Deshmia e Hasan Zenelit shoku i Zahir Pajazitit.

Shpërthen Hasan Zeneli,shoku i Zahir Pajazitit akuzon Azem Sylën…

on Maj 25, 2011 9:57 pm / 18 comments

Hasan Zeneli është ndër bashkëluftëtarët e orëve të para të komandantit të Ushtrisë Çlirimtare të Kosovës Zahir Pajazitit. Ka marrë pjesë në aksionet e para kundër policisë serbe. Thotë se arma e tij automatike ka qenë e para që ka shkrepur kundër policisë serbe dhe bashkëpunëtorëve të tyre. Është pjesë e aksionit kundër ish-rektorit serb Radivoje Papoviq.
Por Hasan Zeneli, 12 vjet pas përfundimit të luftës në Kosovë, ndihet i zhgënjyer. Zhgënjimi i tij daton që nga koha e aksioneve të tij guerile ilegale me Zahirin. Zhgënjimi i tij vjen e shtohet pas vrasjes së Zahir Pajazitit, më 31 janar t vitit 1997. Ndërkaq zhgënjimi i tij ka shpërthyer tash kur i ka plasur zemra dhe me çdo kusht dëshiron të zbardhë vrasjen e bashkëluftëtarit e komandantit të UÇK-së Zahir Pajazitit.
Hasan Zeneli flet për herë të parë për pjesëmarrjen e Zahirit në ushtrimet ushtarake në Shqipëri në vitin 1991, për takimet dhe relacionet e Zahirit me Ismet Abdullahun, Azem Sylën, Nahit Hasanin, Xhavit Halitin, Sali Çekun, Sokol Bashotën, Ismajl Sejdiun, Jonuz Zenelin, Agim Makollin, Latif Brajshorin etj.
Në intervistën ekskluzive për “Bota sot” Hasan Zeneli tregon se kush ishin koordinatorët e Grupit të Llapit, të Drenicës dhe të Dukagjinit? Si i bë takimi ndërmjet Sali Çekut e Zahir Pajazitit? Pse Grupi i Llapit kundërshtoi dërgimin e Nahit Hasanit si koordinator për Grupin e Llapit? Kur është mbajtur takimi i parë në mes të Zahir Pajazitit e Nahit Hasanit? Kur është takuar për herë të parë Zahir Pajaziti me Azem Sylën dhe cila ishte porosia e Azem Sylës për Zahirin? Pse Zahiri refuzoi prosoinë e Azem Sylës për të bërë atentat ndaj presidentit Ibrahim Rugova? Pse kur e pyeta Zahirin se si kalove në takim me Azem Sylën, Zahiri më tha: ”Hiqu tij, nuk dua as ta shoh më kurrë!”. Pse nuk u lejua që anëtarë të Grupit të Llapit të jenë edhe Nuredin Ibishit e Faik Pajaziti? Cila ka qenë porosia e Ibrahim Rugovës që i ka dërguar te Grupi i Llapit përmes Rexhep Gjergjit? Pse Azem Syla, Xhavlit Haliti, Ali Ahmeti e Sokol Bashota dëshironin të bëheshin “komandantë” të UÇK-së nga diaspora? Si u vra Zahir pajaziti vetëm 10 ditë pas arrestimit të Nahit Hasanit? Cilat in formacione ka mundur t’i japë policisë serbe Nahit Hasani i torturuar nga policia serbe? Pse kur u arrestova unë më 27 prill 1997, inspektorët e sigurimit më përmendin vazhdimisht “Abazin”, pseudonimin e Nahit Hasanit? Pse Nahit Hasani viktimë e kreut të dhunshëm të UÇK-së, që kanë emrin e Azem Sylës, Xhavit Haliti, Ali Ahmeti, Sokol Bashota? Pse kërkoj nga Azem Syla që të jap llogari për vrasjen e Zahir Pajazitit, Edmond Hoxhës e Hakif Zejnullahut?