Micotakis sulmon Gjykaten shqiptare

[Fshatari]

Meta pesimist



Nga Express më 01.02.2010 në ora 15:23
Zëvendëskryeministri i Shqipërisë, Ilir Meta, është shprehur pesimist lidhur me suksesin e dialogut mes pushtetit dhe opozitës shqiptare.
Meta theksoi se vetë fakti i parashtrimit të kushteve nga ana e socialistëve, të cilat i quajti antikushtetuese, është një argument se dialogu që e kërkon Strasbourgu përmes Rezolutës së miratuar për Shqipërinë do të dështojë.
Meta akuzoi liderin e opozitës, Edi Rama, si problemin kryesor në gjithë këtë situatë që është duke ndodhur në Shqipëri, duke e quajtur atë një politikan destruktiv.
Shefi i diplomacisë shqiptare akuzoi Ramën edhe për ekstremizëm dhe për krijimin e një klime negative, që ishte shkas edhe për pezullimin nga Gjykata Kushtetuese të marrëveshjes për vijën kufitare detare ndërmjet Shqipërisë dhe Greqisë. Megjithatë, sipas Metës, vendimi i Gjykatës Kushtetuese nuk do të ndikojë negativisht në marrëdhëniet bilaterale të Tiranës dhe Athinës.