Shqiptarët "Superfuqi në Ballkan"!?

[sunshine]

"Di diçka, atëherë je dikushi"- thotë një fjalë e urtë gjermane! Sa dijmë ne shqiptarët dhe kush jemi?
Sa herë që takohem me familjen time, me shoqërinë time, me njerëz të njohur e të panjohur, më duket se takova "trurin" e kësaj bote! I takoj rrallë këta njerëz, vetëm për dy-tri javë në vit kur kaloj pushimet në vendlindjen time. Gëzohem për faktin se këta njerëz dijnë, trishtohem për faktin se këta njerëz jetojnë në varfëri! Varfëria materiale nga varfëria shpirtërore ndahet nga maja e Himalajes! Varfërinë materiale e shpërlanë me para, varfërinë shpirtërore nuk e shpërlajnë as psikologët më të mëdhenj botëror!?
Para disa muajsh, mora rrugë nga Gjermania për në Kosovë. Kalova nëpër Austri-Slloveni-Kroaci-Mal i Zi deri në Kosovë. Një ndjenjë mallëngjimi e zhgënjimi më kaploi posa shkela kufirin e Kosovës. Gëzimi për të takuar më të dashurit e mi përcillej me zhgënjimin kur krahasoj vendet që kalova nëpër to me vendin tim! Zhgënjimi fillon që kur takohesh detyrimisht me doganjerët "kosovarë" (nuk dallohen nga ata kroat apo malazez, përveq gjuhës!), zatën është traditë ballkanëse që të iu paguajsh haraq për të shkelur rrugët e këtyre shteteve!
Pa u thelluar më tepër! A thua sa herë kanë shkelur politikanjët shqipëtar rrugët e shteteve fqinjë? A thua dallojnë ata ndryshimet kapitale që ndodhin nëpër këto vende? A kanë kaluar edhe ata nëpër tunelet e Kroacisë, njëri prej të cilëve para disa ditësh u shpall tuneli më i mirë në Evropë? A kanë këta njerëz një pikë inat në ndërgjegjen e tyre? A shohin ndonjëherë ëndrra sesi do dukej vendi ynë pa varfëri apo ëndërrojnë vetëm ngritjen e pallateve private?
Dikush do të thotë:"Nuk jemi të pavarur"! As unë nuk isha i pavarur derisa jetoja me paratë e babait tim dhe nuk e dija se çka do të thotë të jeshë i pavarur! Po athua çdo gjë do të rregullohet vetëm pas pavarësimit? Po nuk gjeta lokalin për dasëm nuk kam ku ta festojë dasmën!? E ne do bëjmë dasëm në livadhe a? Do thejmë qafën nëpër rrugë nga gropat? Do të na mbulojë errësira gjatë festimit se i takojmë grupit C të KEK-ut!?
Natyrisht, që edhe Kroacia nuk i ka rregulluar autostradat vetëm me forcat e veta, por pse të gjithë gjejnë miq që iu ndihmojnë praktikisht e vetëm ne kemi "miq" që na knaqën me përkrahje morale!? Është krejt e thjeshtë, të tjerët i kanë vërë detyrë që së bashku me popujt e tyre të shkojnë një hap me botën, e politikanët tanë nuk kanë një mentalitet të tillë, ata donë të ecin një hap me botën, por të vetmuar!
Kthehem në fillim! Nga njerëz të njohur dhe të panjohur në Kosovë sa herë që i takoj marrë këshilla se si u "deshak" unë të jetoj në Gjermani! Shumë nga ata i "dinë" më mirë ligjet gjermane se unë që jetoj në Gjermani! Pse e bëjnë këtë? Se politika ditore i ka mësuar të mendojnë me kokën e dikujt tjetër e jo me kokën e vete! Respekti i partive politike shqiptare për të huajt është më i madh sesa për veten e tyre! Gjene një zyre lokale të partive në Kosovë ku është i vendosur vetëm flamuri kombëtar?! Nuk ka! Aty gjeni edhe flamurin amerikan, anglez, ndoshta të BE-së (orientimi i tyre është kah Amerika!) dhe detyrimisht flamuti i KB apo NATO-së me mbishkrimin edhe çirilik!
Përfundimisht, në vend që ne shqiptarët të jemi superfuqi e ballkanit, mbetemi hë për hë duke bërë sehir edhe lakmuar zhvillimin e të tjerëve!!!