Ministri Limaj përuroi të premten nënkalimet për këmbësorë në Bresalc e Ponesh të Gjl

[Zero Cool]

Ministri Limaj përuroi të premten nënkalimet për këmbësorë në Bresalc e Ponesh të Gjilanit

Në magjistralen Prishtinë-Gjilan, përkatësisht në fshatin Bresalc dhe Ponesh të komunës së Gjilanit, Ministri i Transportit dhe Postë-Telekomunikacionit, Fatmir Limaj, së bashku me kryetarin e kuvendit të kësaj komune Qemajl Mustafa, kanë përuruar të premten dy nënkalime rrugore.
Ministri Limaj, pas përurimit të nënkalimit në fshatin Bresalc, njëra pjesë e të cilit gjendet në oborrin e shkollës fillore “Bahri Uruçi”, theksoi se “ashtu siç ju kemi premtuar, në afatin e caktuar kanë përfunduar punimet për ndërtimin e këtij nënkalimi. Unë jam jashtëzakonisht i kënaqur me punët e realizuara në këtë nënkalim, pasi që është punuar sipas standardeve evropiane”.

Ministri Limaj, gjithashtu theksoi se me këtë ndërtim ne njëherë e përgjithmonë e kemi zgjedhur problemin, për fëmijët e këtij fshati, dhe më nuk do të ketë aksidente fatale dhe se nuk do të ketë më brenga as për familjarët, por as për mësuesit, frikë kjo permanente, e cila ka qenë deri më tani, vlerësoi ministri Limaj.
Ministri Limaj, premtoi se MTPT-ja në të ardhmen, do të vazhdojë të realizojë projekte të tilla që kanë për qëllim eliminimin e pikave të zeza, nëpër rrugët e Kosovës.
Kreu i MTPT-së, gjithashtu tha se për këtë pjesë është arritur një marrëveshje gojore me TMK-në, për të bashkëpunuar lidhur me asfaltimin e një trotuari për këmbësorë, në mënyrë që TMK-ja ta përgatisë pjesën e trotuarit, ndërsa Ministria e Transportit, ta realizojë asfaltimin e tij, në një gjatësi prej 3 kilometrave, njofton Zyra për informim pranë MTPT.




Huazuar nga RTK 07 qershor 2008 - 11:50:39

Për këta 5 muaj sa është në pushtet PDK, ka bërë ma shumë ndërtime të rrugëve, shkollave.... se sa të tjerët që kanë bërë dekada të tëra!