Mjeket kosovar shpetojne jeten e diplomatit amerikan

[Fshatari]

Ambasadori Dell lavdëron punën e Qendrës Emergjente
Ambasadori amerikan në Prishtinë, Christopher Dell, përmes një letre zyrtare, ka falënderuar Qendrën Emergjente për punën e bërë, ndihmën dhe kujdesin profesional, pas aksidentit që ka pasur një shtetas amerikan në Prishtinë.
“Ambasada amerikane ju përgëzon thellësisht për intervenimin dhe shpëtimin e jetës së shtetasit amerikan, i cili qe aksidentuar gjatë festës së Krishtlindjeve”, thuhet mes tjerash në letrën falënderuese, e cila i është drejtuar drejtorit të Qendrës Emergjente, Basri Lenjani.
Në letër sqarohet se personeli i Ambasadës ka qenë në vendngjarje dhe ka vërejtur se personeli i QKUK-së, e ka kryer punën me përkushtim dhe profesionalizëm të lartë, duke shpëtuar jetën e qytetarit amerikan me lëndime multiple dhe ka qenë në gjendje të rëndë.
Në letër, thuhet se puna është kryer me shpejtësi dhe koordinim me kampin Bondsteel ka qenë i mirë, kurse QKUK-ja, ka menaxhuar mirë situatën derisa ka arritur helikopteri HELIPAD, përmes së cilit i lënduari është transferuar në kampin Bondsteel.
“Kosova ka fat që ka profesionistë të tillë, intervenimi i tyre dhe dhënia e ndihmës mjekësore shpëtoj jeta”, përfundon letra falënderuese e ambasadorit Dell. /Telegrafi/
________________________________
http://www.telegrafi.com/?id=2&a=7840