Vëllezërishtë

[luan_i]

(Që të mos thuhet se erdhi e shkoj e s'u mor vesh)

Duke mos dashur të largohem nga FD pa një përshëndetje, pa një falënderim, si dhe pa një kërkim falje publike, nëse për te do të kishte vend, por edhe hapësirë, vendosa t’ju bëj me dije, t’ju njoftoj, se nga sot, datë 7. 03. 2008, nuk do të jemë pjesë aktive e faqeve me të cilat bashkëdhëtuam një kohë të konsideruar. Arsyet, thjeshtë, janë krejtësishtë personale.
Tërë jetën time kam qenë, sikurse jamë edhe sot e tërë ditën, dashamirë dhe simpatizantë i madh i letrave dhe shkrimeve,… i përhapjes së dijes dhe kulturës, i inisiativave që për qëllim kanë njohjen dhe kultivimin, avancimin e vlerave tona të përbashkëta.
Sa unë e kam kuptuar, FD, është krijesë e inisiativave individuale të bashkatdhetarëve tanë, e njerëzve vullnetmire, krijesë që rreth vetes ka grumbulluar plejadë të respektuar të bashkëkombasve tanë, jo vetëm në mërgatë apo Kosovë, por gjithandej ku jetojnë shqiptarët. Dhe, e them sinqerishtë, kjo është meritë e funksionimit mirëfilli të projektit që për synim ka, siç unë e kuptoj, ky forum, drejtuesit e tij, por edhe anëtarësia e gjërë.
Reciprociteti, njohja e ndërsjellë,… shtrimi dhe diskutimi i çështjeve që është përkatësi e të gjithë neve, qofshin ato edhe përmes divergjencave, që do të duhej kuptuar si krejtë normale, janë pjesë e thesarit demokratik, të mendimit të lire dhe të shprehjes, që është vlera më sublime dhe univerzale e të drejtave dhe lirive të njeriut.
Prandaj, do të doja shumë, siç i thonë një fjale, me shpirtë e me zemër, që Forumi Dardan, si “urë lidhëse”, të rritet e forcohet më tej, në proporcion me objektivat që ka, ndërsa të rinjtë e të rejat, anëtarësia e gjërë, të jetë, gjithashtu, e suksesshme në projektet e saja. Urime, suksese, vazhdoni më tej. Ju lumtë!