Postimi i fundit

[pokeri]

Pas gati një viti në Forum, mendoj që është momenti i duhur t'iu lë lamtumirën. Ky vendim, nuk është i çastit dhe as i "provokuar" nga diç e papritur, siç mund të ndodh ndonjëherë- kur ka "përplasje" mes forumistëve. Jo, jo... Është thjesht një përfundim "misioni"!
Nejse. Në ndarje e ndjej për borxh t'ju kërkoj falje (disave) për
ndonjë fjalë të ashpër, ndonjë cilësim të nxituar, apo ndonjë
"fyerje" (shpresoj të mos kem fyer dikend) të rastit. Siç e kam thënë
edhe më parë-Jemi njerëz, asgjë më shumë (me të gjitha virtytet
e mira, me të gjitha dobësitë) dhe ndodh të gabojmë.
Sinqerisht më vjen keq për ata që në cilëndo formë janë ndier
të ofenduar nga nofka Pokeri.
Janë dy gjëra që do t'i theksoja. Ndoshta për dikend nuk kanë kurrfarë rëndësie, por ja që po i theksoj.
-Forumi është një "hapësirë virtuale" dhe veç tjerash mundëson
që Njeriu ta "njoh" rrethin në të cilin jeton. Ta njoh atë, pa frikën
e ndonjë hakmarrjeje (na mbron nofka) për shkak të ideve, përkatësive
gjinore, fetare, ideologjike etj. Si "institucion" i tillë do duhej të
paraqiste hapësirën e duhur, për t'u shprehur, krejt-krejt shlirshëm.
Tendenca, jo e rrallë që hapësira virtuale të bartet në atë reale,
nuk dëmton vetëm Forumin, por edhe harmoninë, drejtpeshimin,
ekzistencën e vetë "debatit"...
-Problemi tjetër, që kam detektuar është ky; -Krijimi i Aleancave
të panatyrshme. Kjo dukuri, gjithashtu dëmton trajtimin e mirëfilltë
të temave, në mënyrën më të duhur, dëmton marëdhëniet spontane
... E pikërisht spontaniteti i një Forumi është "e arritura më madhe" e tij.
Në këtë Forum, nuk ka spontanitet, andaj ka shumë nervozizëm, zili, mosdurim, e kam frikë edhe urrejtje.
Nejse. Tani nisa t'ju predikoj!!!
Ka ndodhur ndonjëherë të lexoj se: "Kontestet i sqarojmë në telefon"!
Kjo do të thotë që, ne nuk pajtohemi për diç dhe Unë të thërras në
telefon, për t'u sqaruar!!! S'di në ka pasur raste të tilla vërtetë, por nëse po atëherë me keqardhje më duhet të them se Njerëzit e tillë e kanë ngatërruar keq Jetën reale dhe atë virtuale! Unë, kam krijuar miq virtual, por miqësia virtuale dallon shumë nga ajo tjetra (për mua). Ajo është një miqësi shumë shumë e brishtë. Një miqësi e varur krejtësisht nga: -rryma, rrjeti, koha...
Ndoshta njerëzit e vetmuar e shfrytëzojnë rastin (s'ka asgjë të keqe) të krijojnë miqësi reale përmes hapësirës virtuale, por nuk duhet harruar që Nuk janë të gjithë të vetmuar, dhe ky nuk është postulat gjeneral-i përgjithësuar!
Nuk pres të polemizoni me këtë postim lamtumirës, por nëse dikend e 'irriton" është fare i(e) lirë ta bëj këtë. Nëse dikush nga ju, nuk është kënaqur duke më sharë, ja tani mund ta ketë rastin e duhur (nuk do t'i kundërpërgjigjem) dhe ta bëj këtë në masën dhe mënyrën që e zgjedh vetë.
Para se të përfundoj, dëshiroj të theksoj që herë-herë jam kënaqur duke lexuar dhe kam arritur të mësoj diç (kryesisht nga përvojat e pasqyruara), e sidomos jam kënaqur kur kam pasur rastin të lexoj "mes rreshtave". Kam njohur (virtualisht) njerëz të pajisur me dije, kulturë, mirësjellje, ashtu siç kam pasur "fatkeqësinë" të njoh edhe të tillë si; mendjembyllur, fanatikë, ziliqarë, debil! Të parët do t'i mbaj
në mend e këta tjerët do t'i harroj shumë shpejt.
Lus administratorët që mundësisht të "mbyllin" konton pokeri, që të mos keqpërdoret nga dikush.
Ju përshëndes të gjithëve
Pokeri