Të rejat nga bota e modës

[rilinda]

Paris- Valentino paraqet koleksionin e lamtumirës

Stilisti Valentino ka paraqitur në javën e modës në Paris koleksionin e tij të fundit praneverë- verë 2008, pasi disa muaj më vonë ai do t’i thote lamtumirë botës së modës. Numërimi mbrapsht i stilistit filloi mbrëmë në Paris me paraqitjen e këtij koleksioni, i cili do të pasohet me koleksionin e fundit të modës për meshkuj dhe koleksionin e fundit Alta Moda. Ndërkaq, veshjet e koleksionit të paraqitur mbrëmë në Paris të binin në sy për ngjyrat dhe copat me pika. Ngjyrat mbizotëruese kanë qenë e kuqja, e verdha dhe roza. Ndërsa veshjet shoqëroheshin me portofola në ngjyrë vjollce.

[rilinda]

[rilinda]

Indi: Sfilata e modës me temë nga ngrohja globale

18-10-2007

Në Indi, u zhvilluan këto ditë sfilata mode me teme nga ngrohja globale.
Stilistët thanë se, me krijimet e tyre, kishte patur si synim ndërgjegjësimin e njerëzve për rrezikun që i kanoset Planetit tonë. Pyje të përfshira nga flakët, lule me ngjyra zbehta, që ngjajnë thuajse të thara, gjethe të thara dhe copra shkombinjsh që rrokullisen, dhe në anën tjetër frymëmarrja e ajrit të freskët, me ngjyrat e kthjellta... të gjitha këto ishin pasqyruar në dizenjot e veshjeve të paraqitura në sfilatë.
Stilistët thonë, sfilata e titulluar "Toka jonë e bukur, të ndalohet ngrohja globale", e ka marrë frymëzimin nga dokumentari "Një e vërtetë e pakëndshme" e fituesit të Çmimit Nobel të Paqes, Al Gore.
Materialet e përdorura për veshjet e paraqitura në sfilatë bazoheshin në traditat e kulturës indiane, të cilat artistët i kanë përpunuar, duke u dhënë një frymë moderne.

[rilinda]

Tokio- Në pasarele modelja me fustanin e artë

Ndoshta nuk janë veshjet që mund t'i ketë kushdo, apo komode për t'i mbajtur në trup çdo ditë, e megjithatë është ndër veshjet më të vlerësuara në pasarelat e Tokios. Veshje të bëra me monedha ari. Çmimi? Njëri prej tyre ka një vlerë rreth 1 milion dollarë.

[Elina]

Rilinda te lumte,,,si CIA je...

Ket fustanin me monedha ari e kam pa ne TV nja 3-4 dite mbas postimit tend ketu qe e ke be

Edhe po ma merr mendja qe lajmin e kan marre prej Forumit keta te televizionit ,,, ti kan vjedhe fotot me nje fjale ahhahahahahhahahahah

Ps;ishalla nuk e blen dikush ket fustan ,,,se i vihen pas hajdutet e e len pa te

[egi]

Në këtë vjesht duhet të përdorni një gjë, që deri në diten e sodme ka qen "i harruarr"... A mund të dini se për qka bëhet fjala? Për RRYPAAAA!

Pra vjeshta kërkon prej juve një rryp në bel, por jo një rryp të thjesht: rrypi duhet me shtrengu belin e juaj plotësisht.
Siq po thojn dizajneret kjo vjesht ka me qen plot me ngjyra dhe forma të ndryshme.
Në qoft se nuk e keni trupin ideal me numra 90 - 60 - 90, provoni me rryp mbi seter ose pallt te gjat. Nuk është me rendesi a është i gjan apo i holl, kryesorja është me përdor.

[egi]

ROMA - MUZEJUM I MODES

Në vitin e ardhshem në shtator Roma ka vendos të hap nje muzejum të modes. Muzejumi ka me qen një rezolut i bashkpunimit të komunes dhe dizajneren Micol Fontana, e cila do ja fal muzejumit 208 kreacjone të veta. Muzejumin dojn ta hapin në vend të shpijes Doria Pamphili, rreth kësaj shpije është një park me 9 km2, më i madh në krejt Romen.

Në ekspozit do e qesin dhe vellen e artistes Amerikane Linda Cristian, e cila është martuar me aktorin Tyrone Power, gjithashtu dhe disa fustana nga VIP-at botërorë, përshembull : Rita Hayworth, Elizabeth Taylor in Ava Gardner.

[egi]

GISELE NUK PRANON DOLLAR, POR VETEM EVRO

Manekenja Gisele Bündchen i ndëgjoj ekonomistat dhe pagesat do ti pranon vetem në evro - me këtë na tregoj që nuk është vetem e bukur, por edhe e menqur.

Ekonomistat më të njohur të botes thojn që dollari ende ka me humb vlerë, për këtë arsyje motra e Gisele, Patricia, e cila është menegjerja e saj, e shpalli lajmin qe prej ketij momenti Gisele do pranon pagesa vetem në evro.
Bjondina Gisele është manekenja më e pasur në botë. Pasurija e saj është rreth 75 milijon funt dhe siq po duket, nuk e ka ndermend ti humb keto para për shkak te inflacionit të dollarit.

[rilinda]

Moda Lufton Varfërinë

"Moda Lufton Varfërinë" është një nga fushatat më të mëdha të grumbullimit të fondeve në Washington DC. Synimi i saj është të ndërgjegjësojë opinionin dhe të grumbullojë fonde për zbutjen e varfërisë globale përmes modës. Gala e tretë vjetore e kësaj ngjarjeje përfshiu gjithashtu një paradë mode me stilime të prodhuara në komunitetet e varfëra në mbarë botën.
“Moda Lufton Varfërinë” është një fushatë humanitare që synon të luftojë varfërinë globale, përmes fuqisë që ka moda për të nxjerrë fitime. Synimi i saj është të rrisë ndërgjegjen dhe të ngrejë fonde për projekte që inkurajojnë dhe mbështesin mënyrat krijuese për të luftuar varfërinë në botë.
Një nga partnerët e kësaj fushate është Shoqata e Kombeve të Bashkuara në Zonën e Kryeqytetit, e cila punon për të inkurajuar amerikanët të mbështesin punën e OKB-së.
Në këtë shfaqje marrin pjesë stilistë kombëtarë dhe ndërkombëtarë që i realizojnë produktet e tyre duke nxitur zhvillimin ekonomik në vendet e varfëra. Rrjeti i Stilit dhe Imazhit, një firmë për marrëdhëniet me publikun me seli në Washington, organizoi këtë shfaqje bamirësie. Drejtor krijues është Michael Dumlao. “Ne reklamojmë punën e stilistëve vendas. Me këtë dua të them, të atyre që përdorin materiale jo të dëmshme për mjedisin dhe që kontribuojnë me koleksionet e tyre për të krijuar një lidhje sociale për një çështje të rëndësishme globale".
Shfaqja e këtij viti ishte një bashkëpunim ndërkombëtar i stilistëve si Basia Frossard nga Polonia, Ecliptica nga Puerto Rico, Liliana Castellanos nga Bolivia, Natalia Nafalieva nga Rusia dhe Elizabeth Muir nga Washingtoni e cila i krijoi punimet e saj në Afganistan.
Janelle Funair është një stiliste nga Orangia, që përdor pambukun organik dhe po punon për një linjë prodhimi tërësisht me material organik. “Tani për tani po prodhojmë veshje në Miami të Floridas dhe punësojmë 10 artizanë nga e gjithë bota, kryesisht nga Amerika Latine. Kemi punësuar artizanë në Kolumbi për të prodhuar copën”, thotë stilistja.
Në shfaqje u paraqitën punët e stilistit Thomas Christopher me rrobat e banjës për meshkuj, në koleksionin për Cha-cha Boy. "Është një mënyrë për të mbështetur vendet ku është e nevojshme asistenca financiare".
Pasi punoi me fëmijët në rrugët e Amerikës Latine, stilistja Heidi Rauch u frymëzua për të krijuar veshje me material organik të prodhuar në fabrika të drejtuara nga familje të vogla në Brazil. "Në tre vitet e fundit, kemi punësuar qindra të rinj. Këtu nuk shfrytëzohen punëtorët. Ata kanë siguracion shëndetësor", thotë stilistja. Fushata “Moda Lufton Varfërinë” po përpiqet të edukojë konsumatorët se blerjet e tyre mund të kenë një ndikim të madh në botë.

[rilinda]

Tendencat e modës mashkullore vjeshtë/ dimër 2007-2008

Mbizotërimi i toneve të errëta, pothuajse krejtësisht e zezë. Pak prekje ngjyrash ekscentrike dhe të metalizuara. Kështu do të paraqitet burri i kësaj vjeshte që është protagonist i materialeve të teknologjisë së lartë dhe inovativë, të përdorura si për veshjet e ditës por edhe për ato të mbrëmjes. Nëse për femrat rehatia është fjala kyç, për mashkullin e këtij viti, janë xhaketat e shkurtra deri në bel dhe pantallonat e ngushta në kavilje.

Nga xhentëlmeni i kollarisur te pamja e yllit të muzikës rrok. Nga babai i respektueshëm i familjes te pamja prej astronauti. Tendencat dhe stilet për vjeshtën dhe dimrin 2007-‘08 janë shumë, por kanë një gjë të përbashkët: cilësinë dhe elegancën. Kudo dhe kurdoherë. E reja? Përdorimi i materialeve tekno si plastika, pëlhura të llakuara dhe veshje të argjendta. Look-u prej xhentëlmeni: dopiopeti është rikthyer, pardesyja është klasike dhe nuk shkon përtej gjunjëve.

Ndikimi i rrokut: Grija është e zeza e re: gri në të gjitha nuancat si për meshkuj ashtu edhe për femra. Xhaketa e rehatshme dhe e ngrohtë. Pulovra të gjata: pulovra dhe triko me kopsa edhe për meshkujt. Look-u i ardhshëm: materiale të preferuara në tonalitete të argjendta për një pamje sikur keni zbritur nga një e ardhme e largët. Stil kalorësi: çizme të gjata edhe për meshkuj për t’u mbajtur mbi pantallona. Lëkurë e butë: lëkura e butë dhe elegante për një stil më të sofistikuar, por nuk mungojnë as elementët fetish apo ato sado-mazokistë.

Propozimet e stilistëve për vjeshtë-dimër 2007. Veshjet më origjinale dhe interesante...

Versace

Një mashkull bipolar, është propozuar nga Versace për këtë vjeshtë/dimër. Në sfilata vihen re dy tipologji për mashkullin e ri. Imazh i ri për një mashkull që duhet të jetë i sertë. Janë zhdukur ngjyrat e ndezura, të shndritshme, tokëzat dhe ari. Donatella Versace propozon versionin klerikal. Ky është provokimi i ri i shtëpisë së famshme të modës. Por nuk mund të mungonte një prekje rrok: me smokingët dhe bojën e përdorur për çizmet tashmë legjendare me takë. Dhe për koleksionin e ri Versace zgjedh blunë si gamën kryesore të ngjyrave.- nga bluja e letrës karbon te bluja mikropçip. Mashkulli i Versaces është xhentëlmeni klasik, por shumë bashkëkohor dhe modern- që e ka shumë të lehtë të veshë kostume dhe pardesy, por edhe që mund të ndryshojë në pulovra dhe xhaketa të shkurtra në një pulitje sysh.

Prada

Ndërsa mashkulli i propozuar nga Prada vishet me materiale të rinj, ngjyra të reja dhe vëllime të reja. Nga mëndafshi te leshi i angorës, nga peliçet te lëkura e dashit: shtylla e koleksionit janë trikot. Por risia e vërtetë janë xhaketat, që vjedhin vëllimet e linjave femërore e dizajnojnë një trup të ri për mashkullin duke e transformuar atë. Ndërsa pantallonat janë “të guximshme”, me shtratin e shkurtër e të ngushta te kaviljet. Me koleksionin e fundit për meshkuj, Prada ofron një version që përqafon të njëjtën ide me atë të koleksionit të femrave- diçka mes një mashkulli të egër, gati primitiv dhe një kukulle “baby-boy”, të përkufizuar në mënyrë lakonike. Ky është statusi i mashkullit modern për shtëpinë e modës Prada.

Bottega Veneta

Bottega Veneta i rikthehet traditës së rafinuar qepëse duke e vënë theksin mbi ngjyrat: jeshile, mustardë, ngjyrë qumështi, bezhë. Kujdesi për detajet bëhet gati në formë maniake: xhaketa deveje, aksesorë luksi si mbërthesa në lëkurë krokodili dhe kapëse të arta, për të cilat do të jenë artikuj të domosdoshëm për këtë sezon. Një koleksion i larmishëm, i pasur në detaje që me një pamje kompleton të gjithë gardërobën mashkullore. Frymëzimi: shija e qëndrueshme mashkullore e interpretuar me një shtysë krijimtarie të fortë dhe ndonjëherë profane, depërton nga një shpirt i klasës së lartë me reflekse magjepsëse. Materialet: të shndritshme, lëkurë të llakuara, të lyera me varak, të metalizuara, kamoshe të ylberta, dhe kadife e butë. Me luspa të mëdha, pëlhura të leshta me fije të ngjyrosura me dizajno bardhë e zi.

Armani

Armani, për koleksionin Emporio, vendos gjithçka mbi materialin, në risinë e pëlhurës. Sertësisht e zezë, me pak lëshim në grinë. Pantallona të puthitura pas trupit me shtesa xhinsi ose pantallona kostumi të propozuara në anën sportive. Mashkulli i propozuar nga Giorgio Armani përzien stile dhe tendenca. Pëlqen të zhdramatizojë dhe është në gjendje të kombinojë veshje klasike me ato sportive. Giorgo Armani kombinon materiale të ndryshëm për xhaketat dhe pantallonat në një blu mesnate, jeshile të errët dhe kadife ngjyrë vjollcë. Ndërsa e zeza është sunduesja e përhershme. Në vend të këmishës dhe kravatës Armani e sheh mashkullin në artikuj të trikotuar dhe jelekë. E zeza Emporio Armani mund të dallohet lehtë: elegante, e matur dhe njëkohësisht trendi.



Roberto Cavalli

Roberto Cavalli e shpie mashkullin në perëndimin e vjetër, me pantallona pitoni, çizme, rripa voluminozë, por nuk e nënçmon, përkundrazi thërret në stampa, në prerjet e pantallonave, në peliçe, botën e rrokut. Një koleksion mbase tepër i pasur, por i kalibruar. Në linja është argëtues dhe për një mashkull të sigurt në vetvete është shumë bashkëkohor. Koleksioni është përzierje mes artizanatit fiorentin dhe botës së yjeve të rrokut. I lidhur në një siluetë të ngjitur pas trupit me xhaketa të ngushta dhe pantallona lëkure që ndalen mbi kavilje. Mashkulli i Roberto Cavalli-t deklaron haptas natyrën e tij. E përmbledhur në një gamë kromatike që shkëputet fare pak nga e zeza, me pak devijim drejt devesë dhe blusë elektrike, koleksioni është antitezë absolute e ngjyrave klasike të Cavalli-t.



Valentino

Në koleksionin e tij Valentino ofron kalorësin e bardhë, duke sjellë të gjithë elementët e së bardhës që përfshijnë pardesy dopiopet, kostum dopiopet, xhaketë me dy kopsa dhe xhaketë të shkurtër deri në bel në lëkurë gjarpri. Kravatat janë fakultative, ndërsa rripat të hollë. Pulovrat në jakë rrumbullake mund të vishen në vend të këmishëve dhe kravatave të rregullta. Ngjyra tjetër që ofron Valentino është grija e gurtë. Pardesytë vijnë në ngjyrë të zezë ose bezhë dhe jelekët e punuar me shtiza mund të vishen me kostume në vend të jelekëve klasikë .

Nuk mungojnë as pantallonat dhe xhaketat e lëkurës në stilin e përditshëm.



Calvin Klein

Stilisti Italo Zucchelli e sheh mashkullin e propozuar nga Calvin Klein në veshje të qepura në mënyrë elegante me një shtesë teknologjie. I njohur për estetikën e tij minimaliste ai dizajnon xhaketa të shkurtra të mbuluara në PVC të tejdukshme ose kostumet ne materiale të leshta.

Italo Zucchelli ka punuar në një gamë të gjerë ngjyrash si ngjyrë deti, ngjyrë e përhimë dhe nuancat e grisë me pak ndërthurje lejla dhe të verdhë kanarinë.



Dsquared

Dean dhe Dan Caten kanë befasuar me sfilatën e tyre për koleksionin vjeshtë / dimër 2007-2008. Shtëpia e modës ka prezantuar një mashkull shumë të veçantë: agresiv, që thyen rregullat dhe të mbuluar nga koka te këmbët me lëkurë të zezë. Një mashkull që e di mirë se çfarë dëshiron dhe di si ta arrijë. Një mashkull me pantallona lëkure të zezë dhe me kamxhik në dorë . Ky është mashkulli i Dsquared. Gjithçka me tone tepër të ndezura. E zeza është ajo që mbretëron, ashtu si edhe për Emporio Armanin. Nëse lëkura ishte një element shumë i përdorur për femrën e vjeshtës 2006 këtë vit do të jetë sërish. Por kësaj here i takon mashkullit.

Përgatiti: Suadela Balliu

[egi]

Brian Reyes – pranvera dhe vera 2008

Në këtë koleksion kan qen kombinacionet e ngjyrave dhe stofeve te ndryshëm. Reyes, me fustane modeste të shkurt, ka shfaqur shumë lekur te këmbeve, por me se shumti pershtypje kan lene fustanet të formuar si këmisha dhe fustani i zi për mbrëmje.

[egi]

Sipas revistest britane Glamour dhe sondazhit që e kan bërë Kate Moss, pas një vitit pushimor, e ka zënë vendin e parë nder yjet të veshur me stil dhe me modë.
Kate ka udhhequr tre vite rend, deri sa vjet nuk e zuni këtë vend Kylie Minogue. 39-vjeqaren Kylie e ka rrëzuar përseri Kate. Ylli që vishet më së keqti ishte zgjedhur Britney Spears.
Pas Kate kan qen Sienna Miller, Scarlett Johansson, Rachel Bilson dhe Jennifer Aniston.

[natyra]

Modelet Indiane...

[Urata]

Postimi origjinal është bërë nga rilinda

Love it, totally my style...!

[Urata]

http://www.youtube.com/watch?v=WmeRG6WIoKQ&feature=fvw

http://www.youtube.com/watch?v=fHzh6VEVODQ&NR=1

http://www.youtube.com/watch?v=WySs0...eature=related

http://www.youtube.com/watch?v=VbonD...eature=related


shamia, shton hijeshi...!