Ismet Beqiri nderon SALI BERISHËN, Edi Rama nderon Goran Bregoviqin

[Dilaver]

EDI RAMA – ISMET BEQIRI

Vetëm madhësia dallonte çelësin e nderit të Sali Berishës nga ai i këngëtarit serb Goran Bregoviq. Ismet Beqiri i hakmerret homologut të tij Edi Ramës, i cili para disa kohësh kishte nderuar ish anëtarin e grupit Bjelo Dugme me çmimin “Qytetar Nderi” i Tiranës.

Nebih Maxhuni
[email protected]

Prishtinë,15 qershor — Pamjen e bukur dhe mirë të rregulluar të oborrit të Komunës së Prishtinës e prishte era e ziftit dhe terit të asfaltit të saposhtruar para shkallëve të hyrjes së komunës. Kjo pasojë e arsyes për të parë diçka bukur në oborrin e Komunës.
Tepihu i kuq, oborri mirë i pastruar si dhe dalja në hyrje të Komunës së Prishtinës e Ismet Beqirit tregonin shenjat e para të ardhjes së kryeministrit shqiptar për të pranuar çmimin “Qytetarë Nderi” i Prishtinës.
Pas përshëndetjeve vëllazërore plot emocione, kryetari Ismet Beqiri ka shtrënguar fort kryeministrin shqiptar duke i uruar mirëseardhje.
Prapa shpinës së Sali Berishës, Ismet Beqirit, Shefki Gashit, Sami Hamiti si dhe Arsim Janovës, në Kuvendin Komunal qëndrontesfondi Prof. Dr. Sali Berisha, “Qytetar Nderi” i Prishtinës. Pasi ka lexuar një biografi që nga lindja e deri te emërimi si kryeministër i Shqipërisë, kryetari i Komunës ka thënë se kjo është ditë e madhe për Prishtinën dhe Kosovën. Pa harruar të përmendë kryetarin e ndjerë dhe mikun e mirë të Berishës, Ibrahim Rugovën, Beqiri ka pohuar se vizita e kryeministrit shqiptar ka dy të veçanta, Ditën e çlirimit të Kosovës si dhe ndarjen e çmimit për Berishën.
Beqiri në praninë e shumë personalitetet shtetërore e institucionale, në sallën e Kuvendit Komunal ka pohuar se nuk ka qenë aspak vështirë që Sali Berisha të zgjidhet personaliteti për t’iu ndarë çmimi “Qytetar Nderi”.
Kryetari Beqiri ka lexuar tekstin me anë të të cilit shpalli zyrtarisht kryeministrin Berisha Qytetar Nderi i Prishtinës.
“ Kuvendi i Prishtinës në seancën e mbajtur më 30 maj, mori vendim që Prof. Dr. Sali Berisha, kryeministër i Shqipërisë, shpallet “Qytetar Nderi” i Prishtinës, për merita të veçanta në lindjen dhe zhvillimin e demokracisë si dhe përkrahjen e vazhdueshme për pavarësinë e Kosovës. Urime z. Kryeministër dhe fat”, ka thënë Ismet Beqiri.
Në mënyrë simbolike kryeministri Berisha ka pranuar një çelës të punuar nga mjeshtër prishtinas i përbërë nga argjendi.
Me të marrë çmimin, kryeministri Berisha ka thënë se është mjaft i prekur nga vendimi i Komunës, me të cilin është shpallur qytetar nderi i kryeqytetit.
Pa lexuar fare dhe herë-herë duke pauzuar gjatë fjalimit të tij, Berisha ka vlerësuar se ky çmim jo vetëm që ka nderuar atë, por gjithë popullin shqiptar.
Po marr këtë titull si një nder të madh që ju bëni bashkëqytetarëve të mi të cilët nga Saranda, Gjirokastra, Korça, Konispoli, në një moment kritik për vendin, hapen dyert dhe zemrat e tyre dhe pritën qindra dhe mijëra qytetarë të Kosovës, ndanë me ta dhembjet, ndanë me ta kafshatën, ndanë me ta çështjen e tyre të madhe dhe bënë të dështojë një nga skenarët më makabër të kasapit të Ballkanit, që të nxirrte jashtë Kosovës tragjedinë e saj”, ka thënë kryeministri shqiptar, që me profesion është kardiolog.
Ai nuk ka harruar të përmendë edhe kontributin e dhënë të tropojanëve gjatë luftës në Kosovë, duke aluduar edhe në vetveten.
Berisha ka kthyer kujtesën shtatë vjet prapa, duke treguar njërën nga ngjarjet që kishte ndodhur në Tropojë, në Malësinë e Gjakovës. Kryeministri Berisha kishte lëshuar shtëpinë e tij duke mundësuar që Ushtria Çlirimtare e Kosovës të pozicionohej aty.
“UÇK vendosi një bazë në shtëpinë time. Vërshuan gazetarë dhe dijetarë nga mbarë bota duke më pyetur dhe thënë se kjo është angazhim. Unë kam patur vetëm një përgjigje të thjeshtë: “Po i përmbahem Kodit të familjes sime”, ka thënë Berisha, duke bërë që duartrokitjet në sallë të mos pushonin minuta të tërë.
Shefi i opozitës së dikurshme në Shqipëri ka premtuar se me çdo përpjekje të tij do të mbajë titullin me nderë, duke shpresuar shumë shpejt në finalizimin e çështjes së statusit të Kosovës.
“Kam besim dhe bindje të madhe që ju së bashku me qytetarët e Kosovës se do të vëni së shpejti kurorën e pavarësisë, kurorën evropiane që Kosova ka pritur me shekuj dhe më gjatë”, ka thënë ai.
Rrugët e kryeqytetit kanë qenë të stërmbushura me policë të Shërbimit Policor të Kosovës për të siguruar që gjithçka të shkojë mirë gjatë vizitës triditëshe të kryeministrit të Shqipërisë, Sali Berisha, në vend.
Qindra kosovarë kishin dalë nëpër rrugët e Prishtinës duke përshëndetur atë.

[Drinni]

Pas vizites se djeshme ne prekaz(te Premten), kryeministri Berisha bëri homazhe pran varrit te komandantit legjendar Adem Jasharit. Ku vizitoi edhe Fushë Kosovën,me ç'rast ka vizituar edhe shkollen shumë etnike dhe kishen ortodokse serbe, ndersa sot pritej edhe ne Prizren.

Si duket Kryeministri Shqiptar e ndien veten me mirë ne Kosovë, do ti preferoja te ndrrohej me homologun e tije Kosovar, e te mesoj nje qikez me teper se si ecen pas vetem 7-të vitesh qlirimi shteti perpara.