Reformë myslymane kundër ideologëve të Xhihadit:SalmanRushdi

[Dilaver]

Sipas shkrimtarit, një interpretim i hapur i religjionit do të përmirësonte marrëdhëniet me Oksidentin dhe do të reduktonte tëhuajëzimin që ka shtyrë të rinj britanikë myslymanë të bëhen kamikazë të mundshëm të atentateve që vranë 52 vetë

Salman Rushdie: Reformë myslymane kundër ideologëve të Xhihadit


Shekulli

Shkrimtari britanik Salman Rushdi (Salman Rushdie) apelon për një “Reformë myslymane” që do t’i jepte mundësi islamit të modernizohej. Rushdi e ka bërë këtë apel nëpërmjet artikullit të botuar të enjten në të përditshmen londineze “The Times”. Sipas shkrimtarit, një interpretim i hapur i religjionit do të përmirësonte marrëdhëniet me Oksidentin dhe do të reduktonte tëhuajëzimin që ka shtyrë të rinj britanikë myslymanë të bëhen kamikazë të mundshëm të atentateve që vranë 52 vetë – veç terroristëve – në muajin korrik në Londër. Salman Rushdi ka qenë i detyruar të jetojë i fshehur qyshse themeluesi i Republikës Islamike Iraniane, Ajatollah Komeini, lëshoi kundër tij fatvan duke kërkuar ekzekutimin e tij në shkurt 1989, për blasfemi dhe mohim të fesë në romanin e tij “Vargjet satanike”. Për kokën e tij u vu çmimi 2.8 milionë dollarë.
Shkrimtari i lindur në Indi në një familje myslymane, pohon se “është e domosdoshme të kapërcehet tradita – asgjë më pak se një lëvizje reformuese për t’i sjellë konceptet fondamentale të islamit në erën moderne”.
“Një reformë myslymane për të luftuar jo vetëm ideologët e xhihadit, por edhe shkollat e pluhurosura mbytëse religjioze të tradicionalistëve, duke hapur dritaret e komuniteteve të mbyllura për të lejuar ajrin e freskët, gjë që për të cilin ato kanë aq shumë nevojë”,- shkruan ai. Sipas Rushdisë, shumë myslymanë në Britaninë e Madhe jetojnë në periferi të komunitetit dhe në mjedise të tilla të izoluara, “tëhuajëzimi i të rinjve mund të zhvillohet pa vështirësi. Shumë pak myslymanë kanë patur mundësinë që të studiojnë Kuranin si një dokument historik dhe duhet kohë e gjatë që besimtarët ta bëjnë këtë”,- pohon ai. “Ngulmimi së brendshmi i Islamit në lidhje me faktin që teksti i Kuranit është fjala e pagabueshme e Zotit e bën gjithë analizën thjesht, të pabesueshme”,- këmbëngul shkrimtari. “Pos së gjithash, përse Zoti do të influencohej nga faktet socio-ekonomike të Arabisë në shek. VII? Nëse, ndërkaq, Kurani konsiderohej si një dokument historik, ai do të ishte legjitim për ta riinterpretuar, për t’ua përshtatur kushteve të reja të epokave të reja në vazhdim”,- shpjegon Salman Rushdie. Vepra e ardhshme e autorit, e titulluar “Shalimar Kllouni”, e cila do të hidhet në qarkullim në shtator, tregon historinë e një të riu myslyman nga Kashmiri i nxitur nga një imam ekstremist për t’u bërë një terrorist islamik.

[hasanmehmeti]

selamualejkum musliman

Shiqo vella i dashur me qka merresh me gazeta , revista .

Se pari vella spritet ndonje ndryshim dhe as qe do behet ngase Allahu ne suren 5.3 .Thote me te verte sote plotesova dinin tuaj dhe per ju bera Islamin fe .
Pra feja jone eshte e plotesuar dhe nuk ka nevoj qwe moderniteti i shkrimatareve te hyre ne kete mesele .
Ata qe jane per keto gjera dhe qe e dine Islamin mire jane Dijataret muxhtehida qe vlen ti merret fjala ne din Islam .Dhe ata duhet te shkoj kjo gazeta juaj e ti intervistoj se qka thone e jo qdo njeri qe e takojne ne rruge te flase per xhihad .Se xhihadi eshte mjafte i kjaret ne mes dijetareve dhe shum jane te qarta shtyllat e saj .


selamualejkum musliman nga vellau juaj ne Islam
ps/merru me libra te dinit dhe mesoje dinin se pari se xhihadi eshte shtylla me e madhe e Imanit