[pirro]

<H2><H2>Teheran: 7 të vdekur në protestat

Mediat shtetërore iraniane raportuan se shtatë njerëz e kanë humbur jetën dhe disa të tjerë janë plagosur në protestat e djeshme në Teheran që u mbajtën kundër rizgjedhjes së presidentit Mahmoud Ahmadinejad. Persona të armatosur të hënën raportohet se kanë hapur zjarr ndaj disa protestuesve, të cilët siç njoftohet ishin përpjekur të hyjnë në ndërtesën e një milicie radikale islamike në kryeqytetin Teheran.

Demonstruesit thanë se planifikojnë protesta edhe për sot.

Qindra mijë njerëz morën pjesë në protestat në Teheran, që u përshkrua si tubimi më i madh kundër qeverisë që nga koha e Revolucionit Islamik.

Përkrahësit e reformatorit Mir Hossein Mousavi thonë se zgjedhjet presidenciale janë të kurdisura.

Udhëheqësi suprem i Iranit, Ayatollah Ali Khamanei, i cili më herët e mirëpriti fitoren e Ahmadinejadit, të hënën i urdhëroi Këshillit të Gardës, i cili i certifikon votimet, t’i shqyrtojë pohimet për mashtrime në zgjedhjet. /REL/
</H2></H2>