Krijohet lozha e madhe Masonike e Shqipërisë

[murrizi]

Krijohet lozha e madhe Masonike e Shqipërisë





Publikuar: 15.10.2011 - 18:16

Tiranë, 15 tetor - Duke filluar nga dita e sotme edhe në Shqipëri është krijuar lozha e madhe masonike.

Zyrtarizimi saj është bërë në një deklaratë për shtyp e Elton Cacit, mjeshtër i llozhës shqiptare, por edhe e disa të ftuarve nga llozhat e masone në Shtetet e Bashkuara dhe Italisë. Caci thekoi se hapja në këtë periudhë e llozhës shqiptare, përkon me krijimin e kushteve të duhura politike dhe sociale. Ndërkohë që puna kishte disa vite që kishte filluar.

Ndërsa i ftuari i veçantë në këtë ngjarje, Tomas Xhekson, sekretar ekzekutiv i konferencës të lozhave të mëdha Masonike, tha se krjimi i kësaj llozhe është me rëndësi për shqiptarët pasi do kontribuojë në promovimin e demokracisë dhe tolerancës, raporton News24.

“Ne duam te marrim disa qytetarë të mirë shqiptarë dhe t’i bëjmë më të mirë për të kontribuar në evoluimin e shoqërisë shqiptare. Ne jemi aty ku ka demokraci . Do të kontribuojmë në përhapjen e parimeve demokratike. Në Shqipëri kemi njerëz të rinj që nuk janë përfshirë në regjimin e vjetër, dëshironim ti jepnim një freski kësaj llozhe. Më duhet të theksoj se kjo nuk është një parti politike”, deklaroi Tomas Xhekson, sekretar ekzekutiv i konferencës të lozhave të mëdha Masonike.