[lirik]

Vala valen
-----------------
shkruan xhelal ferizi
-----------------
vala valen do ta shtyjë
shekulli shekullin do e ndjekë pas
varur qiellit do të rrijnë yj
e tërmetet tu u përplasë
---------------
do të lulzojnë gjithë fusha e male
era do të lkundë gjith druj e lisa
do të ecin stin't ngadale
por do të mbes shqipnija n’plisa
----------------
e nëse motet ikun n’ breza
ecin detet me ujë e zalle
mbushet toka me varreza
e ’s’ mbarojn t’ dheut brenga e halle
-----------------
e dhe qyqet ‘t’ndrrojnë fole
karajfilat qehre ndrrojnë
sa të ket gjak ndër kombe e fe
mallë e lot për ty do t’ m’ vlojnë
----------------
do t’ më vlojnë për ty shqipni
ku t’ rrijnë t’ bardhat pllaja e vrrije
kahdo shqip me gjuhë etni
shqip ku t’ bjen flladi me hije
------------
e sa të ket trupa qiellore
që tu u endë rrijnë n’kupë gjithsije
do të buroj gjuha arbnore
si e pashtershmja gurrë mahnije
-----------------
qoftë mallkue ai në fis e farë
gjuhen të lashtë si mjaltë nder hoje
që e mohon tue kenë shqiptarë
thue se e ndrron ndoj gogel loje
----------
Shkruar nga autori xhelal ferizi në mërgim
--------------------------------------------
këngë shqiptare
'''''''''''''''''''''''''''''''''''''''''''''