Mesuesit Rrahin Nxenesit

[lirik]

Mësuesit dhunojnë nxënësin në mes të mësimit, fshihet ngjarja







VLORË - Një nxënës i vitit të parë të shkollës së mesme artistike "Naim Frashëri" në Vlorë është rrahur barbarisht nga dy mesues. Ngjarja ka ndodhur ditën e premte dhe mësohet se e ka zanafillën tek një zënkë mes dy adoleshente qe per ters njeri ka qëlluar fëmijë mësuesi.
Gjithçka ka ndodhur në orën e mësimit, kur klasa zhvillonte letërsi dy mësues të tjerë kanë behur në klasë duke zënë me shkelma e me grushta nxënësin-viktimë.
Nxënësit e tjerë janë shokuar dhe me shumë rezerva kanë rrëfyer se si është dhunuar shoku i tyre i klases ne ambiente shkollore te vlores

. Ata kanë njohur dy personat që hynë në klasë, duke treguar se njëri prej tyre ishte mësues në këtë shkollë.

Drejtori i shkollës, Agron Dine pas insistimit tonë pranoi të shprehet se djali kishte ofenduar vajzën e një prej mësuesve të shkollës dhe për këtë ishte përpiluar një raport, i cili do të diskutohej në kolektiv. Drejtori foli për nxënësin që nuk kishte sjellje të mirë, por nuk tha asnjë fjalë për mësuesit që për interesa personale dhunojnë nxënësit në ambientet e shkollës. Po me heshtje është përcjellë ngjarja edhe nga Drejtoria Arsimore e Vlorës. Nëpërmjet komunikimit telefonik, drejtori Petro Kutulla tha se nuk kishte ende dijeni për ngjarjen.
Ndërsa familjarët e adoleshentit dënojnë ashpër aktin barbar të mësuesve dhe shprehen të frikësuar për jetën e djalit te tyre. Ata kanë pranuar se ai kishte ofenduar shoqen e klasës, por thanë se veprimi i të rriturve ka qenë i paprecedent.