[Linka_pz]

Le të njihemi me frutat e stinës së verës



Luleshtrydhet kanë shije të mrekullueshme dhe pak kalori (100 gr. luleshtrydhe përmbajnë vetëm 30 kalori!). Këto fruta përbëjnë një burim vitaminash C. Roli biologjik i kësaj vitamine është tejet i rëndësishëm për organizmin, sidomos për ata persona që pijnë duhanin. Kjo ndodh sepse nikotina ka aftësinë të eleminojë veprimtarinë e vitaminës C në organizëm. Luleshtrydhet përmbajnë gjithashtu edhe mjaft inde fibroze, duke ndihmuar kështu sistemin tretës dhe sidomos zorrët.



Qershia është një nga frutat më të dashura të stinës së verës e cila përmban gjithashtu pak kalori (100 gr. qershi përmbajnë vetëm 72 kalori!). Qershitë janë mjaft të njohura për vetitë e tyre diuretike (d.m.th që shkaktojnë urinim të shpeshtë), duke ndihmuar kështu organizmin të lehtësohet prej toksinave. Mjaft persona ziejnë bishtat e qershive për ti përdorur si çaj diuretik. Këto fruta, ashtu si edhe luleshrtydhet, përmbajnë acide të cilat luftojnë mundësinë e shfaqjeve të tumoreve në të ardhmen.


Shalqiri, ashtu si edhe pjepri janë fruta të lehta dhe të freskëta (100 gr shalqi përmbajnë 26 kalori, ndërsa 100 gr pjepër 33 kalori). Këto fruta janë të pasura në b-karoten dhe vitaminë C. Substanca b-karoten luan një rol të rëndësishëm në përmirësimin e shikimit dhe funksionimin e mirë të syve. Ato përmbajnë gjithashtu edhe mjaft kalium, i cili ndihmon në rregullimin e funksionimit të zemrës dhe të tensionit arterial.

.