Leter e hapur

Ismail Kadare i shkruan letër të hapur Lulzim Bashës

Tërhiqur nga kandidatura për kryetar të bashkisë së Tiranës

Zoti Lulzim Basha,
I shqetësuar seriozisht, si shumica e shqiptarëve brenda dhe jashtë vendit, po ju dërgoj këtë letër të hapur, me shpresë se ndoshta mund të ndihmojë në zgjidhjen e kolapsit të papritur në të cilin është gjendur jo vetëm shteti, por gjithë kombi shqiptar.
S’është nevoja të zgjatem këtu për pasojat e rënda të këtij kolapsi, që nis prej tronditjes së demokracisë dhe kalendarit të jetës së brendshme, gjer te rreziku i izolimit të ri të vendit, çka do të ishte fatale sot për të dy shtetet shqiptarë në Ballkan.
Nisur nga kjo, shpresoj se do ta kuptoni drejt mesazhin tim, i cili nga këndvështrimi i klasës politike shqiptare mund të duket i gabuar politikisht, strategjikisht, taktikisht etj.,etj. por nga një tjetër pikpamje, nga interesat e larta tê vendit, të republikës dhe të kombit do të ishte i drejtë dhe i saktë.
Si politikan dhe si zyrtar ju jeni gjendur kohët e fundit, në qendër të një cikloni, i cili jo vetëm mund t’ia mbyllë rrugën përparimit të kombit shqiptar, por ta kthejë atë shumë vite prapa në histori. S’është nevoja këtu t’ju kujtoj se sa e pandreqshme dhe e pafalshme do të jetë kjo mbrapështi.
Nisur nga kjo, në kushtet e një fitimi ose të një humbjeje fare të paqartë, do t’ju propozoja një gjest , që, sot për sot është i rrallë, gati i përjashtuar nga jeta politike shqiptare : tërheqjen nga kandidimi për kryetar bashkie.
Nuk e kam vështirë të marr me mend , në këtë rast, reagimet e militantëve të krahut tuaj politik. E bashkë me të, hamendjet, dyshimet e gjithë britmat rituale. Do t’ju thoshja se prej kohësh ato s’më bëjnë asnjë pêrshtypje. Ndërkaq, meqenëse kanë lidhje me një pjesë të popullit shqiptar, do të doja t’ju jepja thelbin e mesazhit tim : Me këtë propozim, pavarësisht se si do ta kuptoni, unë ju nderoj.
Që të jem i saktë gjer në fund, do të shtoja se kjo nuk është çështje preference për ju, çështje afërsije etj. Dhe aq më pak nuk është sfidë ndaj kundërshtarit tuaj politik. Propozimi për tërheqje mund t’ia bëja secilit prej jush , por mendova se tërheqja do të ishte më e lehtë për ju që jeni në pushtet, sesa për tjetrin , që është shef i opozitës.
Prej kohësh jam i paanshëm dhe ky qëndrim më shumê se ndonjë meritë apo mosmeritë e imja, ka të bëjë me profesionin tim. Për shkrimtarin gjithë bashkëkombasit janë, në radhë të parë, lexuesit e tij, ndaj ai e ka vështirë të jetë me njerën gjysmë kundër tjetrës. Ky vizion dikujt mund t’i dukej egocentrizëm prej shkrimtari, por nëse kjo do të gjykohej e fajshme, do ta pranoja këtë faj apo këtë cen gjenetik.
Duke ju propozuar tërheqjen prej kandidimit, desha t’ju kujtoj se gjeste te tilla janë të njohura në historinë e pjesës më të emancipuar të njerëzimit. Janë të njohura dhe te çmuara si gjeste të mëdha tërheqja nga një këmbëngulje, nga një post, nga një dyluftim, madje nga një fron, nëse këmbëngulja , posti, dyluftimi apo froni shkaktojnë fatkeqësi. Desha t’ju kujtoja se themeluesi i shtetit shqiptar, I.Qemali, më 1912 , ka qenë njëkohësisht themeluesi i dorëheqjes shqiptare, kur me gjestin e tij madhështor, pas kërkesës së fuqive europiane, u tërhoq nga posti i vet, për të mirën e Shqipërisë.
Mendoj se Shqipëria nuk duhet t’i harrojë këto shenja të mëdha të qytetërimit të saj. Ajo duhet t’i kultivojë ato, të tregojë se nuk është një shtet tribal, por shtet europian demokratik, pjesë e familjes më të emancipuar të kombeve. Ajo duhet të tregojë se është në gjendje, se mundet, se duhet te jetë anëtare e denjë e familjes.
Gjesti i juaj do të jetë një mesazh emancipimi dhe shprese për brezin e ri shqiptar, duke pêrfshirë edhe atë të politikanëve. Cdo gjest i tillë, përpara se tê nderojë një politikan, një krah apo një stinë të politikës, na nderon të gjithëve.
Jemi mësuar me shprehjen « turp i përbashkët », që mirë a keq, e kemi pêrjetuar gjatë shumê viteve, por rrallë herë me shprehjen tjetër : « nder i pêrbashkët ».
Le të shpresojmë se do të vijë edhe koha e saj.
Miqësisht, me shpresë,
Ismail Kadare, shkrimtar

[elvio]

I vetmi intelektual qe ka fol hapur,edhe pse nuk e di a eshte koha e duhur tashme,sepse duheshin me te vetedijshem te dy palet,por me sa duket Odiseja s'ka te sos!!!!!

[Kercovari]

Postimi origjinal është bërë nga elvio

I vetmi intelektual qe ka fol hapur,edhe pse nuk e di a eshte koha e duhur tashme,sepse duheshin me te vetedijshem te dy palet,por me sa duket Odiseja s'ka te sos!!!!!

Rama nuk duhet të ndihmohet nga askush për të rrënuar Shtetin Shqiptarë.

Më vjen keq elvio që më duhet të them se, Kadare nuk është në koshiencë dhe në linjë të drejtë demokratike një kërkesë të tillë të i drejtojë Bashës.Kjo kërkesë do të duhej të i drejtohet Ramës po vetëm athere kurë KQZ të del me rezultatet përfundimtare.

Rama,dy vite ushtroj dhunë dhe terror rrugëve të Shqipërisë me kërkesën"Hap kutitë",tani edhe dy vite të tjera prtitet të ushtrojë dhunë me kërkesën"Mbyllë kutitë mos numro votat",dhe në fund për çdo dështim të tij në politikë"Saliu e ka fajin"dhe këtë faj ka mundësi Kadare t`ja sqaroj Ramës pikë për pikë.Sa kam mundësi të kuptoj unë,ky është një qëndrim i pastër jo konstruktiv i Kadaresë në këto çaste kur ligji dhe organet ligjore të Shtetit kan marrë situatën në dorë,këtu nuk duhet të harojmë se të përcaktohesh duke mbështetur njerin krah politik është gjest demokratik po duke ja dhanë votën e fshehtë partisë ose individit partiak e jo me letra të hapura të bëjsh presion mbi një platforme evorpiane dhe mbi Bashën për të mbeshtet format staliniste të vandalistëve Ramo-Enveriste.

Me këtë letër Kadare ka rrënuar reputacionin dhe respektin e një intelektuali të rangut të tij jo vetëm në hapsirat shqiptarë po edhe më gjërë.Demokracia nuk gjunjëzohet më presione dhe letra të hapura,përkundrazi, ky gjest i Kadares mund të llogaritet si fillim i rrënimit të autoritetit Kadare.
Koha shëron plagët elvio,nese jo, ka sanatoriume psikiatrike për çdo individ,dhe për diçka të tillë më së shumti ka nevojë Rama dhe vendalët e tij.

[Guri i madh]

sido qe te jet as sala nuk esht moll e embel po me dhimset LULZIM BASHA qe po bkjen pre e pazareve politike ,per edvinin nuk e kam aq brendg te madhe


po LULZIMI esht i ri e ka perspektiven e sigur po sala po e devalvon

[MemphiSx]

Eeeee pse si ka shkru Rames???

Thjesht po veti veq..:(

[SANTANA-29]

Dallavere ka shum ketu ,,te mjeret na ,qe hupim kohen e te lumet ata qe i mbushin,qepat pare,,
http://www.youtube.com/watch?v=x0iPp...eature=related

[rastesishT]

I paska ra puna I.Karades se te kishte pune ne profesionin e vet si kishte fut hunde ne politik aq sa i ka interesu shqiperia vite me pare aq i intereson tani keti patrioti.


L.Basha duhet ta pret rrezultatin perfundimtar te KQZ dhe nese KQZ e nxjerr ate fitues, atehere L.Basha duhet te dal me deklarat para TV dhe te thot une zgjedhjet i fitova por per hire te popullit dhe qe te mos ngecim prapa nga vendet tjera une do ja liroj rrugen rames. Dhe me kete rast L.Basha nuk humb asgje sepse vetem sa ka filluar karriera e ti politike dhe me kete hap qe do marr L.Basha do te fiton edhe me shume besimin e qytetareve ku ne zgjedhjet e arshme ne 2013 mund dhe te kandidohet per kryeminister i vendit dhe ku mund ta ket te sigurt fitoren.

[murrizi]

Mesazh i drejtë, Kadare ka bërë mirë që është kyqur.
Kadare ama duhej të kishte nisur përnjëhersh dy letra, njërën për Lulin e njërën për Edin !

Basha i përgjigjet Kadaresë: Pse nuk tërhiqem dot nga gara

Letër e hapur e Lulzim Bashës për Ismail Kadarenë
I nderuar Zoti Kadare,

Lexova me vëmendje letrën tuaj dhe ju falenderoj për shqetësimin që shprehni në lidhje me të ardhmen europiane të Shqipërisë. Ky shqetësim i përbashkët duhet të na preokupojë të gjithëve. Ndaj përfitoj nga kjo mundësi të paraqes këndvështrimin tim mbi faktet.

Në këto zgjedhje kanë votuar më shumë qytetarë të Tiranës se asnjëherë tjetër në historinë e saj. Votuesit e kanë shprehur tashmë vullnetin e tyre dhe institucionet përkatëse janë duke bërë ndërkohë numërimin e votës. Qytetarët kanë vendosur se kush e ka fituar këtë garë dhe se kush do të vijojë të administrojë qytetin.

Unë kam vendosur të respektoj të gjitha procedurat normative që parashikon proçesi i numërimit të votës në respekt të shtetit ligjor duke frymëzuar një qëndrim paqësor qytetar dhe në shërbim të stabilitetit e paqes sociale.

E gjithë filozofia e fushatës sime është mbështetur në dëgjimin dhe dialogun e drejtpërdrejtë me qytetarët. Ndaj sot e kam të pamundur të mbys zërin e mbi 124 mijë qytetarëve të cilët i janë përgjigjur pozitivisht planit dhe projektit tim për shndërrimin rrënjësor të kryeqytetit të shqiptarëve, që mjerisht po përjeton një kolaps urban, mjedisor dhe mund të themi ekzistencial. Nuk jam unë ai që vendos nëse do të bëhem apo jo kryetari i ardhshëm i Bashkisë. Ky është vendimi i votuesve dhe unë nuk kam asnjë të drejtë, që në asnjë rrethanë të braktis zgjedhjen që ata kanë bërë.

Unë besoj se gara dhe demokracia i vlejnë të ardhmes europiane të Shqipërisë. Ndërkohë që dhurimi në tavolinë ose pazaret në favorin tim apo të kundërshtarit, e dëmtojnë atë. Më mirë një garë deri në votën e fundit sesa një garë e munguar.

Duke u tërhequr, unë fyej votuesit, komisionerët, ligjvënësit, ligjet, gjykatat dhe vetë demokracinë. Me tërheqjen për shkak të presioneve politike, i bie të mos bëhen më zgjedhje në Shqipëri. Vërtet mund të shpresohet të kalohet më lehtë një sfidë imediate, por me çmimin e madh të rënies së demokracisë. Sistemi ynë demokratik është më mirë të përballojë sfida të vështira sesa të shpallë se përfundimisht nuk bën dot zgjedhje.

Unë nuk mendoj se instalimi i një pushteti që do mbante peng kryeqytetin në kundërshtim me vullnetin e zgjedhësve është më europian dhe demokratik sesa rotacioni politik që është baza e çdo demokracie.

Çdo terheqje e imja në këto kushte jo vetëm do të ishte një akt anti-demokratik, por besoj se nuk do të pranohej as nga rivali im për Bashkinë e Tiranës sepse për pasojë edhe legjitimiteti i vijimit të kryetarit aktual të Bashkisë do të ishte i kompromentuar.

Jam i bindur se rrethimi i institucioneve, kërcënimet me djegje dhe kryengritje apo pushteti i rrugës nuk janë më të pranueshme sesa votimi i lirë, numërimi i votës së vlefshme dhe vendimet e institucioneve.

Unë respektoj vullnetin e të gjithë atyre që kanë votuar pro meje, që kanë votuar për një ndryshim në Tiranë, si edhe ata që kanë votuar kundër, duke lexuar dhe respektuar çdo votë të tyre, respektoj ata që po presin me qytetari, pa dhunë, pa presion, si qytetarë të vërtetë europianë.

Jam i gatshëm të takohem para publikut dhe mediave, kudo dhe kurdo me rivalin tim për Bashkinë e Tiranës për një pakt moral dhe qytetar për respektimin e ligjit, për të pritur me qetësi vendimin e institucioneve, për t’i dhënë fund gjuhës së dhunës dhe për të pranuar verdiktin e qytetarëve të shprehur me votë.

Me respekt,
Lulzim Basha
>> Kadare i drejtohet Bashës: Tërhiqu nga kandidatura për Tiranën >> Komente (79)

[Kercovari]

Postimi origjinal është bërë nga murrizi

Mesazh i drejtë, Kadare ka bërë mirë që është kyqur.
Kadare ama duhej të kishte nisur përnjëhersh dy letra, njërën për Lulin e njërën për Edin !

Mire e ke murriz,po nuk e ben nje gje te tille sepse ka frik nga Qosja altoparlanti i Rames dhe PPSH,edhe ashtu ne marrëdhenje jo aq te mira dhe fisnike.

Po të kishte lexu me heret kete editorial as qe duheshte te lodhet Kadare.

Ishte Rama ai, i cili në emër të kozmopolitizmit, e dekoroi një këngëtar serb, Goran Bregoviç, me “Çelësin e Tiranës” (2006) titullin më të lartë të nderit që e jep kryeqyteti i Shqipërisë, pak vite pas luftës në Kosovë. Është interesant që pavarësisht fuqisë politike që e tregoi në Shqipëri, në tri mandate kryetar i Tiranës, dhe rreth gjashtë vjet kryetar i PS-së, ai kurrë nuk u mirëprit në Kosovë, pavarësisht ithtarëve jo të paktë majtistë. Pra, ai shihej me mosbesim nga të gjithë në Kosovë, veçmas u bë irritues kur doli hapur kundër ndërtimit të Rrugës së Kombit, ndërsa asnjëherë nuk doli në krah të proceseve në Kosovë, në kohën e bisedimeve kur po ndërtohej e tmerrshmja Pakoja e Ahtisarit. Ai u soll me indiferencë totale edhe atëherë, edhe tani pas Pavarësisë së Kosovës, në më shumë se tri vjet të pasluftës, ndërkohë që Veriu vazhdon të mbahet peng nga Beogradi. Ku ishte shqiptaria për të cilën fliste ai? Ky konceptim i tij për shqiptarinë është shpërfytyrimi më i çmendur që mund t’i bëhej kombit tonë në periudhën postkomuniste.
Ky numërim votash ia përplasi në sytë e tij, humbjen e dyfishtë Ramës, si kryetar i PS-së dhe Tiranës, humbjen morale nga Lulzim Basha, nga një njeri që dëshmoi qytetari dhe kulturë të lart demokratike, i cili hoqi dorë për garën nga çdo pushtet, është një humbje nga e cila se shpëtojnë as proceset ankimore; Dhe humbjen e 2009-ës, duke dëshmuar se kontestimi i votave (vjedhja) ishte një shpifje e tij.
Një qetësi vrasëse kishte pushtuar të dyja kampet e kandidatëve derisa po numëroheshin votat në kutinë e fundit, ankthi dhe tensioni shkatërrues, por që kjo urojmë dhe besojmë t’i japë dërrmën, ndjenjës dhe mendësisë sllavo-komuniste në Shqipëri, dhe shqiptarët të kthehen tek rrënjët dhe identiteti i tyre, i cili ka formësuar fisnikërinë në shkallën më njerëzore në botë, por që nëpër tranzicione të ndryshme u përvodh dhe u përzie me elemente të huaja negative, deri tek ai sllavo-komunist që ishte më i ndyri për shoqërinë shqiptare.
Pra, kjo transparencë e numërimit të votave e paparë në fytyrën e asnjë demokracie perëndimore, e bëri Shqipërinë dhe shqiptarët, popullin që demokracinë e përqafon në mënyrën më fisnike. Kultura dhe demokracia, po kthehen në djepin ku aty kanë lindur, në brigjet e Jonit dhe Adriatikut, tokën historike dhe prehistorike shqiptare, ilire-pellazgjike, ku janë rrënjët e qytetërimit perëndimor!
Editorial i botuar së pari në të përditshmen e Prishtinës “Bota Sot”

[Honesty^uk.]

20 vjet me vonese u shpreh njeri... Donte te behej faktor me Cdo kusht.. duke folur percart e duke belbezular ne menyre te pazakonte..
dhe ky ishte Ismaili i Kadareve

Honesty

[panta_rhei]

Shqetesimi i Kadarese eshte shqetesim i te gjithe shqiptarve. Do te thote i 7 milion shqiptarve.

Ai e ka drejtuar letren aty ku shpreson se ka njitrohe arsye e civilizim.
"Leshoja rrugen te cmendurve, idioteve!".

Kur behet keq, dhe na e dijme qysh din me u ba keq ne Shqiperi, e kemi pa, bash qata qe thojne "Kadareja po don me u ba faktor, prandaj po perzihet", do te thone "u kall shqiperia e Kadareja nuk e rrujti bile as nje mesazh nuk e dha". Pra, shqiptaret te vrasin nese hyp, te vrasin nese zhdryp.

Kur kish pas ardh ne trojet shqiptare per here te pare nje nderkombetar, kish pas thane "more ketu pernimen po ta lypka b*tha, spaskan faj keta qe po lypkan me ua ngule".

[rrush]

une nuk brengosem fare se kush do ta sundoj tiranen ne vijim por brengosem per dukurit e shemtuara te shqiptarit qe ironikisht perseriten neper stine e neper shekuj!
shume shtete dulen nga sistemi njepartiak por pasojat ishin te padukshme, derisa tek shqiptari lene vrrage, vrere e qelb.
e deshem aq shume komunizmin apo ironia, zilia dhe lakmia na verbuan jo vetem syrin por edhe trurin.
deri kur do rrokullisim shekujt per ta kuptuar se at qe bene bota eshte e mire dhe jo at qe bene shqiptari, nuk jemi, nuk ishim dhe nuk do jemi kurr Ne strumbullari i dikujt madje as edhe i vetes tone.
fundja i mençuri meson nga pesimi i tjetrit e ne qe nuk mesojm nga pesimet tona nuk e di si do vlersohemi.
vlersimi im eshte se neve na mungon mesi (mesatarja, shumica), Ne ose jemi te paret ose te fundit, ose me trimat ose me frigacaket, ose me patriotet ose me tradhetaret, ose me te mençurit ose me budallenjet, ose me te pasurit ose me varfanjaket, ose me te bashkuarit ose me te perçaret....
neve turprohemi te vlersohemi si mesatare! turp.
shumica e shteteve te botes jane me dhjetra here me te medha se shqiperia dhe neve llomotisim gjithe diten shypnija madhe, absurd!
shumica e shteteve te botes (fal edhe patriotizmit) e kane fituar lirine dhe pavarsine me shekuj perpara, derisa Ne ende brohorisim parulla ptriotike per liderin i cili çuditrisht dhe njekohsisht (sipas Neve) eshte edhe hajn edhe i ndershem, edhe genjeshtar edhe i sinqert, edhe patriot edhe tradhetar, edhe i mençur edhe budall....

per fund, e vlersoj shume porosine e Kadares sepse eshte e vetmja rruge apo i vetmi shteg prej kah me leht do shtegtoj shqiperia, kundershtare ka madje edhe neper forume por te tillet i paraqet ne letren e vet edhe Kadare, keta jane militant qorra ose qe per zili a budallaki mbyllin njerin sy.

nuk kam se si mos ta falenderoj edhe "Kerçovarin" per kontributin qe jep ne ket forum (edhe pse futem shume rralle) e lexoj me endje, por ne kete tem desha ta rikujtoj se votat qe futen ne kuti te gabuar me ligjet e shqiperise vlersohen te pavlefshme.
keshtu jane vresuar edhe ne 2009 edhe ne 2007.... dhe si te tilla(pavlere) as qe jane numeruar ndojher, madje ato te 2009 u perbalten dhe u dogjen ne delten e nje lumi apo llymi thua se nuk paten nje mundesi me te kulturuar per t'u asgjesuar.

pra une jam per nje ligj, ose ate te llymit ose te numrimit.

.....une e perkrah mendimin e te madhit Ismail Kadare sepse per mua me e rendesishme eshte e ardhmja jone kolektive se sa ajo partiake, prandaj

[Guri i madh]

ashtu siq tha panta rhei


i madhi ISMAJL KADARE frigohet se mos po ndodh si 1997 e kta socialistat gjithmon punojn me kall shqiperin