Berisha në Kosovë, më 15 qershor

[Kalt]

Kryeministri i Kosovës tha se Berisha do ta kthejë vizitën në mes të qershorit

N. P

TIRANË- E treta dhe e vërteta duhet të jetë për kryeministrin Sali Berisha vizita që ky i fundit ka parashikuar për të zhvilluar në Kosovë. Radio “Kosova” ka cituar në një kronikë të saj një deklaratë të kryeministrit kosovar, Agim Çeku, i cili me të mbërritur në aeroportin e Prishtinës, pas vizitës së zhvilluar në Tiranë, është shprehur se kryeministri Sali Berisha do të kthejë vizitën në Prishtine më 15 qershor. Gjatë një deklarimi për mediat e Kosovës, kryeministri Çeku u shpreh se me kryeministrin Sali Berisha janë diskutuar mjaft tema, të cilat do të trajtohen edhe gjatë vizitës që kreu i ekzekutivit shqiptar do të realizojë në datën 15 qershor. Kryeministri Ceku shtoi se Shqipëria është gjithashtu e gatshme që të ndihmojë Shqipërinë me përvojat e saj drejt integrimit në institucionet ndërkombëtare. Ndërkohë, për kryeministrin Sali Berisha është hera e tretë që planifikon një vizitë pune në Prishtinë. Pak kohë më parë, kryeministri Berisha hodhi idenë e një tryeze mes kryeministrave të Malit të Zi, Maqedonisë, Kosovës dhe Shqipërisë që ishte parashikuar të mbahej në Kosovë, një iniciativë kjo që u anulua më vonë nga Maqedonia. Më pas, kryeministri Sali Berisha konfirmoi se do të realizonte në Kosove një vizitë me një axhendë krejtësisht të përcaktuar, por vdekja e ish-presidentit të Kosovës, Ibrahim Rugova, bëri që gjithçka të shtyhej sërish. Madje kryeministri Sali Berisha, ditën që ishte parashikuar vizita e tij, merrte pjesë bashkë me një delegacion shqiptar në funeralin e ish-presidentit Rugova. Së fundmi, duket se vizita e tij do të realizohet zyrtarisht vetëm në datën 15 qershor, një datë kjo e konfirmuar nga kryeministri i Kosovës, Agim Çeku. Ndërkohë, nga Kryeministria e vendit tonë nuk është konfirmuar asgjë zyrtarisht, pra nëse është parashikuar ose jo një vizitë e tillë. Kryeministri Sali Berisha do të jetë i pranishëm në Luksemburg në datën 12 qershor për nënshkrimin e marrëveshjes se stabilizim-asociimit dhe menjëherë pas kësaj date të rëndësishme për Shqipërinë, Berisha pritet që të niset më pas për në Kosovë.

30/05/2006
Gazeta Shekulli

[Agroni22]

kom qejf te vi SALI BERISHA ne KOSOVE sepse eshte njeri shume me ndikim edhe ne kosove dhe ka respekt te madhe te qytetaret e kosoves

[Dilaver]

Ismet Beqiri, njoftoi se institucioni që ai drejton në mesin e muajit qershor do ta nderojë kryeministrin e Shqipërisë Sali Berisha, me çmimin “Qytetar nderi i Prishtinës”.
“Ceremonia e dorëzimit të këtij çmimi do të bëhet më 16 qershor, kur kryeministri do të vizitojë Kuvendin Komunal”, ka paralajhmëruar Beqiri.
Sipas tij, ky çmim Berishes i takon për merita të veçanta në ndërtimin e shtetit shqiptar dhe jo vetëm atje, por edhe më gjerë, si dhe për kontributin e tij në njohjen e pavarësisë së Kosovës.

[prishtinasi]

Postimi origjinal është bërë nga Dilaver

Ismet Beqiri, njoftoi se institucioni që ai drejton në mesin e muajit qershor do ta nderojë kryeministrin e Shqipërisë Sali Berisha, me çmimin “Qytetar nderi i Prishtinës”.
“Ceremonia e dorëzimit të këtij çmimi do të bëhet më 16 qershor, kur kryeministri do të vizitojë Kuvendin Komunal”, ka paralajhmëruar Beqiri.
Sipas tij, ky çmim Berishes i takon për merita të veçanta në ndërtimin e shtetit shqiptar dhe jo vetëm atje, por edhe më gjerë, si dhe për kontributin e tij në njohjen e pavarësisë së Kosovës.

Se shpejti edhe ne qytetaret e Prishtines, Ismet Beqirit do t'ia dorezojme nje dekorate per meritat e veqanta qe sot Prishtina duket me aq shume gropa!
Perndryshe per nder te tij, edhe nje grope ne qender te Prishtines, quhet "Gropa e Ismetit"

[Dilaver]

Kryeministri Berisha nesër drejt Prishtinës
14-06-2006

Kryeministri i Shqipërisë Sali Berisha do të niset nesër për një vizitë tre ditore në Kosovë. Ai pritet të takohet me përfaqësuesit e lartë të UNMIK-ut, KFOR-it dhe drejtuesit qeveritar dhe politik të Kosovës.
Kjo është vizita e tij e parë zyrtare në Prishtinë, ndërsa vdekja e presidentit Ibrahim Rugova bëri që të anullohej pak muaj më parë udhëtimi i parashikuar i kreut të qeverisë shqiptare. Disa vite më parë zoti Berisha u nis për në Kosovë, por udhëtimi i tij u ndërpre pas sugjerimeve të UNMIK-ut, atëherë i drejtuar nga Bernard Kushner, se kushtet e sigurisë nuk e mundësonin vizitën e tij.
Gjatë qëndrimit në Kosovë kryeministri Berisha do të vizitojë edhe disa qytete. Në Prishtinë e Gjakovë ai pritet të dekorohet dhe me titullin Qytetar Nderi. Vizita e kryeministrit shqiptar pason atë të kreut të qeverisë së Kosovës Agim Çeku pak kohë më parë në Tiranë, ndërkohë që kushtet e këqija të motit anulluan në momentet e fundit, ardhjen në Tiranë të kryeadministratorit Soren Jessen Petersen, pak ditë përpara se ai të njoftonte dorëheqjen e tij nga posti. //rd//

[Dardani_K1]

hajmedet e haj paska me jau shurdhue veshet qeveritareve tane ty ju majten fjalim me ate tonin e tij te larte dhe posa ti shoh gropat e Prishtines kame thanen
VELLEZER KETO GROPA SJAU SOLLA UNE KETO I GJETA KETU MU NE MESIN TUAJ,e pastaj dihet fjalimet skane te ndalur vetem nje kisha dashur me e diten a i dhem najher fyti keti Berishes sa shume bertet si te ishte ne mal.

[King_Gentius]

Saliu do ishte me shum i respektuar po te mos ishte nderliku me ato kompanite piramidale qe sollen katastrofen ne 1997 ne Shqiperi. I vetmi ngushellim qe ndjej nga kjo katastrofe eshte se disa nga armet e depove te ushtrise kaluan ne duart e UCKs per luften ne 1999.

[Dilaver]

Berisha: Shteti shqiptar mbështetë pavarësinë e Kosovës duke respektuar të drejtat e pakicave





Kryeministri i Shqipërisë, Sali Berisha tha të enjten në Prishtinë, se Tirana zyrtare mbështetë pavarësinë e plotë të Kosovës, duke i respektuar të drejtat dhe liritë e komunitetit serb dhe pakicave të tjera, si një kusht për stabilitetin e Kosovës.

[Dilaver]

Vizita ime më emocionale e karrierës sime politike.

Në Prishtinë, kryeministri shqiptar, Sali Berisha ka bërë homazhe në varrin e ish-Presidentit Ibrahim Rugova, ku vendosi dhe një kurorë lule.
Kryeministri shqiptar tha se “e fillova vizitën në Kosovë duke bërë homazhe në varrin e arkitektit të Kosovës së pavarur, mikut të shquar, burrit të madh të kombit, Presidentit Rugova. Edhe njëherë shpreh nderimin tim më të thellë”.

Kryeministri i Shqiperisë, Sali Berisha, sapo ka vënë këmbën në Aeroportin e Prishtinës tha për mediat prishtinase së vizita në Kosovë është më emocionalja e terë karrierës së tij politike.

[Kalt]

Kryeministri Berisha vazhdon qëndrimin në Kosovë, viziton Prekazin, Fushë-Kosovën, takon shumë politikanë

Berisha përlotet në kullën e Jasharajve

Berisha: Fonde dhuratë për kishën serbe të Fushë-Kosovës

Bashkim SHALA

Serbi, Dragisha Miriq: “Partia ime dhe të zhvendosurit serbë, presim shumë nga ju dhe nga vizita juaj në Kosovë. Ne besojmë se ju do ta shfrytëzoni autoritetin e madh që keni te liderët shqiptarë të Kosovës, për të na ndihmuar në kthim dhe jetë të përbashkët”.

Oliver Ivanoviq: “Është me rëndësi, që mos të lejohet ndonjë zgjidhje unilaterale. Këto zgjidhje mund të sjellin destabilizim. Mos harroni Republikën Serbe, ende situatën e pazgjidhur në Maqedoni, e gjithkund rreth nesh”.

Kryeministrit Sali Berisha i kanë rrjedhur lotët në Prekaz. Ka duruar gjatë gjithë kohës sa ka bërë homazhe para varreve, por nuk është përmbajtur kur është ulur në odën e madhe të Jasharajve. Me dorë ka fshirë lotin që po e tradhtonte. Para kësaj kishte vizituar varret e Jasharajve dhe kishte kaluar pranë shtëpive rrënoja të kësaj familje. Kishte dëgjuar gjithë rrëfimin për flijimin e kësaj familjeje nga i biri i saj, Murat Jashari. Kryeministri ka qëndruar dje, herët në mëngjes në Prekaz, fshatin e familjes së heroit kombëtar Adem Jashari, që do ta quante si tempull i lirisë dhe shtëpi të komandantit që luftoi për dinjitetin kombëtar të shqiptarëve. Dy kurora lulesh janë vënë nga Berisha në varre. Murat Jashari i ka treguar emrat e familjarëve të vrarë. “Ky është varri i gjyshit, ky i Hamzës e ky tjetri i Ademit...”,- ka thënë ai, teksa shoqëronte kryeministrin shqiptar nëpër varreza. Një histori e treguar për dhjetë minuta, në një rrugë nga varrezat, nëpërmjet dy shtëpive të shkatërruar e deri te shtëpitë e reja të familjes më të sakrifikuar në Kosovë. Gjithsesi, emocionues ka qenë momenti, kur Murati ka folur për granatimet e shtëpive. “Kjo ka qenë shtëpia e burrave, odë, që e themi ne. Tjetra këndej, ka qenë shtëpia e grave, ku është përgatitur buka”,- ka thënë ai. “Këtu kanë vdekur të gjitha, me përjashtim të vajzës së Ademit që është futur nën magje”. Berisha ka dëgjuar pa bërë zë gjithë kohën. Ka marrë vesh që është njëri nga gjashtë milionë vizitorët, që deri tash e kanë vizituar kompleksin memorial “Adem Jashari”. Ka marrë vesh që Jasharajt janë ripërtërirë si familje e madhe dhe se pas luftës kanë edhe shtatë fëmijë. “Pa Prekaz, nuk do të kishte Kosovë!”, ka thënë ai pasi ka nisur të flasë në odë, me emocione. “Në Prekaz janë themelet e lirisë së Kosovës”. Këto emocione nuk do t’i shmangeshin as në momentin kur do dilte nga aty. “Vizita në Prekaz është vizita në tempullin e lirisë, flaka e së cilës këtu nuk u shua kurrë”,- ka thënë ai.

Mesazhet për pajtim
Patriotizmi i Berishës i fituar në Prekaz, është zbutur paksa në vizitën që ky i ka bërë komunës së Fushë-Kosovës. Këtu ai u është kthyer apeleve të tij, për jetë të përbashkët të shqiptarëve në Kosovë me të gjitha komunitetet e tjera. Një takim në zyrën e kryetarit të kësaj komune, ku kanë qenë të pranishëm edhe dy serbë dhe një ashkali, e ka bërë kreun e qeverisë shqiptare, të nxjerrë fjalë për kujdes ndaj pakicave. Sidomos, pasi ka dëgjuar fjalët e Dragisha Miriqit, një serb dhe Sherif Garës, një ashkali, nënkryetar i kësaj komune. “Partia ime dhe të zhvendosurit serbë presim shumë nga ju dhe nga vizita juaj në Kosovë. Ne besojmë se ju do ta shfrytëzoni autoritetin e madh që keni te liderët shqiptarë të Kosovës, për të na ndihmuar në kthim dhe jetë të përbashkët”,- ka thënë Miriq. Berisha ka lavdëruar atë që ka parë në Fushë-Kosovë. Në të vërtetë, ai ka thënë se e ka ditur që kjo komunë qëndron mirë, përsa u përket raporteve ndëretnike. “Marrëdhëniet ndëretnike në Fushë-Kosovë, janë dëshmi e një bashkëpunimi dhe miqësie që duhet të ndërtojnë serbët dhe shqiptarët në Ballkan”,- ka thënë ai gjatë këtij takimi, që e ka quajtur momentin më të mirë të gjithë vizitës së saj në Kosovë. “Fushë-Kosova është një shembull i shkëlqyer, se si njerëzit mund të shkëputen nga e kaluara dhe të kapen për të ardhmen. Gara më fisnike për njeriun, është gara për një të ardhme të ndritshme”. Berisha u ka thënë përfaqësuesve të pakicave, se i ka përjetuar me një ndjenjë shumë të hidhur ngjarjet e marsit 2004. “Neve nuk na duhen grupet ekstremiste. Ato janë rrezik real për ne, që dëshirojmë një të ardhme evropiane,- ka thënë ai. Ne, shqiptarët, jemi të varfër, por më e shkëlqyera që kemi është toleranca jonë fetare. Ajo që ndodhi me objektet e kultit, ka qenë diçka kundër praktikave tona”. Berisha ka thënë se Fushë-Kosova është i vetmi vend në Ballkan, që në mënyrë perfekte ka shëruar dhe mbyllur plagët e freskëta, të krijuara më 1998-1999 dhe 2004. Madje, ai u ka bërë thirrje serbëve të tjerë të Kosovës, kudo që janë, që të marrin si shembull serbët e Fushë-Kosovës.

Ndihma për restaurimin e kishës
Kryeministri shqiptar i ka premtuar priftit serb, Dragisha Jeremiç të kishës ortodokse të Shën Nikollës në Fushë-Kosovë, se qeveria e tij do ta bëjë një dhuratë për këtë kishë, e cila nënkupton restaurimin e saj pas shkatërrimit në mars 2004. Premtimi është bërë gjatë vizitës që Berisha i ka bërë kësaj kishe, në kuadër të qëndrimit në Fushë-Kosovë. Në fakt, para premtimit të bërë nga Berisha, Jeremiç i është ankuar atij, se mjetet e ndara për rindërtim të kësaj kishe nuk mjaftojnë. “Presim nga ju që na vizituat, që të dëshmoni për atë që patë këtu, në mënyrë që kjo kishë të restaurohet dhe ne të kthehemi,- ka thënë ai. Vetëm kur ne do të kthehemi të kryejmë shërbesat tona këtu, Fushë-Kosova do të jetë krejtësisht multi-etnike”. Përgjigjja e Berishës ka ardhur menjëherë. “Pata kënaqësinë të ofroja një dhuratë financiare për restaurimin e Kishës së Fushë-Kosovës, këtij monumenti të shkëlqyer të kulturës. Ministria shqiptare e Kulturës dhe Institucioni i Restaurimit të Monumenteve, do të vijnë këtu t’i sjellin këtë dhuratë komunës dhe Kishës së Fushë-Kosovës, për të realizuar sa më shpejt restaurimin e saj. Hirësia e tij, Dragisha Jeremiç, më tha një fjalë, me të cilën jam plotësisht dakord: Me restaurimin tërësor të kishës, do të jemi në harmoni dhe mirëkuptim të plotë”,- u shpreh kryeministri.

[Kalt]

Berisha - Oliver Ivanoviç
Në orët e pasdites, Berisha është takuar me përfaqësuesin e listës serbe për Kosovën, Oliver Ivanoviç. Pas takimit me Berishën, lideri i serbëve në Kosovë është prononcuar për mediat. “Si përfaqësues i një vendi fqinjë, Berisha duhet të ketë kujdes, sepse secila deklaratë e tij duhet të jetë e matur. Ne të dy jemi angazhuar për një lloj procesi të qetë dhe për gjetjen e një zgjidhje kompromisi. Zgjidhja e njëanshme nuk do të sillte qetësi dhe stabilitet. I kemi shpjeguar se si do të dukej kjo për tërë rajonin. Pa qetësi në rajon, sigurisht nuk do të ketë prosperitet, e mos të flasim për investime, sepse në rajon të destabilizuar askush nuk do të investojë. Pa investime nuk ka punësim, kështu që për këto çështjet e tjera flasim kot”,- tha Ivanoviç, pas takimit me Berishën. Në vijim, Oliver Ivanoviç ka thënë se, është mirë që të gjithë të angazhohen për vendosjen e marrëdhënieve të mira në mes të serbëve dhe shqiptarëve. “Problemet e kanë filluar në mes këtyre dy bashkësive etnike dhe këto duhet ta gjejnë zgjidhjen. Të gjithë duhet të kuptojnë se duhet të gjendet kompromisi e jo zgjidhje e njëanshme”,- tha pas takimit Ivanoviç. Ndërkaq, kryesuesi i listës serbe për Kosovën ka pohuar pas takimit me Berishën, se kryeministri shqiptar ka përshëndetur iniciativën rreth decentralizimit pa hyrë në detaje. “Kryeministri i Shqipërisë, konsideron se pala kosovare do ta shqyrtojë seriozisht propozimin serb dhe se politizimi i decentralizimit nuk është zgjidhje e mirë”,- tha Ivanoviç. Në fund, ai deklaroi se kufijtë ndërkombëtarë kanë qenë temë e bisedës midis tij dhe Berishës, dhe sipas Oliver Ivanoviçit, ndryshimi i kufijve ndërkombëtarë nuk do të ishte zgjidhje. “Është me rëndësi, që mos të lejohet ndonjë zgjidhje unilaterale. Këto zgjidhje mund të sjellin destabilizim. Mos harroni Republikën Serbe, ende situatën e pazgjidhur në Maqedoni, e gjithkund rreth nesh”,- përfundoi Oliver Ivanoviç, lideri i serbëve të Kosovës. Ndërkaq, kryeministri Berisha më pas ka zhvilluar edhe një takim me përfaqësues të minoriteteve joserbe në Kosovë, dhe me përfaqësues të zyrave të akredituara në Prishtinë, që përfaqësojnë vendet e Grupit të Kontaktit. Të gjitha këto takime janë zhvilluar në selinë qendrore të UNMIK-ut në Prishtinë. Kryeministri Sali Berisha, ka vizituar edhe Akademinë e Shkencave të Kosovës. Në mbrëmje, kryeministri Berisha së bashku me bashkëshorten, kanë realizuar një vizitë private në familjen e ish-presidentit të ndjerë Ibrahim Rugova, në lagjen “Velani”.

Kryeministri:
“Serbët të mos bëhen pre e manipulimeve, t’i afrohen institucioneve”

Tiranë - Kryeministri Berisha, zhvilloi në Prishtinë një takim me shefat e zyrave ndërlidhëse të Grupit të Kontaktit, përfshi Austrinë, BE-në dhe Komisionin Evropian. Ai iu përgjigj interesimit të këtyre përfaqësuesve, në lidhje me çështjet e rëndësishme të politikës kosovare. Në takim u theksua rëndësia e madhe e të drejtave dhe lirive të njeriut. Kryeministri Berisha, theksoi se kjo ka qenë çështja kryesore e bisedimeve të tij me udhëheqësit kosovarë dhe se ai ka konstatuar përkushtimin e udhëheqjes kosovare për thellimin e mëtejshëm, për garantimin e këtyre të drejtave. Berisha theksoi, se ndërsa ka progres në zona të tilla si Fushë-Kosova, Gjilani, ku standardet ekzistuese të bashkëpunimit ndëretnik përmirësohen dita-ditës, e njëjta situatë nuk mund të thuhet për pjesën veriore të Kosovës. Në këtë kuadër, Berisha theksoi se është shumë e rëndësishme që minoriteti serb në Kosovë të mos bëhet pre e manipulimeve, por të tregohet realist dhe t’i afrohen institucioneve dhe procesit të qeverisjes në Kosovë. Kryeministri nënvizoi se dokumenti i paraqitur nga udhëheqja kosovare në Vjenë, dëshmon vullnetin e qartë të udhëheqjes kosovare për garantimin e standardeve për një Kosovë multi-etnike evropiane. Gjithashtu, kryeministri Berisha theksoi se vendimi i komunitetit ndërkombëtar për të respektuar kufijtë ekzistues ne Ballkan, është një vendim i rëndësishëm dhe përbën një garanci për paqe dhe stabilitet në rajon. Berisha theksoi se pavarësia e Kosovës, është e vetmja mënyrë për të siguruar paqen dhe stabilitetin në Kosovë dhe në rajon. Ai shtoi se procesi i përcaktimit të statusit final të Kosovës, nuk duhet të jetë një proces i gjatë dhe i zvarritur. Ai u shpreh, se e ardhmja e Kosovës është e ardhmja evropiane.

17/06/2006
SHEKULLI

[Kalt]

Kryeministri Berisha i jep fund vizitës në Kosovë Besim Abazi
17-06-2006

Degjoni korrespondencen

Kryeministri i Shqipërisë Sali Berisha i dha fund vizitës treditëshe në Kosovë, e para vizitë zyrtare e tij atje. Gjatë kësaj vizite ai u shpall qytetar nderi i Prishtinës dhe të shtunën edhe i qytetit të Gjakovës. Kryeministri Berisha, i cili zhvilloi takime me zyrtarët më të lartë ndërkombëtarë dhe vendas, shprehu mbështetjen e tij për pavarësinë e Kosovës dhe bëri thirrje për mbrojtjen e pakicave kombëtare atje.



VOA

[Zana_ch]

Kryeministri Sali Berisha ngre Gjakovën në këmbë. Kryeministrin e tradhtojnë lotët edhe në Gjakovë

Gjakovë, Berisha: Kjo, dita më e shumëpritur e jetës sime


Bashkim SHALA

Pejë, Gjakovë, Prizren - Kryeministrin Sali Berisha e kanë tradhtuar lotët edhe në Gjakovë, ku nikoqirët e kanë quajtur Gjakovën si vendlindjen e tij, ndërkohë që të pranishmit që kishin mbushur sallën e pallatit të kulturës “Asim Vokshi” të këtij qyteti, brohorisnin me ovacione: Berisha… Berisha. Vizitën në Gjakovë Berisha e ka cilësuar si ditën më të shumëpritur të jetës së tij, ndërsa titulli më i lartë për të ishte prania e tij para fansave gjakovarë, të cilët e pritën përreth 1 orë e gjysmë në sallën e pallatit të kulturës Asim Vokshi, ndërkohë që qindra të tjerë që nuk ishin të ftuar, ishin mbledhur në sheshin para pallatit të kulturës për t’u përshëndetur me Sali Berishën. Dita e tretë dhe e fundit e vizitës në Kosovë e kryeministrit Sali Berisha ka qenë vizita e tij në tri qytetet e zonës së Dukagjinit si në Pejë, Prishtinë e Prizren. Kosova, ose dita e tij shpirtërore që e ka quajtur vetë Berisha. Kryeministri Sali Berisha ka qëndruar mëngjesin e së premtes në qytetin e Pejës, ku ka zhvilluar një vizitë në Kuvendin Komunal të këtij qyteti. Kryetari i Kuvendit Komunal të Pejës, Ali Lajçi, i ka uruar mirëseardhjen në Pejë Sali Berishës, ndërkohë që e ka shoqëruar kryeministrin në vizitën e tij në kullën e Haxhi Zekës. Ndërkohë që kryeministri Sali Berisha ka bërë një vizitë të paplanifikuar në Grykën e Rugovës. Kjo ka qenë arsyeja që takimi në Gjakovë ka filluar me 1 orë e gjysmë vonesë. Në qendrën e Malësisë së Gjakovës, kryeministrit Sali Berisha do t’i jepej titulli i dytë “qytetar nderi i Gjakovës”, pas atij të akorduar në Prishtinë. Ceremonia për dhënien e titullit “Qytetar nderi” i Gjakovës është zhvilluar në pallatin e Kulturës “Asim Vokshi”. Në këtë ceremoni kanë qenë të ftuar pushtetarë vendorë të Gjakovës, përfaqësues të shoqatave të dala nga lufta, intelektualë, përfaqësues të familjeve të dëshmorëve. I ftuar nderi në këtë ceremoni ka qenë edhe vëllai i Azem Hajdarit, Rasim Hajdari, Ilmi Haradinaj, babai i dëshmorëve Shkëlzen e Luan Haradinaj. Ndërkohë që nuk kanë munguar edhe të zgjedhur vendorë të Tropojës e Hasit. Kryetari i komunës së Gjakovës, Haqif Shehu, në fjalën e hapjes ka përdorur një fjalor tepër të zgjedhur për Sali Berishën, duke e quajtur si një burrë me vlera kolosale, që përfaqëson më së miri vlerat dhe virtytet e larta të trevës së Malësisë Gjakovës. “I nderuar Berisha, treva jonë të shpall “Qytetar Nderi” dhe falënderon Zotin dhe kombin për personalitetin tuaj” - tha në fjalën e tij Haqif Shehu, kryetar i Komunës së Gjakovës. Me vendimin 01, numër 615 742, të datës 07.06.2006, Kuvendi Komunal i Gjakovës shpall kryeministrin e Shqipërisë, prof. dr. Sali Berisha “Qytetar Nderi” i Komunës së Gjakovës, me motivacionin “Për angazhimin e jashtëzakonshëm dhe në vazhdimësi për zgjidhjen e çështjes së Kosovës si përsëritës, kryetar partie, president, përfaqësues i opozitës dhe kryeministër i popullit shqiptar. Për vazhdimësinë e punës patriotike, familjare për çështjen kombëtare përgjithësisht dhe veçanërisht për Gjakovën dhe Malësinë e Gjakovës. Për zhvillimin e demokracisë dhe mbrojtjes së vlerave njerëzore e kombëtare”.

Berisha
Berisha, në fjalën e tij para pjesëmarrësve në këtë takim, e ka quajtur vizitën në Gjakovë si ditën më të shumëpritur të jetës së tij. “Sot unë përjetoj një nga ditët më të shumëpritura të jetës sime. Kryetari dhe Parlamenti i Komunës më kanë nderuar mua me një titull shumë të lartë, por unë dua t’ju siguroj ju, se titulli më i lartë për mua është se sot unë jam njëri nga ju, këtu midis jush. Kam nder të madh, kam krenari të veçantë, që unë sot jam njëri nga ju në këtë sallë, në këtë qytet, të cilin Zoti e pagëzoi gjak për kombin, gjak për lirinë, për flamurin, për të ardhmen, për Kosovën, për Shqipërinë, për Evropën”, - tha me plot emocion Sali Berisha, ndërkohë që edhe kësaj radhe, si në kullën e Jasharajve nuk i ka përmbajtur lotët. Ai ka falënderuar gjakovarët për pritjen vëllazërore. “Kam tri ditë në Kosovë, por sot kam ditën time shpirtërore dhe sot shoh me sytë e mi, kudo që kalova pashë madhështinë e shpirtit tuaj. Kalova në fshatra e qytete, të cilat kasapi i Ballkanit i shkrumboi dhe ju i ngritët dhe i ndërtuat si Feniksi në emër të ardhmes suaj evropiane, të lirisë dhe vlerave që u besoni. Ju, pas një shtypjeje të egër, në një periudhë të shkurtër kohe keni arritur të krijoni vlera të mëdha, visare të paçmuara, thesare të pafundme për kombin shqiptar”, - theksoi në vijim Berisha. Në vijim ai u tha gjakovarëve se Shqipëria dhe Kosova janë në një kah, për t’u vendosur sa më shpejt në piedestalin evropian që meritojnë, ku Kosova pret me padurim kurorën e pavarësisë, të cilën do ta festojë së bashku me Shqipërinë. Berisha, edhe në qytetin më të martirizuar, në Gjakovë, ka bërë thirrje për pajtim. “Unë e di se ju keni humbur qindra dhe mijëra bij, njerëzit më të dashur tuaj. Intelektualët e shquar të kombit si Bardhyl Çaushi e shumë të tjerë. Por me një mençuri të pashembullt, ju në këto pak jetë, ia dolën të shndërronin shpirtin e tyre në dritë për Kosovën, në dritë për ju, në dritë për të ardhmen. Ne nuk kemi varre askund, veçse në trojet tona, por ne dimë të falim dhe të mos harrojmë. Ndaj ne le të përpiqemi t’ia faktojmë vetes, t’ia faktojmë të gjithë atyre që erdhën dhe bënë një luftë, do ta quaja të shenjtë për lirinë dhe të drejtat e qytetarëve të Kosovës. T’ia faktojmë bijve dhe bijave që u martirizuan për liri dhe flamur, se ne duam të ndërtojmë një shtet demokratik, një shtet me qytetarë të barabartë para ligjit, të padiskriminuar nga përkatësia e tyre etnike, nga besimi i tyre fetar, ku pasuria më e çmuar për ne shqiptarët, sesa tolerancë e shkëlqyer fetare”, - tha në përfundim të fjalës së tij kryeministri Berisha në Gjakovë.



Shekulli
18/06/2006

[Guri i madh]

krye ministrit SALI BERISHA populli i kosoves i ka organizue mir se ardhje isha ne pushim ne kosov shkova ne prishtin ishte nji atmosver e posqme vrehej buzqeshja e gjdo shqiptari ishte fest ne gjdo shtepi ishte nji vizit qe ne koh te gjat e kami prit por ne prag te pamvarsis u realizue


nuk na kerkoj permbushjen e standardve per tna njohur shtetsin ne krahasim me ish krye kriminelin fatos nano

[prishtinasi]

Postimi origjinal është bërë nga Guri i madh

krye ministrit SALI BERISHA populli i kosoves i ka organizue mir se ardhje isha ne pushim ne kosov shkova ne prishtin ishte nji atmosver e posqme vrehej buzqeshja e gjdo shqiptari ishte fest ne gjdo shtepi ishte nji vizit qe ne koh te gjat e kami prit por ne prag te pamvarsis u realizue


nuk na kerkoj permbushjen e standardve per tna njohur shtetsin ne krahasim me ish krye kriminelin fatos nano

Une se di ku i ke pa ti ato buzqeshje, veq une per veti 1 ore e kam share, ( e s'isha i vetmi) se kam mbetur ne komunikacion pasiqe te gjitha rruget u mbyllen! Nejse shkrimet e tuaja dihen, ti je ketu per te bere fushate per partine tende....
"Ishte feste ne gjdo shtepi", pse more po rren shokit...se kurrfare feste s'ka pase kerkun, mos je kane ne Tropoje ti...hahah