet."
Prandaj Abdullah ibn Umeri (Allahu qoftë i kënaqur prej të dyve!) ka thënë: Prej telasheve më të mëdha nga e cila personi nuk mund të dali është të derdhësh gjak padrejtësisht. Transmetoi Ahmedi.
I bëjmë thirrje atyre që vetja i lejoi të vepronin diçka të tillë që t`i frikësohen Zotit dhe Krijuesit të tyre se Allahu e pranon pendimin e atij që pendohet, rregullohet dhe vepron mirë.
Pejgamberi sal-lallahu alejhi ue sel-lem ka thënë: "Kush gabon le të pendohet e mos të vazhdojë në shkatërrim se sa më shumë të vazhdosh në të keqen aq më larg rrugës (së drejtë) je."
Zekati është një detyrim i ditur të cilit Sheriati i ka caktuar sasinë, kufijtë, kushtet dhe kohën e dhënies që muslimani të jetë i qartë në çështjen e tij dhe të dijë se çfarë ka për detyrë dhe kur. Prandaj çdo musliman duhet të pyesi dijetarët për të qenë sa më i qartë. "Pyetni dijetarët nëse jeni që nuk dini." (En-Nahl: 43)
Zekati është detyrë të jepet për arin dhe argjendin e gjykimin e tyre e marrin edhe kartmonedhat, zekati jepet për drithërat dhe hurmat, për bagëtitë dhe për mallrat e tregëtisë, për gjithçka që është caktuar për shitje qoftë tokë, banesë etj. Nëse mbushet një vit për këto pasuri llogaritet vlera e tyre sipas tregut dhe i zoti i tyre nxjerr për to zekatin sa një e dyzeta. Ndërsa për banesat që jepen me qera nuk jepet zekat por për vleftën e qerasë së mbledhur nëse mbush vitin jepet zekati.
Nga Shejhu Husejn Ali Shejh
20/9/1424H
Lutja jone e fundit eshte :Falenderimi dhe i tere Suksesi i takon vetem Allahut xh.h.
Es-selamualejkum we rahmetullah nga vellau juaj ne Islam