Lëvizja "Vetëvendosje" nis fushatën kundër EULEX-it

[Dardan Kastrati]

Lëvizja "Vetëvendosje" nis fushatën kundër EULEX-it
‘Vetëvendosje’, pamflete kundër Kermabosë
Sipas liderit Albin Kurti, lëvizja që ai drejton nuk është kundër prezencës ndërkombëtare në vend, por është kundër kompetencave të tyre ekzekutive..

Prishtinë, 13 tetor
Ndonëse e kanë kundërshtuar edhe në fillim instalimin e misionit të BE-së për sundimin e ligjit, lëvizja "Vetëvendosje" shënoi zyrtarisht fushatën e parë kundër misionit EULEX, që nga shpallja e pavarësisë së Kosovës. Aktivistët e kësaj lëvizjeje shpërndanë nëpër Prishtinë pamflete me mbititullin "I akuzuar", ku në to ishte postuar fotografia e shefit të EULEX-it, Iv de Kermabo, në kohën kur ka qenë komandant i KFOR-it, e në të cilën foto ishte së bashku me asokohe shefin e shtatmadhorisë së ushtrisë së Serbisë dhe Malit të Zi, ushtri kjo që, sipas aktivistëve të lëvizjes "Vetëvendosje", është përgjegjëse për krimet në Kosovë.
Dy arsye për fushatë
Sipas aktivistëve të "Vetëvendosjes", kreu i EULEX-it ka kompetenca ekzekutive mbi institucionet e vendit, gjë që shkel demokracinë. "Vendosja e posterëve kundër Iv de Kermabosë bëhet për dy arsye. Në vjeshtën e vitit 2005, atëbotë komandat i KFOR e pati ftuar në Prishtinë Dragan Paskashin, shefin e Shtatmadhorisë së ushtrisë së Serbisë dhe Malit të Zi, që është përgjegjës për vrasjen e 12 mijë shqiptarëve, rrënimin e 120 mijë shtëpive, dëbimin e 1 milion njerëzve, etj., pa dhënë përgjegjësi dhe kërkuar falje", tha lideri i kësaj lëvizjeje, Albin Kurti, duke shtuar se tash Kermabo është shndërruar edhe në burokrat ndërkombëtar, që do të ketë fuqi ekzekutive mbi institucionet e Kosovës. Sipas tij, kreu i EULEX-it e pamundëson demokracinë në vend me të drejtën për shfuqizimin e vendimeve të institucioneve vendase, ndërsa që Kosova duhet të jetë e lirë, e pavarur, sovrane e demokratike, e jo të ketë misione ndërkombëtare që nuk japin llogari dhe që do të kenë imunitet nga ligji që do të zbatojnë mbi qytetarët e Kosovës.
Kurti shpjegoi se lëvizja "Vetëvendosje" proteston edhe për faktin që EULEX po sjell 2.200 policë, gjykatës e prokurorë ndërkombëtarë, që do të kontrollojnë gjyqësinë, policinë, shërbimin korrektues, doganat, kufijtë e Kosovës, në vend se të sjellin profesorë, doktorë e ekspertë të ekonomisë.

"E kundërta e integrimit"
"Është me rëndësi se paradigma e stabilitetit që e kanë misionet ndërkombëtare në Kosovë po na bën shumë dëm, sepse nuk mund të jetë stabiliteti fjala e parë për një vend, po zhvillimi e demokracia", tha Kurti, duke shtuar se misioni i BE-së në Kosovë është mision për menaxhimin e krizës, që nënkupton moslejimin e shpërthimit të krizës.
Sipas Kurtit, lëvizja që ai drejton nuk është kundër prezencës ndërkombëtare në vend, por është kundër kompetencave të tyre ekzekutive. "UNMIK-u nuk po shkon, EULEX-i po zbarkon dhe kjo nuk është në favor të Kosovës. Ne kemi nevojë që Kosova të integrohet në BE, ndërsa nuk kemi nevojë të vijnë misione jodemokratike të BE-së në Kosovë", tha Kurti.
Sipas tij, në vend se Kosova të integrohet në BE si shtet i pavarur dhe sovran, po ndodh e kundërta, integrimi i BE-së në Kosovë me anë të misionit të EULEX-it, duke i pamundësuar sovranitetin shtetit më të ri në botë. Kurti nuk ka lënë pa përmendur edhe mënyrën e vendosjes së EULEX-it në Kosovë si mision neutral ndaj statusit. "Ata nuk thonë se jemi neutralë ndaj pavarësisë, por thonë jemi neutralë ndaj statusit. Kjo do të thotë se për ta statusi i Kosovës nuk është zgjidhur ende", shpjegoi Kurti.
Sipas liderit të "Vetëvendosjes", Albin Kurit, kjo lëvizje nuk do të lërë "rehat" edhe ndërkombëtarin kryesor në Kosovën Ahtisariane, Piter Fejt, mirëpo kanë vendosur që fushata e parë të jetë kundër Kermabosë, ngase autoriteti i këtij të fundit do të ndihet më shpejt nga qytetarët e thjeshtë.

Marrë nga gazeta ditore :Kosova sot .

[lirik]

Normal kam shum simpati per levizjen per vetvendosje
ne nuk jemi skllever nuk esht koha e kolonive
Ne kemi ndejt të robruar me shekuj nëpër shekuj nga krajlat
e sulltanat dhe kemi luftuar me shekuj të qlirohemi
Nuk jemi ardhë nët botë të rrijmë robër
por këtu funksionon ligji skllavrues un te kam qliruar
un bëj q të dua me ty
shfrytzimi i minierave deri në palcë deri sa të shembet kosova
e ne te vuajm per buken e gojes me papunsi
e si koridor të na i lënë vetem drogen dhe armet
e pastaj te na quajn shqiuptart jan kriminela
po buk disi duhet me hanger edhe shqiptari

[Keneri]

Ky njeri pra albin kurti nuk eshte ne gjendje normale.Po ta degjoj populli ket apo adem demaqin ende do ishim ne robri te shkaut.JO QE NUK JAN PATRIOTA PO NUK KAN KURRFAR VIZIONI PER POLITIK E AS NUK JAN VIZIONAR PER TE ARDHMEN.

[GURI SYLAJ]

Kur ti m'a mush xhepin
une e hapi gojen,
kur ti me thua -nisja
une e vazhdoj "lojen"!

Kur ty ta don qefi
une rrasi perrshesh
e cka ka ne sahan,
pak kush e merr vesh!

Kur ti i hype peles
un i pri perpara
kah po shkojm s'kam lidhje,
veq na u dhashte e mara!

Detyrat i beje,
kjo eshte "shkolla" e jone
per mire un nuk dije
se per keq gjithmone!!!

[Gjumashja]

Albini mundohet me qene ma i mencur sesa qe eshte... mire eshte me shpreh revolte, mirpo jo me shku ne gjera ekstreme sikur qe mendon ky...

[Anthrax]

...bon kaniher ky mu shpreh , me qense Hasha ja ka ngre veshin edhe ika than pak ma rrall tash e tutje , un kur Qeverisi...pak ma i qet rri.

[Guri i madh]

nuk ka kurfar levezije tani ne kosov dihet mir se havir sollana nuk lejon as opozit aktive e as shoqata te pavarura me ja rrezikue shkamin hashim thaqit


gjdo levizje e protest per pjesen e kosoves qe e qeviris serrbia ja rrezikon shkamin hashim thaqit e ket havier sollana nuk e lejon


esht ky havier sollana qe e shkatrroj LDKen permjet fatmir sejdiut se nji LDK unike thaqi nuk kishte shanca teorike me ardhë në pushtet

[Dani11]

Postimi origjinal është bërë nga Gjumashja

Albini mundohet me qene ma i mencur sesa qe eshte... mire eshte me shpreh revolte, mirpo jo me shku ne gjera ekstreme sikur qe mendon ky...

Thote populli: "shtrije kamet sa ti mrrin plafi (jorgani)" siq duket Albini kete fjale nuk e ka kuptuar apo nuk e ka ndegjuar kurre.Albin Kurti eshte i afte por nuk jeton me realitetin, ai flete sikur ti thot dikush merre nje leter dhe shkruaj deshirat tuaja qfar do te deshiroje ne kete jete.Deshirat jane nje,por se sa jane mundesit per tu realizuar keto deshira eshte nje problem tjeter.Une mendoi qe njeriu duhete pike se pari te stjudioi mundesit reale per realizimin e nje qellimi apo deshire, sepse kjo eshte ajo kryesorja qe vleresohet per te arritur diqka ne jete.

KLM

[Domira]

Ne jemi te prirun qe esencen e problemin me vendos ne drejti krejt te gabuar. Nuk jane te rendesishem as Albini si Albin e as Hashimi si Hashim kur kemi te bejm me interesin e Kosoves, me te miren e Kosoves.
Une e shoh problematike kete sjelljen tone kur jemi tani te pamvarun, pse nuk e ushtrojme te drejten tone dhe obligimin tone si institucione te shtetit te Pamvarun te Kosoves qe te kerkojme llogari nga EULEXI per punen e tyre.

1. Pse keto OJQ tona nuk dalin me kerkesa per informacione te sakta se cka do te ban EULEXi ne Kosove ne menyre qe te zberthehen dhe te bahen sa me publike qellimet e EULEXIT.

2. Institucionet tona duhet te formojne mekanizma te vecante te cilet do te mirren me bashkepunimin me EULEXin ne menyre qe t'ju ndihmohet atyre qe te bejne pune sa me efektive per te vene rend dhe te zbatohet ligji ne ne Kosove per te miren e qytetareve te saj.

Ne vend se me qene sa ma kambengules ne realizimin e detyrave te EULEX mbasi ata po vijne me ndreq pune ne fushen e drejtesise, se per me prish esht prish mjaft, kta djemt e VETVENDOSJES duket si me i dhan kahje tjeter kti misioni, thash ne vend se me iu ndejt mbi koke dhe me kerku qe ky mision ta kryeje punen e vet per te cilen jane zotu.
Mbi kete baze ne si qytetare te Kosoves kemi jo vetem te drejte por edhe obligim me ju ndihmu ketyre te EULEX duke dale me propozime te cilat jane ne funkcion te zbatimit te ligjshmerise, pa marre parasysh se EULEX i ka hartu planet e veta. Ne si qytetare dhe si institucione duhet te kerkojme nga EULEXi qe maksimalisht te angazhohet ne zbardhjen e padrejtesive te grumbulluara e te pazgjidhurame vite te tera ne Kosove.

Ne kete menyre ne shprehimm vetedijen dhe angazhimin tone per funkcionimin e demokracise dhe drejtesie ne Republiken e Kosoves.