[Dani11]

Agjërimi ngritje dhe respekt apo nënçmim dhe degradim për besimtarin?
Ramazani është një muaj të cilin All-llahu xh.sh e ka graduar, begatuar dhe ngritur në të gjitha format.
E premte, 21 Gusht 2009 15:35


Nga: Sadat Vojvoda
A thua vallë ç'është Ramazani? A thua vallë për kë dhe kujt i dedikohet Ramazani? A thua vallë çfarë është mirësia e Ramazanit? A thua vallë agjërimi është ndëshkim dhe nënçmim për njerëzit apo dhuratë, mirësi dhe ngritje e dinjitet për të?

E filloj këtë shkrim me këto pyetje ngase shume po i rendojnë pyetje te tilla por, pas një shtjellimi të shkurtër le ti marr secili përgjigjejet në bazë të veprave të tije.

Ramazani është një muaj të cilin All-llahu xh.sh e ka graduar, begatuar dhe ngritur në të gjitha format. Në kuadër të këtij muaji (musafiri të All-llahut) kemi agjërimin që në kuptim të fjalës donë të thotë: privim apo largim nga ushqimi dhe pijet nga imsaku (syfyri) e gjerë ne aksham (iftar) por a është kjo e tëra. Agjërimi është privim nga kënaqësitë e kësaj bote dhe duke ju nënshtruar në mënyrë maksimale gjendjes shpirtërorë për të u ngritur dhe afruar me All-llahun e Plotfuqishëm.

Agjërimi është bërë obligim për njerëzit ku thotë All-llahu xh.sh ne Kur'an : "O ju që besuat, agjërimi u është bërë obligim sikurse që ishte obligim edhe i atyre që ishin para jush, kështu që të bëheni të devotshëm. (Bekare 183)
Pra agjërimi qenka i obliguar për njerëzit për të arritur devotshmërinë – nënshtrimin ndaj All-llahut.
Sado që në agjërim kemi sprova të ndryshme dhe vetëpërmbajtje, ky nuk është qëllimi i tij por, qëllimi i tij është ushtrimi i sundimit të vetvetes dhe sundimi i vetvetes. Pra qëllimi kryesor i agjërimit qenka devotshmëria dhe afrimi tek All-llahu. Pejgamberi a.s ka thënë: "Kush agjëron dhe nuk largohet nga gënjeshtra dhe veprat e liga All-llahu nuk ka nevojë për agjërimin e tij."

Agjërimi nuk është asgjë tjetër përveç mirësi, dhuratë dhe ngritje e respekt për njeriun. Agjërimi qenka mirësi meqë All-llahu në ajetin e obligimit të agjërimit nuk e përfundoj me fjalët : ... të shëroheni, te kurseni por tha ..."ashtu qe te jeni të devotshëm" pra qenka mirësia më e madhe meqë po e respektuam agjërimin me të gjitha tiparet dhe rregullat tij. All-llahu me Mëshirën e Tij po na i falka mëkatet. Nga kjo nënkuptojmë që nuk ka mundësi të jemi edhe të devotshëm edhe mëkatar të mëdhenj.
Vallë a nuk qenka agjërimi për njeriun ngritje shpirtërore dhe krenari maksimale.

Shpërblimet për një vepër të mire janë të numëruara dhe shpërblehen për një me 10 e deri në 700 dhe shumëfishohen, kurse All-llahu në hadithin kudsij thotë: " Çdo vepër (pune) e njeriut i takon atij, përveç agjërimit. Ai është i Imi dhe Unë shpërblej për të." Vallë a nuk është kjo krenari dhe privilegj. Andaj të lejojmë të na ik ky musafir kaq i begat dhe dobi prurës.
Megjithëkëtë agjërimi nuk sjell dobi tek disa njerëz edhe pse ata agjërojnë. Ata të cilët nuk i përmbahen rregullave të agjërimit dhe futen nën këtë thënie të Muhammedit a.s " Kush agjëron dhe nuk largohet nga gënjeshtra dhe veprat e liga, All-llahu nuk ka nevojë për agjërimin e tij. Kjo donë të thotë që agjërimi është i dobishëm në shumë fusha: në aspektin shëndetësor fizik dhe psikik, por nëse agjërojmë duke u larguar vetëm nga ngrënia dhe pirjet atëherë nuk kemi arrit asgjë nga mirësitë e tij dhe mysafiri që e patëm në shtëpi do ik i zhgënjyer nga ne.

Agjërimi duhet të bëhet me gjymtyrët e trupit çka donë të thotë të largohemi nga lakuriqësia, nga shikimet e serialeve të ndryshme erotike - pornografike, nga dëgjimet e kota si muzika, skeçet humoristike banale dhe të ngjashme, largimit nga baret dhe restorantet me përmbajtje alkoolike, nga pishinat dhe bregdeti edhe të gjitha veprat tjera të liga dhe të ndyta. Ata njerëz, robër të All-llahut që nuk përmbahen nga këto vetëm se kanë bërë një mashtrim me vetveten e tyre pasiqe nuk kanë arritur të përfitojnë asgjë vetëm mallkimin nga musafiri i begat dhe shume i çmueshëm.

Të nderuar vëllezër dhe motra ta respektojmë këtë musafir të dërguar të All-llahut dhe të përfitojmë nga shefati (ndërmjetësimi) i tij në ditën e gjykimit.

O njerëz tregohuni bujar, respektues dhe falënderues ndaj All-llahut dhe jo përbuzës dhe mohues të mirësive të Tij.

O njerëz falënderojeni dhe madhërojeni All-llahun për udhëzimin që të ka bërë.
All-llahu në Kur'anin Famëlartë thotë: "...dhe, All-llahun ta madhëroni për atë që ju ka drejtuar – udhëzuar në rrugë të drejtë dhe të jeni mirënjohës.: (Bekare 185)

Na e pranoftë All-llahu agjërimin tonë dhe ibadetet tona dhe na bashkoftë nën bajrakun e Kur'anit në Ditën kur çdo popull do të identifikohet me Librin e vet qiellor! Amiin!

Dhe duaja jonë e fundit është:
Lavdia i qoftë All-llahut, Sunduesit te botrave.