Surroi thotë që Kosova nuk e meriton asnjë gjysmështeti sot

[Dilaver]

Surroi thotë që Kosova nuk e meriton asnjë gjysmështeti sot


Prishtinë, 1 dhjetor – Kosova nuk e meriton asnjë gjysmështeti, e lëre më pavarësinë, ka vlerësuar sot, Veton Surroi, duke kritikuar institucionet e Kosovës. Ai ka thënë se institucionet e Kosovës nuk mund të udhëheqin as me një gjysmështeti. "Institucionet e këtilla çfarë janë, janë të pamjaftueshme jo për një shtet të pavarur, por as për një shtet gjysmak", tha Surroi në një takim me gazetarë në selinë e ORA-s, pas kthimit të tij nga Samiti i NATO-s në Rigë. "Duhet parë se a janë apo nuk janë të mjaftueshme institucionet e tilla", tha Surroi sipas të cilit institucionet janë të pamjaftueshme për udhëheqjen e shtetit të ri të Kosovës. I pyetur se a ka mundësi që të vazhdohet edhe pas statusit me këtë qeveri, apo të formohet një qeveri gjithëpërfshirëse, Surroi tha se çështjet duhet të shkojnë hapë pas hapi. Sipas tij, hapi i parë është të shikohet se cilat janë ato çështje që kanë nevojë për një veprim konsensual të të gjithëve, që nënkupton që Grupi Negociator duhet t'i manadatojë çështjet që kanë të bëjnë me kushtetutën, simbolet, përcaktimin e datës së zgjedhjeve, formën e zgjedhjeve, përcaktimin e hapave të shpejtuar të tranzicionit drejt shtetit të pavarur dhe funskionimin e institucioneve të cilat duhet të reflektojnë shpejtësinë drejtë arritjes së statusit. Duke kërkuar kështu që Grupi Negociator të ketë fuqi mbi institucionale. Sa i përket simboleve tha se kjo çështje do të bisedohet javën e ardhme në GN, dhe për të cilën duhet të arrihet unitet. Sa i përket çështjes së krijimit të forcës së ardhshme mbrojtëse të Kosovës, ai është shprehur optimist se të gjithë aktorët relevantë e kuptojnë se çështja e formimit të ushtrisë është një nevojë e një Evrope të bashkuar me kontribimin e të gjithave. "Nuk do të jetë një ushtri që do t'i tejkalojë limitet e mundësive financiare dhe ushtritë brenda një sistemi të sigurisë politike siç është NATO-ja, hyjnë brenda shërbimit të NATO-s dhe operacioneve të saj edhe jashtë në kontinentin evropian", tha Surroi dhe vuri në pah se gjatë vitit të ardhshëm me formimin e ushtrisë së Kosovës në mënyrë unimediale, Kosova do të kyçët në doktrinën moderne të NATO-s të shekullit 21 që është në përgatitje e sipër. Duke raportuar për Samitin e Rigës, Surroi tha se janë tri çështje të veçanta të NATO-s, si çështja e NATO-s, e cila ka përkrahur formulimin e deritanishëm të Grupit të Kontaktit me të cilën fuqizohet formula e cila në fund duhet të parapëlqehet nga qytetarët e Kosovës, e cila duhet ti për mbushë nevojat e qytetarëve të Kosovës. Çështja e dytë e atij samiti, sipas Surroit, është se në vitin 2008 realisht pritet që Shqipëria dhe Maqedonia si shtete fqinje të Kosovës të jenë anëtare fuqiplote të NATO-s me të cilat stabiliteti i Evropës Juglindore do të merr një dimension të ri dhe për Kosovën një përvojë pozitive drejt integrimit të tërësishëm në strukturat e sigurisë dhe në ato të BE-së. Ndërsa, elementi i tretë i rëndësishëm i këtij sipas Surroit është edhe ndryshimi i kahjes së politikës së NATO-s ndaj Serbisë, pas ftesës për partneritet për paqe, që sipas tij lidhet drejtpërdrejtë me periudhën e ardhshme të përcaktimit të statusit politik të Kosovës, që në qarqe të NATO-s shihet si një formë e stabilizimit të procesit negociator. Surroi gjatë kësaj konference ka njoftuar edhe për takimin që sot e ka zhvilluar GN-ja i Kosovës në të cilin i është raportuar në njëri tjetrit për vizitat përfaqësuese të delegacionit jashtë vendit, për kontaktet dhe përgatitjet për biseda pak më të thelluara me të cilat GN-ja në javën e ardhshme pritet t’i diskutojë siç janë çështja e statusit, simbolet etj.

[Dilaver]

Platforma tinëzish të Veton Surroit

Sylejman Aliu

Pas të gjitha përpjekjeve të suksesshme për çorientimin e energjive të vullnetshme, në radhë të parë të popullit të varfër e të papunë të Kosovës, pastaj dhe të pjesës së shëndosh të klasës politike e institucionale të saj, si dhe pas nënshtrimit të plotë e shërbyes të PDK-së në favoret e tij krejtësisht anësore, në pamje të parë, por thelbësore për tronditjet e pareshtura të bërthamës së çështjes më historike të Kosovës, lideri i partisë reformiste ORA, Veton Surroi, nxori dhe vazhdon të nxjerrë platforma tinëzish të tij të njohura për të shembur e dërrmuar çdo vullnet qendror institucional e popullor për të ardhmen e Kosovës.

Nga qendra e tij e preokupimit mbledh gjitha periferitë e çështjeve dhe i sjell të papërpunuara në qendrën kolektive të vendimmarrjes dhe aty detyron një pjesë të të tjerëve, që “përkohësisht” të heqin vëmendjen nga çështjet e rëndësishme dhe të merren me përpunimin e lëndës së mbledhur nga Surroi nëpër të gjitha periferitë e tij të porositura.

Kur po bëhej gati që si parti dhe si lider i saj të konkurronte në zgjedhjet e kaluara, vetë Surroi pati deklaruar se ka dyzet milionë euro pasuri. As atëherë, as tash, nuk e tregoi dhe nuk e tregon prejardhjen e një pasurimi të tillë marramendës, që kish nisur që në vitet ’90-ta (mbase edhe më herët), gjatë dhe pas luftës! Nuk tregoi, sepse deri tash askush në Kuvendin e deputetëve të Kosovës këtë nuk e kishte kërkuar. Në të vërtetë, këtë kërkesë ua kishte mbytur me kohë vetë Surroi, duke ua servuar atyre në foltore periferinë e tij banale të “bindjeve të shëndetshme morale”, për të mos i lënë të hapin gojën për të. Disa njohës të mirë të tij thonë se ai s’e ka pasur dhe as e ka këtë pasuri, por e ka deklaruar me shpresë se mund të vinte në ndonjë segment pushteti dhe atje të marrë sa të mundet dhe këto marrje, pastaj, të mbulonte me pasurinë e deklaruar. Të tjerët, sidomos ish-kolegët e tij gazetarë, thonë se ai është pasuruar edhe më shumë se ç’është deklaruar,gjithnjë i ka zhvatur dhe përvetësuar të gjitha fondet e paracaktuara për të gjitha mediet në Kosovë, duke i lënë këto të fundit me gisht në gojë.

Shkathtësia e tillë manipuluese e Surroit vërtet është e saktë. Shkathtësia e tij e saktë u pa dhe shihet edhe në foltoren e Kuvendit të Kosovës dhe në programin e tij çorientues të çështjeve dhe të vullneteve të shëndosha të të tjerëve karshi zgjidhjes përfundimtare të çështjes së Kosovës, të ligjeve dhe, të krijimit të një teatri tragjik-komik të Kuvendit të Kosovës, ku shajnë mëkatarët, siç është Surroi dhe siç është Jakup Krasniqi dhe, detyrohen të mbrohen të pamëkatshmit e fjetur, të cilët i thuan të vërtetat shumë përgjumshëm. Në gjithë këtë proces manipulues të Surroit PDK-ja, në emër të solidarizimit si bashkopozitë me të, është shndërruar në shërbëtore të dëgjueshme dhe emocionale të Surroit. Shihet se tash për PDK-në s’ka rëndësi çfarë kërkon në këtë periudhë historikisht të rëndësishme Kosova, por çfarë mbështetje kërkon Veton Surroi.

Të gjithë kanë mundur ta vërejnë (sepse nuk është vështirë të vërehet) se Surroi, partia e tij, e lidhur imponueshëm në nyjën inferiore e emocionale edhe me PDK-në, jo vetëm u bënë përrallë, pikërisht në këtë periudhë historikisht të rëndësishme për Kosovën dhe për statusin e saj (që edhe për këto shkaqe po pësojnë shtyrje të pafundme afatesh), por dezintegruan plotësisht synimet e shëndosha të një pjese deputetësh dhe të një pjese të parisë së Kosovës. Meqenëse, siç thonë burimet e sigurta të ish-kreut të Kuvendit të Kosovës, mu pse akademik Daci s’kishte dashur të binte grackave e kurtheve, që kishte ngritur Surroi për interesat pasurore personale, ky i fundit kishte filluar dhe e mbaroi hakmarrjen ndaj ish-kryeparlamentarit, duke mos i dhënë as pesë para se, duke iu hakmarrë atij, po i hakmerrej Kosovës dhe të ardhmes së saj kaq të zhagitshme.

Kur të gjitha energjitë e vullnetit të mirë, edhe të liderëve partiakë, edhe të atyre institucionalë, kishin marrë kahet e shtjellimit të lëmshit të krijuar nga Surroi rreth një objekti parlamentar në Germi (objekti ndërtohej për Kosovën dhe jo për Dacin) dhe rreth një veture të “shtrenjtë” e të blinduar, që vinte për kryeparlamentarët edhe të ardhshëm (Kolë Berisha kishte deklaruar kur u bë kryeparlamentar se s’kishte bythë ai për një veturë të tillë, që do të thotë se kishte për karrigen e kryeparlamentarit dhe s’e kishte për veturë), harruan kërkesat e Kosovës. Që të dukeshin se s’i kanë harruar këto kërkesa, rrëmbyen mediet në të cilat derdhnin pa asnjë parallogari njohjesh të vërteta, premtimet për pavarësinë “në fund të këtij viti”. Njësoj vepruan një pjesë e mirë e opozitës dhe një pjesë e mirë e pozitës, pjesë këto që lidheshin përsëri me interesa personale në grupe uniteti e në grupe negociatorësh për të krijuar atje paqen e bashkëveprimit grupor të interesave.

Surroi, meqenëse është aty, në këto grupe, ka ulur zërin e kritikave dhe, që nga ai pozicion tash ka nisur, sërish në bashkëveprim me shërbëtorët e saj nga PDK-ja emocionale (pa menduar) dhe me një pjesë përçarësish të LDK-së (jo si bashkëveprues, por me qetësinë lejuese), iu kanë vërsulur Qeverisë së Kosovës (pas shprishjes së energjive të shëndosha në Kuvendin e Kosovës). sepse Surroi nuk e duron ekzekutivin e Kosovës, në të cilin nuk mund të ngjyej gishtin e uritur të tij. Ai kërkon rrëzimin e qeverisë dhe krijimin e një qeverie teknike, ku do të ishte edhe ai, në mos i pari. Deputeti i Surroit, Nazim Jashari, i mbërthyer në një skenar të tillë pikërisht në kohën kur Kosova po ndjen dhembje të mëdha, në emër të partisë (e fsheh padronin e tij) kërkon të shkojë edhe më larg. Është kundër proceseve tenderuese (për operatorin e dytë mobil dhe për fushën e energjisë). Thotë se këto duhet të ngjajnë pas zgjidhjes së statusit dhe se këto shtyrje s’qenkan gjë për Kosovën.

Natyrisht, ai ka të drejtë, sepse çështja e rëndësishme për të dhe për Surroin janë tenderët, që duhet t’i ketë ai në dorë dhe jo ekonomia e Kosovës dhe jo Kosova halleshumë. Ka të drejtë edhe Surroi, i cili me “kaq shumë djersë” është bërë milioner në Kosovën e varfër dhe në Kosovën e vrarë, sa tash prapa kurtheve të tilla të tij, brenda të cilave sharrojnë edhe bindjet e shëndosha, kërkoi dhe kërkon mëkatarë edhe aty ku s’ka, që të fsheh mëkatet e veta, të cilat s’e ka ndërmend t’i lë, por t’i disafishojë për pasurimin e vetvetes. Mbase njëjtë ngjet edhe me të përgjumurit deputetë dhe me të përgjumurit e mundshëm të shërbimeve hetuese, auditimesh dhe të drejtësisë, të lidhura duarsh me litarët e ndikimeve politike. Prandaj, pasuria dhe pasurimi i Veton Surroit nuk hetohet nga askush (edhe kur hetohet, heshtet), njësoj siç ndodhë me hetuesinë, prokurorinë dhe drejtësinë, kur është fjala të heshtja e mbuluar me kapakun politik për kallëzimin penal të para më shumë se një viti për ish-ministrin e Shërbimeve Publike Jakup Krasniqin. Të gjithë heshtin dhe në heshtje miratojnë rrëzimet e gjithanshme të Kosovës.

29.11.2006.

[Doni88]

Postimi origjinal është bërë nga Dilaver

Surroi thotë që Kosova nuk e meriton asnjë gjysmështeti sot

Pse a mujtmu a?

Shqiptari (lopitikani) cysh asht kallxue k'to 8 vjetet e fundit nuk e meriton as cerekun.

[Arb]

Surroi nuk respektoi vullnetin e popullit te dalur nga zgjedhjet e fundit, duke i paralajmeruar Qeverise se forumuar permes koalicionit LDK-AAK, jo me shume se 100 jete. Megjithate, kjo qeveri mbijetoi 100 ditet, dhe muajt qe pasuan.

E tash kur Qeverise se Kosoves i duhet mbeshtetje e fuqishme, ne prag te njohjes zyrtare te Pavaresise se Kosoves, Surroi flet nga kendi i nje Shkau, e na tregon se cka "meriton" Kosova...

E gjithe kjo eshte vazhdimesi e opozites per te formuar nje qeveri teknike (gjithpershirese), permes akuzave te pa-baza per korrupcion, e bile edhe me deklarata te ketilla skandaloze, qe as armiqte me te medhenje te Pavaresise se Kosoves nuk i thone...

[Arjanit Thopia]

Nuk me vjen shume interesant reagimi i njerezve ndaj V.Surroit. Ne nese mendojme se qeveria qe kemi eshte e afte per ta udhehequr shtetin e Kosoves, atehere nuk kemi se cka flasim. Kryeministri nuk ka kurrfare pushteti ndaj kabinetit te tij!!! Kryeministri qe merr letra "keshilluese" nga partite. Ministrat qe marrin urdhera vetem nga partite qe vijne. Nuk e di se si mundet dikush te jap komente te tilla kur qeveria jone eshte me e dobeta ne rajon. Qeveri qe eshte e afte vetem per shetitje dhe shpenzime te medha, por asgje tjeter. Asgje. Deshperohem shume kur degjoj se megjithate njerezit jane te kenaqur me kete qeveri. Nuk eshte ketu ne pyetje respekti ndaj institucioneve qe disa prej jush e kuptoni se nuk duhet te flasim asgje qe eshte ne kundershtim me qeverine sepse atehere nuk po e "respektuakam"??? Nese dikush kerkon qe te caktohet data e zgjedhjeve, te diskutohet per simbolet e Kosoves, e gjera te ngjashme, une nuk e shoh ku eshte problemi. Akoma kenga e njejte e shqiptareve e c'eshte me e keqja: Ata bile as qe jetojne ne Kosove. Jo te nderuar. Se pari duhet te jetoni me ne, ketu ne Kosove e me pas mund te flisni per qeverine se nuk mund ta dini me mire se ne qe po e perjetojme cdo dite "magjine" e qeverise sone te afte. Nuk keni kurrfare te drejte te flisni ju per qeverine e Kosoves. Ejani e jetoni me ne e me pas mund te jipni komente. Ndryshe, nuk keni te drejte te flisni dhe ta lavderoni mjerimin tone te perditshem. Duhet te jesh shume cinik per ta bere nje gje te tille. Nuk them se ata duhet te na mundesojne te marrim rroga te larta e menjehere te rregullohen te gjitha gjerat. Kjo natyrisht qe mund te ndodh, por se paku te mos vjedhin. KA FAKTE i nderuar. Mos na tregoni ju neve se cka eshte jeta institucionale nga vendet nordike e nga pertej Atlantikut. E dime shume mire, por se paku vellezer, mos na lendoni edhe me teper duke na thene qe duhet te heshtim se nuk ben te ankohemi se ashtu nuk e respektojme qeverine. Mosni ju lutem

[Arb]

Fatbardhesisht, per Pavaresine e Kosoves do te vendosin Fuqite e Medha, e jo Shkijet, Surroi, Arianit Topia, e Opozita Enveriste...

[sunshine]

Postimi origjinal është bërë nga Arb

Fatbardhesisht, per Pavaresine e Kosoves do te vendosin Fuqite e Medha, e jo Shkijet, Surroi, Arianit Topia, e Opozita Enveriste...

Zotëri, natyrisht se për fatin tonë do vendosin fuqitë e mëdha, se një popull që nuk e fiton lirinë vet as nuk di ta ndërtojë atë! Surroi shpeshë herë ka dal me deklarata që kanë nxitë diskutime të ndryshme. Nuk më pëlqen mua si politikan, por një duhet ta dimë të gjithë, së paku ai e ka thënë atë çka është biseduar në Vjenë, kurse të tjerët janë munduar gjithmonë të i zbukurojnë këto bisedime. Se çka do të vendoset do të jemi dëshmitarë të gjithë (natyrisht prapë një zgjidhje gjysmake!), e atëherë do të kënaqesh edhe ti edhe të gjithë ata të tjerët që i besojnë këtij "Grupi Negociator" të famshëm.

[LOJETARI]

Postimi origjinal është bërë nga Arb

Fatbardhesisht, per Pavaresine e Kosoves do te vendosin Fuqite e Medha, e jo Shkijet, Surroi, Arianit Topia, e Opozita Enveriste...

hahahahhaha...E di se kur ta lexon Arb kete postim do te me quaj Lojtarovic por edhe ai duhet te mesohet me perballu mendimin e tjetrit edhe nese nuk e respekton.Veton Surroi dhe partia qe ai udheheq jo edhe rrallehere na del me i kjarrte se pozita dhe pjesa tjeter e opozites ne qasjen e problemeve te shoqerise kosovare .Vullneti dhe deshira e tij per pushtet nuk besoj se ua kalon te tjereve ,vetem se ky e argumenton ndryshe (aftesi e nje intelektuali modern)Ne tekstin e postuar nga Dilaver une nuk shohe asgje shqetesuese ne personalitetin e Veton Surroit por ne problemin qe ai e shtjellon . Secili nga ne qe e ka lexuar kete tekst veren se keto gjera i ka dite edhe vet ,ndersa Veton Surroi vetem ua ngjete emrin .Veton Surroi e din me mire se gjdonjeri se Qeveria nuk eshte qellimisht e dobet por nuk kane mundesi dhe pervoje te mjaftueshme ,Veton Surroi e din edhe shume mire se kjo Pozite eshte zgjedhur me voten e shumices dhe se shumica vendosin per udheheqesine e vet . Mirpo edhe Arb duhet te pranoj realitetin se jo krejt opozita jane shkie dhe poqese opozita mendon si pozita atehere do te kemi veten nje parti si te "XHAXHIT" ktynehere,Partine e Punes ,e qe besa punen njehere nuk po na e don !

[Arb]

Veton Surroi:

"Pas dhjetë apo pesëmbëdhjetë vjetësh, kur të shkruhet historia e përpjekjeve të popullit të Kosovës për liri dhe paqe, atëherë do të evidentohet edhe kontributi dhe merita e padiskutueshme e Nanos në këto përpjekje për lirinë e Kosovës."

[Arb]

Surroi vazhdon te mbetet nje mbrojtes tashme i legjitimuar i te drejtave te pakicave Serbe ne Kosove

Ne programin "BBC Audotorium ne Kosove," Kryeministri Bajram Kosumi i ben thirrje minoritetit serb të Kosovës që të vizitojë Prishtinën dhe qytetet e tjera në Kosovë për të provuar lirinë e e lëvizjes që po bëhet gjithnjë e më e madhe.

Thirrja e zotit Kosumi u bë gjatë programit të BBC-së, Auditorium, në të cilin serbët e Kosovës thanë se nuk e ndienin veten të sigurtë të udhëtonin jashtë enklavave të tyre.

Zoti Kosumi tha gjatë fjalës së tij se çdo ditë 2500 serbë dhe anëtarë të minoriteteve të tjera udhëtojnë nga shtëpitë e tyre në Prishtinë për të punuar dhe ata shkojnë atje pa qenë të kërcënuar apo frikësuar.

Përgjigjja e zotit Kosumi nuk kënaqi politikanin serb në panel, Oliver Ivanoviç.

Pergjigjja e Zotit Kosumi nuk kenaqi as mbrojtesin tashme zyrtare te te drejtave te Serbe ne Kosove, udheheqesin e ORA-s, Veton Turk Surroin. Ai shtoj se pajtohem me Ivanovic se nuk kane liri te levizjes.

Surroi madje shkoj aq larg duke u shprehur se "Kosova nuk eshte vetem larg por teper larg permbushjes se standardeve."

[Guri i madh]

Postimi origjinal është bërë nga Arb

Surroi nuk respektoi vullnetin e popullit te dalur nga zgjedhjet e fundit, duke i paralajmeruar Qeverise se forumuar permes koalicionit LDK-AAK, jo me shume se 100 jete. Megjithate, kjo qeveri mbijetoi 100 ditet, dhe muajt qe pasuan.

E tash kur Qeverise se Kosoves i duhet mbeshtetje e fuqishme, ne prag te njohjes zyrtare te Pavaresise se Kosoves, Surroi flet nga kendi i nje Shkau, e na tregon se cka "meriton" Kosova...

E gjithe kjo eshte vazhdimesi e opozites per te formuar nje qeveri teknike (gjithpershirese), permes akuzave te pa-baza per korrupcion, e bile edhe me deklarata te ketilla skandaloze, qe as armiqte me te medhenje te Pavaresise se Kosoves nuk i thone...

ARB pershendetje


deshta postimit tuaj me ja shtue edhe ket deklarat te kti shkavelli qe thoshte se qeveria nuk ka jet ma shum se 100 dit .

thonte se Ramushin po e kerkon gjygji i hages e nuk mundet te jet krye minister edhe pse
ne at koh kur thoshte se ramushin po e kerkon haga nga gjykata e hages nuk ishte ngrit aktakuza kunder Ramushit

[Arb]

DISIDENCA PRO-JUGOSLLAVE KUNDËR PRESIDENTIT TË KOSOVËS

VETON SURROI PO I FRYEN ZJARRIT TË EKSTEMISTËVE...!


Shkruan: Besim KRASNIQI

I përkëdheluri i Sorrosit në Kosovë, UJDI-sti i dështuar politikisht Veton Surroi në gazetën e tij sorroiste u shpejtua që të shfrytëzojë situatën e nderë që po dominon në Kosovë, dhe kjo pas vrasjes politike të Kolonelit Tahir Zemaj, për të denigruar për të satën herë kundërshtarin e tij të pakompromis, Presidentin e Kosovës dhe kryetarin e Lidhjes Demokratike të Kosovës dr.Ibrahim Rugovën.

Kjo kukull mediale e grupimit pro-jugosllav «i tërheq vërejtjen» dr.Rugovës që „mos ta përdorë tragjedinë e vrasjes së cilitdo kosovari për qëllim politik“, që sipas Surroit nënkupton se dr.Rugova i gëzohet çdo vrasjeje që ndodh në Kosovën e pasluftës!? Një konkludim i tillë demagogjik deri më tani është dëgjuar dhe lexuar vetëm nëpër gazetat majtiste të Kosovës, të cilat i festojnë të gjitha vrasjet politike me shkumë shampanje. Edhe Veton Surroi me anë të shkrimit të tij „Politika e arkivolit“ futet në lojëra të fëlliqta, të cilat shprehin hapur armiqësimin ekstrem të tij me dr.Rugovën, edhe përkundër asaj se dr.Rugova as që do t’i përgjigjet shkarravinave të tija agjenturore, sikurse ka bërë z.Adem Demaçi.

Shkrimi i Veton Surroit është paramenduar si një shigjetë e helmatisur më shumë kundër dr.Rugovës dhe ithtarëve të tij, në kohën kur dr.Rugovës akoma nuk iu kanë tharë lotët për Ukë Bytyçin, e tash edhe për Tahir Zemën, Enisin dhe Hasan Zemën! Veton Surroi e din fare mirë se cila është adresa e saktë, ku duhet drejtuar „vërejtjet publike“ e tij për keqpërdorim të dëshmorëve dhe heronjëve të demokracisë për hesape të partisë politike, por edhe e din fare mirë se ajo „vërejtje publike“ do të ishte „vërejtja“ e fundit që do t’ia kishte drejtuar dikujt.

Kështu arsyetohet edhe mosvënia e florit të zi në gazetën e tij private, se dikujt mund të mos i pëlqej ky veprim e pastaj vaj halli për të.
Dr.Ibrahim Rugova nuk ka nevojë për pozicionime politike „mbi arkivolat e trupave të ngrirë nga vdekja“, sepse pozicionimi i tij politik dihet që nga viti 1989 kur u formua Lidhja Demokratike e Kosovës dhe që kur dr.Rugova është kryetar i saj. Që të jem më i qartë, pozicioni politik i dr.Rugovës është pozicioni i vullnetit të shumicës së shqiptarëve të Kosovës, vullnet ky i cili nuk u rrespektua asnjëherë nga V. Surroi dhe bashkëmendimtarët e tij majtistë, dhe ky pozicionim politik i dr.Rugovës është dëshmuar me disa herë në zgjedhje të lira vendore e parlamentare, andaj ajo çfarë shkarravitë Surroi nuk ka asnjë qëllim tjetër veqse të krijojë pakënaqësi dhe ngritje tensionesh në mes të shqiptarëve.

Surroi me shkrimin e tij banal po i fryen zjarrit të ekstremistëve, të cilët e kanë humbur orientimin dhe drejtpeshimin e tyre, dhe kërkojnë shfryrjen e ndjenjës së humbësit tek figurat më të çmuara kombëtare në Kosovë dhe jashtë saj. Surroit i pengon shumë „e kaluara“ sepse në periudhën e „kaluar“ emri i tij nuk gjendet askund i përfshirë dhe kërkon që këtë „të kaluar“ t’ia lëmë historianëve, dhe njëkohësisht na jep mendime „filosofike“ se „duhet të ndërtojnë politikë që do të hyjë në histori, e jo histori që do të zbatohet në politikë“.

Manipulimi me fjalë dhe fjali është padyshim aftësi e rrallë e Surroit, të cilën aftësi e ka vënë në shërbim të denigrimit të figurës së çmueshme të dr.Rugovës dhe në dobi të figurës së tij të tejkaluar politike! Pastaj, sipas Surroit pra, cila na qenka ajo figurë politike që i bashkon shqiptarët, nëse nuk është figura e dr.Rugovës? Cila figurë politike e Kosovës do t’i kishte kapërcyer me aq sukses barrierat e vështira tradhtare që ia kurdisën Beogradi dhe Tirana zyrtare, bashkë me disidentët pro-jugosllavë, sikurse që i tejkaloi dr.Rugova? Cila figurë politike do t’i kishte bërë ballë kamuflazheve dhe vrasjeve të bashkëpuntorëve më të ngushtë shërbimet sekrete të Beogradit dhe të Tiranës zyrtare, të ndihmuara nga lakenjët enveristë dhe titstë të Kosovës, sikurse që i bëri ballë dr.Rugova?

Ndërsa të gjithë ne jemi dëshmitarë të kohës se Veton Surroi në karrierën e tij politike dhe gazetareske nuk i ka përjetuar as dy shuplaka fytyrës nga policia dhe regjimi serbosllav! Prandaj, shkrimet e tilla që prejudikojnë tërheqjen e dr.Rugovës nga skena politike nuk janë dobiprurëse për shoqërinë tonë, aq më pak në këtë kohë me plot tensione politike, e edhe aq më pak kur ato prejudikime vijnë nga njerëz të llojit të Veton Surroit.

[Arb]

Redaksia ”në këmbë të shëndosha” e Koha Ditore alias Surroi – Veton apo Politika UJDI-ste e arkivoleve

Prishtinë, 9 janar 2003 / Endrit Kelmendi


Në ditarin e orës 19 të KTV-së të datës 7 janar, raporti i gazetares nga mbledhja komemorative për vrasjen e Tahir, Enis dhe Hasan Zemajt mbajtur në Presidencën e Kosovës fillon me zemërimin e gazetares që nuk u lejua të hyjë e ta përcjell këtë mbledhje. Një raport i tillë përkon “profesionalisht” me mësimet e Baton Haxhiut nga shkolla famoze e gazetarisë “Faik Konica” dhe me moralin e dyfishtë të Veton Surroit i cili vëllazërinë siameze me Batonin e ka konzervuar për ditë më të mira (kupto për kohën pobtratimçe).

Të nesërmen, kur Kryetari Rugova shpalli ditë zie z. Surroi dhe Koha e tij vërtetë ditore, dolën me petk “normal” dhe pa florin e zi siç e kishte madje edhe “Epoka e re” e cila e ka vazhduar aktpadinë penale të Kosovapresit kundër kolonelit Tahir Zemaj. Asgjë habitëse për një njeri që kurrën e kurrës nuk njohu Referendumin për Pavarësi dhe institucionet e dala nga ky vullnet i shqiptarëve të Kosovës. Asgjë e pazakonshme për një “diplomat pragmatik” që e vranë drita e Republikës së Kosovës dhe institucionet e saj.


Ndarjen e ushtarakëve dhe ushtarëve e kanë bërë pinjollët tu z. Surroi

Surroi Ditor, duke dashur ta akuzojë dr. Rugovën pse i ndanë ushtarakët në ata që respektonin institucionet e Republikës dhe ata që nuk i respektonin, përpiqet t’ia mveshë një akuzë-gënjeshtër edhe pse Ai e di shkëlqyeshëm se këtë ndarje e kanë bërë që herët stalinistët dhe leninistët duke vrarë shumë ushtarakë dhe intelektualë vetëm pse i respektonin ato institucione. Veton Surroi e bashkë me të edhe Baton Haxhiu dhe “redaksia në këmbë të shëndosha” e dijnë mirë pse u vra Enver Maloku, Xhemail Mustafa dhe veprimtarë, aktivistë dhe ushtarakë para, gjatë dhe pas luftës.

Veton Surroi e di fare mirë se ushtarakë dhe ushtarë Kosova më shumë ka pasur pas luftës dhe se një pjesë e tyre pas uzurpimeve të shumë pronave, lokaleve, banesave, pas ndërtimeve të pompave të benzinës e biznesve të shumta vërtetë kanë bërë qytetarët e Kosovës të dyshojnë në angazhimet e tyre për Kosovën. Angazhimet për Kosovën i kanë pasur dhe i kanë aktualisht të ndryshme edhe dr. Rugova, Veton Surroi, Hashim Thaqi, Ramush Haradinaj, etj.

Moralizimi i Koha Surroit rreth vrasjes dhe ndjenjës së zisë e pikëllimit tejkalon edhe një “shqiptar” si Vetoni. Ai edhe mund të vë në gazetë florin e zi nëse një serb i Kosovës mund të vrahet për motive politike. z. Surroi e di se asnjë serb nuk është vrarë për motive politike në Kosovën e pas luftës. Ai e di se vrasjet politike kanë goditur më së shumti personalitete shqiptare, veprimtarë dhe udhëheqës të LDK-së, përfshirë bashkëpunëtorët më të ngushtë të dr. Rugovës.

Por me mosvënjen e florit të zi në Koha Ditore, z. Surroi ia ka bërë një nder kolonelit Tahir Zemaj dhe gjithë atyre njerëzve që morën pjesë në varrim dhe qindra mija tjerëve që me pikëllim përcollën varrimin e kolonelit që theu kufirin shqiptaro-shqiptar.


Të pamoralshmit gjithëmonë shkruajnë dhe rrëfehen për dhe rreth moralit

Moralizimi i botuesit të gazetës UJDI-ste shkon deri aty sa të deklarojë për BBC-në se “është e pamoralshme nga zoti Rugova që të shpallë ditë zie atëhere kur vriten bashkëpunëtorët e tij apo njerëzit e afërt me LDK-në”. Së pari duhet theksuar se edhe shkencërisht është vërtetuar se për moralin flasin gjithëmonë të pamoralshmit sepse ata ndiejnë mungesën e moralit që nuk e kanë dhe paraqitet pastaj nevoja për tu shprehur, për të thënë dhe për tu përpjekur për të treguar se, megjithate, janë të moralshëm.

Pse ndodhi që pas vrasjes së Ukë Bytyqit dr. Rugova të shpallë përsëri ditë zie dhe këtë përsëritshëm për bashkëpunëtor të tij, këtë le ta shpjegojë Surroi Veton sepse ai nuk e ndien dhe nuk e sheh se që nga paralufta e deri më sot, 99% të viktimave të pritave dhe vrasjeve politike ishin njerëz të LDK-së, njerëz që punuan për Republikën e Kosovës të cilën syzet e Vetonit dhe të njerëzve si ai nuk e kanë pa dhe nuk e kanë prekur e as që do ta prekin kurrë.

Krejt në fund të “Politika e arkivolit” kreatori i Koha ditore thërret për politikë që bashkon dhe jo politikë që ndanë. Kujt i drejtohet Veton Surroi askush nuk e di, por ai vetë e di se nuk ka kurrfarë mandati dhe kurrfarë të drejte të kërkojë nga dr. Rugova e as nga politikanët që të bëjnë politikë “Bashkim – Vllazërimi”. Kjo sepse kurrë nuk mund të bashkëjetojnë viktima dhe vrasësi siç kurrë më nuk mund të kthehet koha kur kumbarët e Surroit dhe vëllezërit e Adem Demaçit të bashkëjetojnë me shqiptarët e Kosovës.

Një margaritar tjetër, që në Koha ditore ka ngjyrë hiri (kupto SMB) ishte pyetja drejtuar UNMIK-ut se a ka të drejtë Kryetari i Kosovës të shpallë ditë zie. Gazetarët e “redaksisë në këmbë të shëndosha” që e kreoi kumara i Stanishiqit - Baton Haxhiu bashkë me botuesin e gazetës më ditore nuk mund të pajtohen ende me faktin se dr. Rugova edhe përkundër gjithë asaj propagande morbide kundër Tij nga po kjo gazetë, përkundër gjithë vrasjeve të bashkëpunëtorëve të tij, ende dhe gjithnjë gëzon përkrahjen e pa rezervë të qytetarëve të Kosovës.


Asgjë e re nga “Politika e arkivoleve” sikur që nuk pati tash e 13 vjet në logjikën dhe psikqikën pro jugosllave surroiste

Asgjë e çudtishme për të gjithë ata që kanë mundur t’ju lexojnë, ti përcjellin hapat e tu “politikë”; që nga UJDI, përmes çelsave dhe zileve, përmes bartjes së arkivolit të dhunës që kurr nuk e varrose e deri më sot kur, fatmirësisht je ende gjallë edhe pse gjatë luftës, për shkaqe “sigurie” dhe strategjie sllavo-ortodokse të boshtit më makabër e më tragjik për shqiptarët e Kosovës, të patën shpallur të vdekur a të ekzekutuar kurse TI, me tërheqjen tënde taktiko-strategjike ishe i fshehur në Prishtinë.

Me asgjë z. Surroi nuk keni ndryshuar siç evaluojnë qeniet njerëzore. Edhe kjo nuk është çudi dhe as e habitshme. Ju, z. Surroi - Veton i takoni klasës së aristokracisë diplomatike jugosllave, jeni i shkolluar në ambasada dhe është shumë e natyrshme që nuk i takoni “popullit balosh të Adem Demaçit” sepse ky popull dhe këta njerëz nuk kanë nivel e as dije për të komunikuar me TY dhe me çiftat tu.

Moralizimi juaj z. Surroi, i tipit të Fatmir Limajt apo të Bujar Dugollit, është aq neveritës sa që përfundimisht do të ishte shumë e ndershme që Vetoni dhe të gjithë vetonët e as “redaksia në këmbë të shëndosha” t’mos e përmendë kurr më emrin e dr. Rugovës dhe t’u bashkohet redaksive të “Kosovapress”, “Epoka e re” apo pse jo edhe RTK-së.

Kështu do të krijohej aleanca e natyrshme e internacionales komuniste bashkëkohore dhe e demagogjisë neokomuniste dhe neostaliniste. Projugosllave kur Veton Surroi do të mund të kishet ndonjë post për t’iu drejtuar së paku 5% të qytetarëve të Kosovës.

Politika UJDI-ste e arkivoleve, ky produkt që vranë dhe vrau shumë patriotë dhe intelektualë djathtistë në Kosovë, më kot përpiqet të derdhë lot krokodili për historinë dhe politikën, më kot përpiqet që së paku si “maskë’ të ndjej dhembje për këto çaste tragjike që po kalon Kosova.

Kosova dhe UJDI, Kosova dhe “Koha ditore” “Kosovapress” dhe “Epoka e re”, Kosova dhe maskat, Kosova me viktimat dhe kriminelët janë dy skaje që kurrë nuk mund të bashkëjetojnë.

Veton Surroi e di se shumica e qytetarëve të Kosovës kanë votuar për lirinë dhe pavarësinë e saj ku surroi dhe çiftat e tij do të mund të jetojnë pa frikën nga pritat, shantazhet, vrasjet dhe krimet e organizuara politike.

[dardan100]

Do i pergjigjesha Vetonit dhe do ti thoja se Kosova nuk e meriton as nje gjysme shteti me TERE kete klasen politike qe ka sot, qeveri dhe opozite se bashku, duke perfshire ketu edhe grupimet me te vogla nacional-shoviniste!
Mbreme po shikoja emisionin Jeta ne Kosove ne RTK, ku ishin prezent perfaqesuesit e partive kryesore , dhe desh u semura! Duke degjuar zedhenesen e PDK-se ( e cila te vetmin send te pranueshem ka bukurine!!) duke folur per respektim te ligjit dhe shtet ligjor, me rrotullisej dhoma para syve!
Sot nuk ka nevoje askush ne opozite te akuzoj "qeverine deshtuese" per keqperdorime, pasi qe me kete nivel te kultures politike qe kemi, nje gjendje e tille do te ishte edhe nese "uzurpuesit" e pasluftes do te ishin sot ne qeveri. Bile i shoh te neveritshme keto akuza, sidomos te Ora-s, edhe pse te arsytueshme sepse regresi i ketyre viteve eshte i pamohueshem, mirpo Surroi dhe idhtaret e tij le ta dine se ata, sikurse te gjithe politikanet tjere, nuk perfaqesojne me interesat e popullit. neser do te dilet ne zgjedhje, dhe ata do te DElegitimohen nga qytetari.
Nga ana jona, e qytetarit duhet te nderroj kendveshtrimi karshi politikani ( apo Lopitikanit, siç e degjova ketu!) çfare eshte politikani, ne fund te fundit? Ai eshte nje "sherbetor i thjeshte" i popullit dhe i cili vepron sipas vullnetit te popullit dhe qe i permbush nevojat e tij te shumta. Shteti eshte sikurse nje ndermarrje, ku Ne populli jemi pronari, ndersa politikani eshte punetori yne, sepse ne e paguajme ate ( edhe mire e majm bile!!!), dhe ashtu siq ndodhe ne nje Firme, atehere kur nje punetor nuk punon, nuk eshte prodhimtar , por perkundrazi pengon edhe punetoret e tjere , ai duhet te largohet menjehere nga puna!
Po te njejten gje duhet ta bejme edhe NE. Politikani nuk duhet ta ndjej veten si nje perandor, te mos levizj tere jeten prej Parlamentit (max. te kete 10vite legjitimitet, pastaj ti lejoj edhe te rinjet te hyne ne politike) , por atehere kur te behet deputet i Republikes, kete detyre ta kete si obligim real ndaj qytetarit e jo si nje avanture lozonjare per nje karriere te mere politike!
Pra, duhet te nderroj koncepti yne ndaj poltikes, dhe nga ana e politikaneve ( tash e tutje te mesojme dhe te fillojme ti quajme me emrin e tyre te vertete ; PUNETORET apo NENPUNESIT TANE) te nderroj menyra per te bere politike.

[Arjanit Thopia]

Më vjen shumë mirë që përmes postimeve tua, ma tregon nivelin tënd intelektual. Deshe, apo nuk deshe ti, ne, shqiptarët e Kosovës vendosim për pavarësinë e Kosovës. E di që është e kotë të ta bëj me dije se duhet ta respektosh mendimin që është ndryshe tëndit, por megjithatë e thash sërish. Si do të dukej a thua natyra me vetëm një lloj luleje? Sipas teje, e bukur. Atëherë më del më komunist sesa ata që ti mundohesh ti “etiketosh”. Nuk mund të më ofendosh sepse unë megjithatë e respektoj mendimin e secilit si të drejtë universale. Të gjithë kemi të drejtën dhe lirinë e të shprehurit të mendimit edhe nëse ai është tjetër. E di që kjo sërish është “tradhti” dhe “mëkat” dhe se ne meritojmë të dalim në inkuizicionin tënd mjeran të shprehur përmes retorikës “copy dhe paste” sepse niveli inekzistent intelektual i yti nuk mund të shkruaj asgjë vetë, pa iu referuar “fakteve” të kopjuara nga komentet e individëve. Neve na duhen kokat, e njëra prej më brilanteve është Vetoni. Më vjen keq që e përmenda “Satananë”, por është mendimi im. Mund edhe të më padisësh po deshe duke iu referuar deliktit verbal të Titos. Duhet njëherë të ndalesh dhe ta analizosh mirë atë që e them, edhepse dyshoj se koka jote ka mjaft RAM memorje për të bërë analizë, sepse duhet të mësohesh të jetosh edhe duke respektuar mendimin e tjetrit edhe nese nuk pajtohesh. Nuk e di se si të ta sqaroj ndryshe sepse me të vërtetë po e kam të vështirë edhepse po shkruaj ngadalë që të mund të më kuptosh haha. Në fund të fundit, pse nuk e hap vetë një portal ku do të paraqiteshe me qindra nofka dhe do të shkruaje atë që dëshiron ta dëgjosh dhe të kënaqesh e vetëgënjehesh. Nuk ma merr mendja se stadi yt i evoluimit ka arritur aq lartë sa që të mund të “diskutoj” me njerëz. Më vjen keq nëse ndihesh i fyer në ndonjë mënyrë, por me kopjimet e përcjella me ndonjë koment fillorist, nuk më lënë hapësirë të mendoj ndryshe.
Kërkoj falje nëse ndihesh i turpëruar nga mosdija. Nuk duhet të të vjen turp se përndryshe do të bëhesh edhe injorant e ajo nuk falet.
Të fala nga Kosova dhe mos harro të vazhdosh me “shpëtimin” e Kosovës nga Veton Surroi e të tjerët si ai.