Duart e femrave më të pista se të meshkujve

[lirik]

Duart e femrave më të pista se të meshkujve

Studimet kanë treguar se femrat kanë në duar më shumë baktere sesa meshkujt


Lani duart shpesh dhe me detergjentë antibakterial, veçanërisht ju zonja dhe zonjusha. Studimi i fundit tregon se gratë kanë në duart e tyre më shumë bakterie sesa meshkujt. Shkencëtarët kanë zbuluar se të gjithë njerzit kanë në duar më shumë baktere se sa mendohej, por në duart e femrave bakteret kanë më shumë kushte për tu zhvilluar.

“Një gjë që na ka habitur është varieteti i baktereve midis individëve” – tha biokimisti Rob Knight, bashkë autor i studimit.

“Numri i madh i baktereve të gjetura në duart e pjesmarrësve na ka surprizuar, dhe sidomos te duart e grave” – tha ai.

Shkencëtarët nuk janë të sigurt pse gratë kanë më shumë baktere, por Knight mendon se kjo është e lidhur me aciditetin e lëkurës së tyre. Sipas tij burrat kanë lëkurë me acide se sa gratë.

Gratë gjithashtu kanë më shumë baktere të gjalla nën sipërfaqen e lëkurës e cila nuk arrin të lahet- shtoi Knight.

I pyetur nëse kishte rrezik që bakteret ti ngjiteshin dorës së mashkullit kur ai takon një dorë gruaje Knight tha se: “Kjo varej nga vajza”.

Por gjithashtu ai tha se shumica e baktereve që njeriu ka në trup nuk janë të dëmshme madje janë në të mirën e tij.

Shkencëtarët kanë zbuluar 4 742 lloje bakteresh, nga të cilat vetëm 5 prej tyre gjenden në çdo dorë njeriu.

Një dorë ka mesatarisht 150 lloje bakteresh. Megjithëse shkencëtarët i mëshojnë rëndësisë së larjes së duarve, ata përsëri mendojnë se larja e duarve nuk i eleminon bakteriet...
F.B