Surroi dëshmoi në Hagë

[Dardan Kastrati]

Drejtori i Bordit të Klubit për Politikë të Jashtme, Veton Surroi, dëshmoi të mërkurën në Tribunalin e Hagës, kundër ish-zyrtarit të lartë të policisë serbe gjatë luftës në Kosovë, Vlastimir Djordjevic, duke potencuar se forcat serbe në Kosovë, gjatë luftës, kanë zhvilluar një spastrim të organizuar etnik, kanë vrarë dhe kanë dhunuar civilë të pafajshëm.

Surroi në dëshminë e tij ka folur për rrethanat politike dhe proceset tjera në Kosovë, para dhe pas luftës në vitet 1998-1999.

Ai ka dëshmuar për të gjitha takimet që janë zhvilluar gjatë kësaj kohe me zyrtarë të ndryshëm, duke përmendur edhe takimin me presidentin e atëhershëm serb, Slobodan Milosevic, ku nga kosovarët merrnin pjesë Ibrahim Rugova, Fehmi Agani, Mahmut Bakalli e Veton Surroi.

Në këtë takim, sipas Surroit, nga udhëheqësi i delegacionit kosovar, Ibrahim Rugova, është kërkuar që Kosova të jetë shtet i pavarur, mirëpo sipas tij, menjëherë kjo bisedë ka marrë një kahe tjetër.

“Unë ndërkaq i kam shpjeguar Milosevic-it për masakrën e familjes Jasharaj në Prekaz, mirëpo ai nuk më ka besuar, madje thoshte se vetëm një i çmendur mund ta besojë një gjë të tillë”, shpjegoi Surroi.

Surroi tha se marrëveshja me Milosevic-in ishte, që pas një jave të takoheshin me një grup serb në Prishtinë dhe të fillonim negociatat. “Ne mbajtëm një takim në shtëpinë e Lidhjes së Shkrimtarëve apo zyrën e ish-LDK-së”, tha ai.

Surroi tha se kanë insistuar që të kenë një ndërmjetësues në bisedime, por Beogradi nuk pranonte, megjithatë ai deklaroi se arritën një kompromis që ambasadori amerikan Christopher Hill të jetë ndërmjetësuesi, i cili edhe ishte në dhomën e bisedimeve.
Mirëpo nga Prokuroria e Tribunalit, Surroi menjëherë është pyetur për situatën që ka mbretëruar gjatë kësaj kohe të bisedimeve. Surroi tha se kishte eskalim të situatës në gjithë Kosovën duke përfshirë edhe rrafshin e Dukagjinit, si Pejën, Gjakovën e Deçanin.
“Asokohe kishte lëvizje edhe të njerëzve të zhvendosur, e posaçërisht në rrafshin e Dukagjinit, që do të ishte kriza e parë e refugjatëve që duhej të kalonin kufirin me Shqipërinë”, tha Surroi.

Sipas tij, në këtë kohë të gjithë ishin të preokupuar me refugjatët e Deçanit, më se 5 mijë veta ishin zhvendosur nga shtëpitë e tyre, edhe pse ishte muaji maj, kishte shumë borë. Ai tha se më vonë fluksi i të zhvendosurve është rritur shumë shpejtë nga presioni i policisë serbe ku në verë, mbi 100 mijë njerëz janë zhvendosur nga vatrat e tyre.

Djordjevic nga Tribunali i Hagës akuzohet për zhvendosje të dhunshme, depërtim, vrasje dhe ndjekje të shqiptarëve nga Kosova. Ai po ashtu akuzohet sidomos për transportimin e kufomave të shqiptarëve në brendi të Serbisë.
Prokuroria ka thënë se në varrezat në Batajnicë janë gjetur 822 trupa të pajetë, në mesin e të cilëve 53 trupa fëmijësh më të rinj se 16 vjet, 41 trupa të grave dhe 93 trupa të burrave më të vjetër se 60 vjet. (KosovaLive)

[Guri i madh]

VETONI mir ka deshmue vetoni esht shum i menqur ne kso raste po si politikan në kosov ka deshtue

[e_martumja]

Postimi origjinal është bërë nga Guri i madh

VETONI mir ka deshmue vetoni esht shum i menqur ne kso raste po si politikan në kosov ka deshtue

vertet kete mendim e pata edhe une para sa te hy ne kete faqe thash shume i mencur por deshtoj ne politike...

[Guri i madh]

mua vetoni me ka lan pershtypje kur ju pergjegj ati advokatit qe i tha se ne kosov ka shum serrb qe thojn ne jemi shkie po une kam kultur kombtare dhe nuk i quj shkie po serrb, edhe pse e meritojn nji shprehje të till po mir esht permbajt