[prishtinasi]

Iliriana Sulkuqi







SHTËPITË TONA…



(Ua kushtoj miqve dhe kolegëve të mi në mërgim)



Shtëpia ime me qera

Ka vetëm kukulla me gjuhë të huaj…

…Edhe ca lule nderë e tharë

që loti ynë i përvuan…



Shtëpia ime me qera –

Këmbadoraz në dhe të huaj,

Pret paranë nga unë të marrë... -

Vdes veten… Si do ta paguaj?!…



Shtëpia ime, kudo qofsh,

Mbi Diell a nën Hënë,

Bëmu një vatër nënkrese, moj,

T’paguaj dhe pa ngrënë!



Shtëpizë, ëndërr që më ftohesh,

Jepmë zë, paç Hirin tënd!

Shëtita pash më pash dhe Ferrin

Por prushin tënd s’ma dogji dot!

I. Sulkuqi