BOTA E FSHEHTË: Krijesat e (pa)dukshme - xhinët

[4peace]

HYRJE











Nga Kur’ani dhe Sunneti i të dërguarit të All-llahut, All-llahu e pastë bekuar dhe shpëtuar, mësojmë se, përveç botës njerëzore, ekziston edhe një botë tjetër e të cilës i është dërguar Shpallja (Zbulesa), e kjo është bota e Xhinëve, apo bota e shpirtërave të padukshëm.





Për ne, kjo botë është e padukshme, ndonëse jeta e tyre zhvillohet fare pranë tonës, në praninë tonë dhe me shumëçka i përngjan botës njerëzore.





Herë pas here dëgjohet që ndonjëri nga njerëzit ia ka dalur të vëjë kontakt të tërthortë apo edhe të drejtëpërdrejtë me ndonjërin nga Xhinët me qëllim që të komunikojë a bisedojë me ta. Muhammedi a.s. kishte kontakt direkt me ta, i kishte parë, kishte biseduar me ta dhe ua ka transmetuar e komentuar atyre Kur’anin.





Shumë as’habë (shokë, përcjellës të Muhammedit a.s.) kanë biseduar me xhinët dhe, ngandonjëherë, i kishin parë të mishëruar e të “shndërruar” në forma njerëzore.





Autori i këtij libri, Muhammed Isa Davudi, gazetar me profesion, në mënyrë të drejtëpërdrejtë apo të tërthorrtë, ka vënë kontakt me një xhin musliman dhe ka bërë me të një bisedë të mirëfilltë gazetareske. Ai, këtë bisedë, siç thotë edhe vetë, e ka inçizuar në një kasetë, e më vonë e ka shkruajtur në letër, dhe, pjesërisht, na e ka paraqitur në këtë libër.





Pjesën tjetër të kësaj bisede, siç konfirmon autori, do ta prezentojë në një libër tjetër.





Në këtë libër, janë të paraqitura shumë të dhëna tejet interesante nga jeta e xhinëve.





Xhini besimtar flet për formën e tij të vërtetë, për mënyrën e jetës së xhinëve, për moshën e jetesës, për mënyrën e mishërimit të tyre, bashkëshortësinë, krijimin e pasardhësve dhe për shumë gjëra tepër kurioze, e të cilat, besoj, do të jenë interesante për lexuesin tonë.





Mirëpo, ndonëse këto gjëra janë tepër interesante, për mua ky nuk është shkaku themelor që më ka shtyrë që ta përkthej këtë libër e ta bëj të përafërt me lexuesit. Më parë në këtë hap më kanë shtyrë disa gjëra praktike si dhe porositë të cilat ajo i mban më vete.





Për arsye të shkakut të përmendur, opinionit lexues i rekomandoj që këtë libër ta lexojë me vëmendje dhe t’i pranojë mesazhet dhe këshillat, e të cilat xhini besimtar, përmes kësaj bisede, ua ka drejtuar njerëzve, të cilat kryesisht janë në përputhje me librin e Shenjtë të All-llahut e me Sunnetin e të dërguarit të Tij, All-llahu e pastë bekuar dhe shpëtuar!





Përkthyesi













MYSAFIRI I LIBRIT











Mysafiri i këtij libri është xhini musliman. Ai është me prejardhje nga India, më afër – nga Bombaji. Ishte i krishter, ndërkaq që All-llahu Fuqiplotë, xh.sh., e ka nderuar me islamin dhe e ka kthyer në besimtar musliman. Ai tërheq vëmendjen parreshtur për dallimin midis fjalës musliman dhe mu’min, sepse çdo mu’min është musliman, e çdo musliman nuk është mu’min.







Ky xhin është në moshën 180 vjeçare. Pas përqafimit të islamit nërpëmjet tij kanë kaluar edhe dhjeta mija xhinë, të cilët tani e mbrojnë dhe e dëgjojnë. Kështuqë tani ai është ngritur në një urdhërdhënës të madh, në mënyrë që All-llahu i Lartmadhërishëm ta ndihmojë dhe nëpëmjet tij t’i udhëzojë edhe shumë të tjerë, e që atë ta përforcojë në islam e iman.







vazhdon...mes tjerash edhe me temen:

BOTA E XHINËVE