Berisha lobon për pavarësinë e Kosovës

[Tomori]

Berisha lobon për pavarësinë e Kosovës, Meta për vizat

Nju-Jork, 24 shtator (MIA) - Lobingu për liberalizimin e vizave për Shqipërine dhe njohja e pavarësisë së Kosovës nga vendet të cilat akoma nuk e kanë ndërmarrë një hap të tillë ishte qëllimi kryesor i delegacionit shqiptar gjatë vizitës në SHBA.

Kryeministri i Shqipërisë, Sali Berisha i cili po merr pjesë në samitin vjetor të Organizatës së Kombeve të Bashkuara, ka pasur takime zyrtare me krerë të ndryshëm të botës.

Shefi i diplomacisë shqiptare, Ilir Meta, ka marre garancinë nga homologët e tij për liberalizimin e vizave për shqiptarët.

Ministri i Jashtem belg, Yves Leterne, per sa i përket liberalizimit të vizave, u shpreh se Shqipëria ka bërë përparime të dukshme në plotësimin e kushteve të udhërrëfyesit të Komisionit Europian dhe shprehu besimin në përmbushjen e shpejtë të tyre nga pala shqiptare, çka do të sillte një reagim pozitiv për këtë qëllim.

Meta mori pjesë në darkën Trans-Atlantike e cila u shtrua nga Sekretarja e Shtetit të SHBA Hillari Klinton.

Klintoni i konfirmoi Metës vullnetin e SHBA-së për një bashkepunim të ngushtë mes dy vendeve në të gjitha nivelet dhe i theksoi atij besimin e plote tek roli tepër konstruktiv dhe i rëndësishëm që Shqipëria ka luajtur dhe do luajë si një partnere e afërt e SHBA-së për mbarëvajtjen e sigurisë, paqes dhe stabilitetit rajonal.