Arrestohet Ramë Maraj

[Dilaver]

U arrestua Ramë Maraj, heshten arsyet
Iliriapost
Në rrethana krejtësisht të pasqaruara dhe, më pas edhe me informacion fare të mbyllur, u arrestua në rrugën pranë banesës së tij nga policia e UNMIK-ut, Ramë Maraj, drejtor i gazetës së përditshme “Iliria Post”. Me gjithë insistimet disa orëshe e të pareshtura profesionale të gazetarëve të kësaj gazete, nuk pati mundësi të merrej asnjë informacion lidhur me shkaqet dhe motivet e një arrestimi të tillë. As SHPK-ja, siç deklaruan atje, s’kishin ndonjë informacion tjetër, përveç faktit se ai ishte arrestuar. Depërtimi për t’u informuar në policinë e UNMIK-ut ishte i pamundshëm. Nga burime të tjera jozyrtare “Iliria Post” arriti të kuptojë se kjo polici të premten (sot) do të kumtojë arsyet e një arresti të tillë.


Maraj arrestohet për shkak të shmangies nga tatimi

Prishtinë, 13 prill 2007 (Kosovapress) Koha 12:19
Shërbimi Policor i Kosovës përmes një komunikate për media të premten njofton se arrestimi i Ramë Marajt, drejtor i të përditshmes “Iliria post” dhe ish-këshilltar i ish-kryetarit Ibrahim Rugova, është bërë në bazë të një urdhër arresti nga gjykata për shkak të shmangies nga tatimi.