[Zero Cool]

Kim, flet për arsyet e ndarjës së shpejtë nga burri


Pasanikja Kim Kardashian është e detyruar që të kthejë dhuratat e saj të dasmës, që përfshin edhe ari me vlerë të lartë, pas shkurorëzimit tronditës me Kris Humphries.





03 nëntor 2011
Kim Kardashian ka nisur të filtrojë deklaratat e saj që prej momentit kur i dha fund martesës me bashkëshortin Kris Humhries.

Gjatë të parës intervistë televizive që prej momentit kur deklaroi divorcin të hënën, Kim tha se intuita ishte arsyeja se pse i dha fund lidhjes me burrin e saj 26 vjeç. E pyetur nga David Koch në “Sunrise breakfast” të enjten në mëngjes ajo tha se “nëse ju arrini aq thellë në zemër sa të ndiqni intuitën dhe zemrën nuk ka diçka të keqe apo të mirë për të bërë”, tha bukuroshja Kim.

Ndryshe, pasanikja dhe prezantuesja e disa emisioneve televizive për momentin po shikon që të finalizojë shkurorëzimin me burrin e saj, më të cilin ishte e martuar vetëm 73 ditë dhe jo më shumë.

Ndërkaq po mendon si t’ia kthejë dhuratat shokëve të shoqërisë së lartë.

“Kim ka marrë shumë fustane dhurata, argjend dhe gjëra të tjera pak para dasmës dhe tani dëshiron që së paku ato t’ua kthejë atyre që e nderuan atë”, ka treguar një burim i afërt me yllin.

“Po ashtu, ajo dhe Kris kanë edhe disa gjëra për të përfunduar, apo më mirë të themi borxhe të dasmës. Do të jetë një gjë e rëndë që ata të dy të ndahen”.

Ndryshe, Kim në orët e hershme të së martës ka mohuar po ashtu thashethemet se ajo është martuar vetëm sa për të bërë “show” dhe jo pse e ka dashuruar Krisin.