Koshtunica sërish kundërshton pavarësinë e Kosovës

[Zero Cool]

Koshtunica sërish kundërshton pavarësinë e Kosovës AktualeNew York, 12 korrik.- Derisa qëndrimi i presidentit të Kosovës, Fatmir Sejdiu në fjalën e tij në seancën historike të 13 korrikut të Këshillin e Sigurimit të Kombeve të Bashkuara do të jetë Kosova e pavarur me ulëse në OKB, në anën tjetër kryeministri serb dje në Washington ka përsëritur qëndrimin kundër pavarësisë dhe sovranitetit të Kosovës, qëndrim ky që e tha edhe gjatë vizitës në Kosovë në fund të qershorit, e që u kritikua nga zyrtarë të Departmentit Amerikan të Shtetit. Çështja e Kosovës u tha se ishte temë qendrore gjatë takimit të kryeministrit serb me sekretaren Amerikane të Shtetit, Condoleezza Rice. Duke paraqitur atë që e quajti platformë të Beogradit, Koshtunica deklaroi se ishte për autonomi të gjerë për Kosovën, por jo për pavarësinë e saj. Pas takimit, Koshtunica nuk deshi të komentoj argumentin se Washigtoni zyrtar nuk përjashton pavarësinë e Kosovës si një rezultat i mundshëm pas përfundimit të negociatave. Tashmë është theksuar disa herë nga zyrtarë amerikanë të administratës dhe të Kongresit se një zgjidhje që nuk i njeh Kosovës pavarësinë është e vështirë të paramendohet. Gjatë vizitës në Washington, Kostunicës iu bë e njejta pritje ashtu si edhe kryeministrit të Kosovës, Agim Çeku tri javë më parë. Ai, përvec Sekretares Rice, takoi edhe ndihmësekretarin Burns dhe udhëheqësin Këshillit për Siguri Kombëtare, Steve Hadley. Presidenti i Kosovës dhe kryeministri i Serbisë do t’i drejtohen nesër Këshillit të Sigurimit në New York në dy seanca të ndara. /s.gashi/ Huazuar nga:

RTK12/07/200610:19:22