Begjet Pacolli - politikani dhe biznesmeni qe mendon ndryshe....

[jonuzi]

Mëria ndaj Pacollit

Kujtojeni poteren që u bë në Prishtinë kur erdhën për një seminar kotnasikoti disa profesorë arabë. Seminari me profesorët nuk solli asgjë. Behgjet Pacolli solli diçka prej Maldiveve. Pse gjithë ky inat me të?

Nga Berat Buzhala më 08.02.2009 në ora 12:27

Fakti që Behgjet Pacolli ka shumë lek, gati ta pamundëson ta shkruash ndonjë llaf të mirë për të. Në këtë vend mund të shkruash mirë për ndonjë lëvizje të Fatmir Sejdiut, Hashim Thaçit, Ramush Haradinajt e Nexhat Dacit, por jo edhe për Pacollin.
Nëse nuk e keni harruar kujtojeni sa kolegialisht ishte pritur prej politikanëve të vendit vendimi i Kryetarit të AKR-së për t’u bërë pjesë e tyre. U quajt jo pro rus, por vet Kremlini. U tha se e ka ndërmend t’i dërgojë bijtë dhe bijat në “stepat ruse”. Thua se këtu rinia po jetonte nën hijen e palmave.
Por unë kësaj here nuk e kam ndërmend ta ndalë vetën, edhe sikur të më quani mik personal të Vladimir Zhirinovskit.
Ndoshta mora pak zemër edhe për faktin se Pacolli arriti të depërtonte, si i vetmi politikan shqiptar, në ceremoninë e betimit të Barack Obamas. Por kjo pak më vonë.
Fillimisht po ndalem pak në Ishujt e bukura të Maldiveve.
Ky shtet po i bën përgatitjet e fundit ta njohë pavarësinë e Kosovës, ndërsa zyrtarë të institucioneve tona po mobilizohen sa po munden që ketë njohje ose ta parandalojnë, ose ta mohojnë kontributin e Pacollit. Assesi nuk dëshirojnë që qoftë edhe një pranim i pavarësisë së Kosovës të kalojë nëpër duart e shqiptarit më të pasur. Jo pse nuk kemi nevojë për njohje, por sepse i frikësohen fushatës zgjedhore. I tremb rruga që Pacolli ka zgjedhur të bëjë edhe opozitën edhe politikën. Duan ta shohin Kryetarin e AKR-së duke bërtitur prej një fshati në një tjetër. Dëshirojnë të jetë këtu me ne. Të kërkojë zgjedhje, të shajë, të akuzojë dhe të bërtasë. I tmerron fakti që Pacolli ka zgjedhur të jetë shumë paqësor me ta. Edhe më shumë trishtohen që ai me të hollat e fituara prej kompanisë së tij po lobon aq sa po mundet në vende të ndryshme të planetit.
Zgjedhjet një ditë do të vijnë e letrat do të çelen. Askush prej udhëheqësve të forcave rivale politike nuk do ta dëshironte ditën kur në fushatën e vërtet zgjedhore, një lider opozitar të del para mediave dhe të tregojë se për vendin e vet secili mund të punojë edhe kur ndodhet në opozitë. Qoftë duke e sjellë një njohje të një shteti ishull. Pa sharë dhe pa bërtitur dhe pa kërkuar pare prej buxhetit.
Përndryshe, nëse keni mundur ta vëreni askush asnjë fjalë të keqe nuk e thotë kur myftiu Naim Tërnava lobon në vendet islamike. Nuk hidhërohen as kur flet Veton Surroi e Muhamet Mustafa. Përkundrazi inkurajohen ta vazhdojnë lobimin dhe marrin pjesë në konferencat e tyre.
Kujtojeni poteren që u bë në Prishtinë kur për një seminar erdhën disa profesorë arabë. U bë nami, thoshin organizatorët. Profesorët e nderuar i sulmuan institucionet tona si fajtore pse nuk po na njohin vendet islamike dhe ikën pa bisht pa krye.
E pse ky inat me Behgjet Pacollin, i cili nëse asgjë tjetër një copë ishull e ka bindur të na njeh?
Sepse dëshirojnë të parandalojnë momentet e sikletit të tyre gjatë garës zgjedhore.
Për ta parandaluar ketë situatë, i ngarkuari me punë i Kosovës në Ëashington, Avni Spahiu, i quan trillime deklaratat e Pacollit. Ai bile për njohjen potenciale të Maldiveve disa dekorata ia var vetës në kraharor. Edhe zëdhënësja e Ministrisë së Punëve të Jashtme ia fut kacinë e fundit të betonit kësaj të pavërtete të thënë prej Spahiut. Mburret se ministria ku ajo punon ka marrë premtime prej Maldiveve për njohjen e pavarësisë.
Gazeta Express, që në sajtin e saj e ka botuar e para një deklarate për përgatitje për njohje prej Ishujve Maldive, e ka siguruar një email që ministri i jashtëm i këtij shteti, të premten ia ka nisur Kryetarit të AKR-së, z. Pacolli.

Dear Mr. Pacolli,
It was a pleasure to have met you in New York last month.
The briefings that I got from yourself in New York have been very helpful. The attached news item will appear on the official website of the Ministry of Foreign Affairs before the end of work on Friday, 6 February 2009. You may tell your Foreign Minister that the Maldives now recognises passports of Kosovo and that the matter of full diplomatic recognition can be expedited if he would write to me officially.
With best regards,
Ahmed Shaheed
Minister of Foreign Affairs,
Republic of Maldives

I dashur z. Pacolli,
Ishte kënaqësi t’ju takoja muajin e kaluar në New York.
Raporti që mora nga ju në New York ishte shumë i nevojshëm. Në sajtin zyrtar të ministrisë së Punëve të Jashtme përpara fundit të orarit të punës të ditës së premte me 6 shkurt do të botohet lajmi. Ju mund t’i tregoni ministrit tuaj të Punëve të Jashtme se Maldivet tash i pranojnë pasaportat e Kosovës dhe se çështja e njohjes së plotë diplomatike mund të pritet nëse ai më shkruan mua zyrtarisht.
Urimet e mia më të mirat
Ahmed Shaheed
Ministër i Punëve të Jashtme
Republika e Maldiveve

Pasi e ka dërguar ketë email tek z. Pacolli, një lajm për përgatitjen në njohjen e pavarësisë së Kosovës është botuar edhe në sajtin zyrtar të ministrisë së Punëve të Jashtme të këtij shteti ekzotik.
Unë e kam përcjell dhe e kam dëgjuar konferencën për shtyp dhe intervistat e ditëve të fundit që Pacolli i ka dhënë në Kosovë. Po të mos ishte insistimi i gazetarëve për të mësuar se cilat shtete konkretisht Kryetari i AKR-së i ka bindur të na njohin, ketë shpalosje të fakteve të bëra prej tij do ta quaja jomodeste.
E përmenda në fillim të këtij teksti, se inatet me Pacollin datojnë prej kohës kur ai u bë pjesë e politikës kosovare. Kur ai mbeti në opozitë, disi ishte një mendim i përgjithshëm se ndoshta Pacollit i iku dëshira e politikës dhe se tash gradualisht partia e tij do të asgjësohet. Madje një deputet (Arsim Rexhepin) ia grabiti LDK-ja dhe një tjetër (Rita Hajzerajn) u munduan ta përvetësojnë, por dështuan. Filluan të dukeshin deputetët e AKR-së si plaçkë.
Por gjërat u përmbysen ditëve të fundit. Pacolli u kthye rrëmbyeshëm me intervista këto ditë.
Mesazhi i tij ishte i qartë. Do të mbetet në politikë, por nuk dëshiron të luaj në terrene të huaja. Erdhi me mesazhin se kryeqytet i tij nuk është Kremlini, por Washingtoni dhe tregoi se si kishte kaluar në ceremoninë e betimit të Presidentit Barack Obama. Tregoi se ka depërtuar edhe në State Department. Shpalosi ca foto të tij të një darke me James Jones, Këshilltar për Siguri Kombëtare i Presidentit Obama dhe dinjitarin e botës, Henry Kissinger.
Përveç fotove Pacolli këto ditë e shpalosi edhe agjendën e tij, që ndoshta ka prishur projekte të ndryshme. Mesazhi më i dhimbshëm për kundërshtarët e tij politik, ishte se politika për të nuk është luftë për jetë a vdekje