MISTERI I VRASJEVE NE LIRI (1999 - 2005) NË KOSOVË

[Odise]

Statistika tregon se numri i vrasjeve misterioze ne Kosove pasluftes eshte i madh. Te gjithe ata qe nuk mund t'i vraje armiku ne lufte, u vrane ne liri. Si mund te mos gjindet asnje kriminel vrases i tyre, i asnjerit prej tyre dhe te dihet haptazi per gjysemdekade e deri ne vrasjen e fundit, te Enver Haradinajt? U fol neper shtyp e biseda te lira per disa hamendje, dyshime ne disa vrases te mundshem, por assesi nuk doli asnje vrases publikisht te njihet zyrtarisht! Kjo eshte enigma ma e tmerrshme! Tash kur mendon njeriu, ne Kosove jane pese fuqite kryesore te botes, qe Kosoven mund ta kontrollojne nonstop ne cdo kohe, cdo levizje bile ne rruget kryesore, kur Kosova nuk eshte nje territor i madh, por per 3 ore kalohet qoshem'qosh!

Perdite shtrohet pyetja: kush i vrau, kush mund te jene vrasesit edhe ditenperdiell n'ora 3 pasdite, ku fshehen fajtoret etj. Por, ajo cfare eshte ma e rrezikshmja, hasmeria ndershqiptare shtohet, pa e dijte zyrtarisht vrasesin dhe krejt kjo eufori misterioze demton Kosoven e kombin.

Dikush thot se vrasesit jane serb dhe kryejne vrasjet e ikin ne Mitrovice dhe drejt e ne serbi, pra vrasje me planifikim. Po si mund te mos dihet asnje vrases zyrtarisht? A mendoni se forcat nderkombetare nuk e dijne kete mister? Nuk mendoj se ato nuk jane ne dijeni per 5-6 vjet me rradhe! Ketu fshehet plumbi! Perndryshe nese te gjitha ato forca nderkombetare nuk e dijne, as nuk kane asnje argument, fakt te gjalle per asnje vrases, atehere ato rrine kot aty dhe dikush nuk eshte per te miren e Kosoves, dikush don ta shoh Kosoven nen terror konstant, dikush don ta percaje Kosoven ne shkalle ma te ulte!

Forcat hetuese jane ose aq te dobeta, ose shikojne neper gishta! Ky eshte absurditeti ma i madh, te mos gjindet asnje vrases per 5-6 vjet zyrtarisht te del para drejtesise! Kjo ngjet sikur, me qellim jane duke u zhdukur njerezit gjeneralisht per ta mbajtur Kosoven perseri peng te ri, para vendosjes se statusit te saj politik dhe ta hashe ate qe te ofrohet dashtepadashte!

Tash, kur ishte ne pyetje ndonje incident me forcat nderkombetare, apo armembajtje pa leje, apo incidente ne minoritete - menjehere u gjinden akteret edhepse te dyshimte. Kurse secila vrasje ne Kosoven e pasluftes, mbeti enigme, misterje qe rendon perdite situaten edhe ashtu te nderlikuar, me nje spastrim te te gjitha forcave te luftes, duke i burgosur e duke i distancuar ne menyra te ndryshme nga proceset politike te sotme!

Pse vrasesit e shqiptareve, po mbeten misterioz? Ketu ka dicka aq te madhe, sa qe do ta degradonte edhe vet protektoratin nderkombetar!

Si mund te kete nje forca te pamposhtur kriminele, ne Kosoven aq te vogel edhe nen mbrojtjen e 5 fuqive ma te medha te botes? A nuk jane keto vrasje ne autoritetin e OKB-se?

Shtypi shqiptar mbet duke u valvitur ne zhurma hamendese, pa asnje argument zyrtar, keshtu duke shtuar tension edhe ma te madh ne popull.
Te mos flasim per mediat elektronike, qe formojne armiqesi te panevojshme!

Misteri i vrasjeve ne Kosoven e pasluftes, eshte skandal i politikes nderkombetare dhe rrenjet e veta i ka ne disa burime sekrete!

[Dilaver]

Bedri Krasniqi, ish-truproje e Ramush Haradinajt, arrestohet në Prishtinë. Policia ka qenë në kërkim të tij tani e dy vite, për dyshime se ka qenë pjesëtar i grupit kriminal të Florim Ejupit.

Prishtinë 25 mars – Bedri Krasniqi, një ndër të dyshuarit e paktë që kanë qenë në arrati, krahas Qerim Kelmendit dhe Bajram Kiçmarit, arrestohet pas një ikje dy vjeçare nga policia.
Ai është arrestuar në një aksion spontan në qendër të Prishtinës, ndërsa në posedim të tij është gjetur një revole pa leje.
Sipas burimeve të sigurta të policisës, patrulla të SHPK-së, rastësisht janë vënë në përcjellje të Krasniqit, duke dyshuar për hajni veturash.
Pas një përcjellje të shkurtër, patrulla e SHPK-së e ndalon ate dhe e legjitimon.
Në verifikim e sipër të identitetit të tij, nga Prishtina Control, marrin informatën së ky në fakt është njeni nga personat e kërkuar për pjesmarrje në aktivitete terroriste dhe bashkpunim në grup të organizuar criminal.
Ai është dërguar menjëherë në qendër të paraburgimit, ndërsa pritet të merret në pyetje edhe nga prokurori ndërkombëtar i cili është duke e udhëhequr çështjen kundër këtij grupi.
“Nuk jam në ngjarje të ketë ndodhë diçka e tillë. Unë sapo u ktheva nga manifestimi që kishim në Gllogjan dhe nuk kam dëgjuar për ndonjë arrestim të mudnshëm” tha Ernest Luma, zëdhënës i AAK-së, i kontaktuar nga Ekspress në oret e vona të mbremjes.
Policia poashtu nuk jep konfirmim zyrtar të arrestit.
“Nuk e dinëse ka arrestuar policia ndonjë truproje të Ramushi Haradinajt”, tha Agron Borovci, zëdhënës i policis për rajonin e Prishtinës.
Sido që të jetë, vetëm edhe dy të arratisur nga grupi i njohur si “Grupi i Florim Ejupit” kan mbetur në ikje, për tu rrumbullakuar njëri nga hetimet më të gjata dhe njëkohesisht më të suksesshme të hetuesve të Sherbimit Policor të Kosovës.
Ky grup është përbërë edhe prej ish policit Shkumbin Mehmeti, Agron, Driton dhe Artan Sulejmani, si dhe të dyshuarve si pjesëtarë të Armatës Kombëtare Shqiptare: Xhevat Kosumi, Arsim Rashiti dhe Arben Ahmeti. Dy të fundit ishin të dyshyar si pjesmarrës në vrasjen e dy policëvë në Podujevë, më 23 mars të vitit 2004, vetëm disa ditë pas trazirave të Marsit, sikurse edhe Irfan Ademi, i arrestuar vitin e kaluar.
I gjithë operacioni për arrestimin e tyre ka filluar, menjëherë pas ikjes së Florim Ejupit nga burgu ushtarak në kampin Bondsteel.
Ai është arrestuar fillimisht si i dyshuar kryesor për hedhjen në ajër të autobusit të Nish_Ekspres në Merdare.
Por, kampi ushtarak nuk arriti që ta mbajë gjatë atë.
Vetëm tre muaj më vonë ai arratiset, dhe që nga viti 2001 nuk i bihet në gjurmë.
Ndërkohë, grupi të cilin dyshohej së ky është duke e udhehequr, janë të dyshuar si përgjegjës për shumë krime të rënda, duke filluar nga vrasjet e policëvev në Raushiq të Deçanit dhe Podujevë, kidnapimin e Valon Dreshajt sulmin mbi uren në Zveçan, tentim vrasje, reketim dhe armëmbajtje pa leje.
Xhavit Kosumi është i kërkuar për vrasje dhe tentim vrasje, Irfan Ademi, ish-zjarrfikës është kërkuar për armëmbajtje pa leje, vrasje dhe tentim vrasje. Bajram Kiqmari është i kërkuar për të njëjtën vepër penale duke përfshirë edhe disa plaçkitje të armatosura dhe kidnapime.
Ky grup dyshohet të ishte kryesuar nga Florim Ejupi, i cili gjatë luftës në Kosovë ka qëndruar në Gjermani. Atje ka qenë i burgosur katër herë për shpërndarje të drogës, tentim vrasje, plaçkitje të armatosur dhe sulmit fizik, në kohën kur luftimet në Kosovë sa shkonin e ashpërsoheshin.
Ai ka qenë i vetmi i cili ka lënë dëshmi fizike në vendin e ngjarjes me autobusin e Nish Ekspresit. Një duç i cigars i gjetur në vendin ku është aktivizuar bomba, së bashku me fletëzat e letrës së grisur me të cilat ka qenë i mbështjellur teli kanë pasur shenja të ADN-së së tij, i cili është konfirmuar edhe në testet laboratorike në Gjermani.
Por, tani procesi ndaj këtij grupi është në vazhdim e sipër, dhe parashikohet që të përfundojë me ngritjen e një aktakuze të përbashkët, edhe pse disa pjesëtarë të këtij grupi, si Shkumbin Mehmeti tani më janë dënuar nga gjykatat e Qarkut në Kosovë për për krime të ndryshme.
Kësaj aktakuze tani do t’i bashkëngjitet edhe Bedri Krasniqi, që më heret ka punuar edhe si truproje e ish-kryeministrit të Ksovës, Ramush Haradinajt.

[Arb]

E paskan nxone kete birin e shkines a? Osht gjynah me i shpall paraburgim kti zogut te shkaut.

Duhet hek qafe kete kanibal e shume kanibale te tjere qe bredhin lirshem rrugeve te Kosoves.

Perndryshe ky kriminel njihet qysh nga bankat e shkolles fillore si nje shizofren...

[Dilaver]

U arrestua Bajram Kiqmari

Lorik Pustina

Prishtinë 7 prill – U arrestua Bajram Kiqmari, i fundit nga Grupi i Florim Ejupit, të cilët janë të dyshuar për një seri veprash penale në Kosovë. I kërkuar për më shum se një vit, me fletarrest të shpallur edhe nga Interpol, policia arriti që Bajram Kiqmarin ta arrestojë në Prishtinë.
Ai u arrestua të ënjten, më 6 prill në Prishtinë. Burime të policisë kanë konfirmuar informatën përderisa nuk ka përgjigje pozitive e as negative nga ana zyrtare.
Bajram Kiqmari është i dyshuar për pjesmarrje në vrasjën e dy policëve në Shajkovc të Podujevës me 23 mars 2004. si dhe i dyshuar për një numër të madh veprash penale.
Arsim Rustolli, polici i SHPK-së dhe Kojo Essuman polic I UNMIK-ut nga Ghana, janë plagosur për vdekje në një pritë që iu është bërë nga disa persona të armatosur, të cilët më vonë janë arrestuar.
Bajram Kiqmari që nga fillimi i hetimeve për këtë grup dyshohej si njëri nga pjesëmarrësit në vrasjen e dy policëve dhe plagosjen e një perkthyesi që ishte gjendur me ta ne momentin kritikk. Nga rafallet e shkrepura të vdekur mbetën dy policët, ndërsa i plagosur ishte përkthyesi që kishte qëlluar në veturë.
Po ashtu edhe njëri nga të dyshuarit është plagosur për vdekje. Kreu i këtij grupacioni sic e quajnë në polici ishte Florim Ejupi, i cili u arrestua kohë më parë në Tiranë dhe u ekstradua me një procedurë shum të shpejtë në Kosovë.
Grupi i Florim Ejupit dyshohet për një seri vrasjesh dhe vepra të tjera penale që nga viti 2001, kur Ejupi edhe arriti të arratiset nga burgu i kampit Bondsteel.
Ai u arrestua për shkak të dyshimit se ka hedhë në ajër autobusin e Nish Express që vinte nga Beodradi në Merdare. Gjatë atij sulmi u vranë 11 dhe u plagosen 30 persona.
Pas arratisjes, ai formoi një grup i cili ka kryer disa vepra penaleqë nga viti 2001.
Disa prej tyre janë vrasje të policëve, kidnapimi i Valon Dreshajt, plackitje të armatosura, reketime dhe vepra të tjera.
Tani pas arrestimit të Kiqmarit, pritet që gjykimi për këtë grup të fillojë së shpejti.

[Dilaver]

Mark Oroshi, njëri prej ish të dyshuarve për vrasjen e avokatit Shaban Manaj, është ekzekutuar të martën në oborrin e shtëpisë së tij. Më shumë se tridhjetë plumba kanë goditur trupin, veturën dhe murin e shtëpisë së Markut.


Jeton Musliu
[email protected]

Prishtinë 3 maj — Prapë vrasje në rajonin e Pejës. Për dallim nga herët e kaluara kur vrasjet janë bërë ditën, kësaj radhe ekzekutimi është kryer natën.
Mark Oroshi është ekzekutuar të martën në mbrëmje në oborrin e shtëpisë së tij, në fshatin Vitomiricë të komunës së Pejës.
Motivet për këtë vrasje, zyrtarët e policisë thonë se ende nuk i dinë, kurse familjarët kanë mbetur si të mpirë, ngase nuk dinë kujt t’ia drejtojnë gishtin.
Oroshi i cili deri para disa viteve ishte njëri prej disa të dyshuarve për vrasjen e avokatit Shaban Manajt, është qëlluar nga persona të panjohur në distancë vetëm prej pesë metrash.


Në një deklaratë, zyrtarë të policisë rajonale në Pejë, pasi kanë treguar mënyrën e vrasjes së Mark Oroshit, në fshatin Vitomiricë, kanë thënë se policët e Njësitit për Krime Serioze kanë dalë në vendin e ngjarjes, se bashku me prokurorin Publik, ku janë duke u zhvilluar hetimet rreth këtij rasti. Sipas tyre, me urdhër të Prokurorit, trupi i pajetë i viktimës është dërguar në Morgun e Rahovecit për obduksion.



Dhembja
“Nuk mund të duroj më”, thotë Gjyla, nëna e Markut, e cila tash qëndron në Klinë, në shtëpinë e djalit të saj tjetër, Gegës.
Gjyla tregon ngjarjen e asaj nate të cilën e përshkruan shumë shkurtë, ngase nuk ka pritur se do t’i ndodhë kjo.
“Erdhi Marku dhe më gjeti me kokë të mbështetur në mur”, fillon rrëfimin plaka 84 vjeçare, të cilës sytë i mbushën me lot.
“Më pyeti nëse kam fjet dhe unë i thash se ende jam e zgjuar”, tregon nëna e Markut e cila tash pret gratë e të afërmeve të cilat e qajnë të birin e saj.
“I ndezi dritat dhe doli jashtë, dhe menjëherë i kam dëgjuar krismat”, thotë Gjyla, e cila mezi ka shkuar afër veturës dhe ka parë të birin e saj të vrarë në vend.
“Kaq ka pas, se më vonë, disa fqinj, i kanë thirr policinë, edhe tash ndodhem këtu”, shprehet Gjyla e cila megjithëkëtë, beson në punën e policisë.

Ekzekutimi
Në mbrëmjen e së martës, rreth orës 23:00, Marku kthehet në shtëpi nga puna e tij në fshatin
Leskoc të Klinës.
Ai ka jetuar vetëm me nënën e tij, Gjylen, e cila është në moshë shumë të shtyrë dhe për këtë arsye Marku, në veturën e tij, tip Golf 1, kishte blerë gjëra ushqimore.
Pasi mbërrin në shtëpi, Marku shikon se të gjitha dritat e shtëpisë janë të fikura dhe hyn brenda për t’i ndezur.
Pasi nënën e tij e gjen të zgjuar, përshëndetët me të dhe del sërish jashtë në oborr për të marrë nga vetura gjërat ushqimore që i kishte blerë.
Derisa gjysma e trupit të viktimës i mbetët jashtë veturës dhe pjesa tjetër futët brenda që t’i marrë gjërat ushqimore që i kishte blerë, në atë moment shkrepën rafalët.
Në këtë çast, Marku mbetët i vrarë në vend, kurse vrimat e plumbave, përveç veturës së tij, godasin edhe murin e shtëpisë.
Pa pasur nevojë që dikush të jetë ndonjë ekspert i madh, nga vrimat e plumbave në veturë dhe në mur, mund të vërtetohet se është shkrepur një karikator i plotë i kallashnikovit.


Mark Oroshi ka qenë i arrestuar si njëri prej personave të dyshimtë për vrasjen e avokatit Shaban Manaj.
Pas qëndrimit 17 muajsh si i paraburgosur, ai lirohet në mungesë të provave.
Ndërkohë, katër fëmijët e marrë nga policia pas burgosjes së tij, kurrë më nuk i ka parë.
Albani, Atdheu, Albana dhe Flaka janë fëmijët e të ndjerit, për vendndodhjene të cilëve nuk di as familja, pasi policia nuk iu jep asnjë informacion.



Vendi i krimit
Oborri i Markut në fshatin Vitomiricë është shndërruar në zonë krimi, e rrethuar nga policia me shirit të verdhë.
Nga mbrëmja e së martës deri në mesditën e së mërkurës, policia ka bërë fotografitë dhe ka kryer ekspertizat e nevojshme.
Bardha është motra e Markut e cila, ndryshe nga kuptimi i emrit të saj, sapo ka marrë vesh lajmin për të vëllain, në trup mbanë të veshur rroba të zeza.
Në oborrin e shtëpisë së Markut, ajo përpiqet të marrë disa gjëra të vogla të cilat, më vonë, do t’ia kujtojnë vëllain.
Në mesin e tyre ajo merr edhe disa fotografi, disa prej të cilave janë të fëmijëve të Markut të cilët familja Oroshi ka gjashtë vjet qënuk i ka parë.
“Marku ka shkua i flaktë për t’i pa fëmijët”, thotë Bardha e cila, sikurse e tërë familja e saj, nuk ka ndonjë ide se kush do mund të ketë gisht në vrasjen e vëllait të saj.
Bardha niset drejt veturës së shpuar me plumba dhe fillon të qajë kur shikon gjakun e të vëllait në derën e parë të anës së majtë. “Shiko, ende qenka gjaku i vëllait”, thotë ajo dhe duke qarë fillon të nxjerrë nga karrigia e pasme e veturës, xhaketën e Markut të cilën e kishte zhveshur në kohën kur kishte vozitur.

Tentativa
Vrasja e Mark Oroshit duket të ketë qenë shumë mirë e planifikuar, nga persona të cilët kanë përcjellë vazhdimisht lëvizjet e tij.
Në shkurt të këtij viti, Marku për pak sa nuk është vrarë në dyert e oborrit të motrës së tij të martuar në fshatin Poterç i Ulët.
“Te dyert e oborrit, atje ku jam e martuar gati sa nuk është vrarë nga persona të panjohur kur doli të kthehet në shtëpi”, thotë Bardha e cila mendon se vrasja ndoshta ka të bëjë me fëmijët e tij.
“Herën e fundit kur ka ardhë nga gjyqi ka thënë se i ka punët shumë mirë që t’i marrë sërish fëmijët, por tash duket se i kemi humbur gjithmonë”, tregon motra e të ndjerit.
Marku është ndarë me gruan e tij para shumë vjetësh, por më vonë ai burgoset si njëri prej të dyshuarve se ka qenë pjesëmarrës në vrasjen e avokatit Shaban Manaj.
“Pasi e morën në burg, fëmijët mbetën me nënën time, por pas tre muajve erdhi policia dhe ushtria dhe ia morën nënës fëmijët”, thotë motra e cila fillon të qajë kur përmend emrat e fëmijëve të të vëllait tashmë të vrarë.
“Nga ajo kohë as Marku, por as ne nuk dimë asgjë për fëmijët, edhe pse, pas lirimit, Marku ka thënë se shumë afër e ka marrjen e fëmijëve përmes gjyqit”, shprehet Bardha për Express.
Ndryshe nga nëna e saj, Bardha mendon se do të jetë shumë e vështirë që të gjenden vrasësit e të vëllait.
“Vëllai im nuk është i pari që është vra, por janë vrarë edhe shumë të tjerë dhe dorasit kurrë nuk janë gjet”, thotë ajo dhe niset drejt Klinës, shtëpisë së vëllait tjetër, Gegës, tek i cili familjarët janë mbledhur për kryeshëndosh.

[E_Zjarrta]

Deri sa ne Kosve nuk ka ligj ka vrasje e do te ket edhe me shum bile

pa marre parasyshe se kush eshte ky njeri qe nuk di gje per te

ngushllime

[Dilaver]

Në Kosovë vrasjet thuajse janë shndërruar në përditshmëri.Zyrtarët përkatës nuk flasin. Askush nuk di nëse hetimet për një rast vazhdojnë apo janë mbyllur. Këtë nuk e dinë as familjarët e viktimave. Askush nuk di se çfarë kandodhur me hetimet e këtyre rasteve.
Express risjell disa nga vrasjet më të mëdha të ndodhura nga viti 2000.

Jeton Musliu

Prishtinë, 7 prill — Breshëri plumbash mbi një person dhe përveç që shuhet një jetë, ato krisma prapa lënë një mister i cili edhe mund të mos zbardhet kurrë.
Vrasjet e viteve të fundit në vend kanë qenë të niveleve të ndryshme, duke mos munguar edhe ato kur cak i likuidimeve kanë qenë persona të njohur për publikun.
Kosova administrohet nga Kombet e Bashkuara dhe institucionet vendase, të cilat për ruajtjen e rendit i mbështesin 8 mijë policë dhe rreth 15 mijë trupa të KFOR-it.
Pavarësisht territorit jo dhe aq të madh, viteve të fundit në Kosovë kanë ndodhur vrasje të ndryshme të cilat në disa raste kanë tronditur vendin.
Ndërkohë deklarimet e zyrtarëve përkatës janë pothuajse gjithmonë të njëjta, duke mos dhënë sqarime rreth hetimeve apo kapjes së autorëve.
Për rreth tri javëExpress ka bërë përpjekje të bisedojë me Rrahman Sylejmanin, shefin e Departamentit të Krimeve të Rënda në SHPK, por asnjë konfirmim nga ana e këtyre zyrtarëve. Askush nuk tregon nëse për raste të caktuara janë duke vazhduar hetimet apo nëse ato janë mbyllur fare.
Por, cilat janë rastet të cilat së paku në gjashtë vitet e fundit kanë tronditur vendin dhe për të cilat gjithçka që di publiku, është thjesht një “no koment”, ose “hetimet vazhdojnë”, fjali të cilat përseriten vazhdimisht nga zyrtarët përkatës.

Xhemajl Mustafa është vrarë më 23 nëntor 2000 në hyrje të banesës së tij në Prishtinë, derisakishte filluar të ngjitej shkallët.
Rugova i cili në atë kohë ndodhejnë një takim të ForumitBotëror nëMonaco, kishte shkuarnjë ditë më pas pranë varrit tëkëshilltarit të tij të ndjerë për tëvendosur kurorë lulesh. Ai nëfshatin Gllamnik të Podujevës,pasi ngushëlloi familjarët e të ndjerit,pat deklaruar se organet epolicisë duhet të gjejnë atentatorëtdhe t’i dërgojnë ata nëbankën e të akuzuarve.Por,në atëkohë vendi kishte vetëm rreth njëvit që kishte dalë nga lufta dhe organetpolicore për moskapjen eautorëve arsyetoheshin nëmënyra të ndryshme.
Sidoqoftë, edhe për këtë rast disa herë është deklaruar se hetimet vazhdojnë, kurse tash edhe disa vjet më pas, asnjëherë nuk është bërë publike se sa persona janë kapur apo gjykuar për këtë vrasje.

Ekrem Rexha i njohur gjatë luftësmepseudonimin sikomandant Drini. Ai është vrarë para shtëpisë së tij në Prizren, në mëngjesin e datës 8 maj 2000.
Hetimet për këtë rast patën vazhduar për një kohë të gjatë dhe në fund policia me shumë zhurmë arrestoi disa persona, disa prej të cilëve pas disa vitesh qëndrimi në burg, i liroi për t’umbrojtur në liri.
Ndonëse disa prej të arrestuarve vazhdojnë të vuajnë denimin, për një pjesë tjetër të të dyshuarve ende vazhdojnë seancat gjyqësore.

Smajl Hajdaraj, deputet i Kuvendit të Kosovës nga LDK, është vrarë më 17 mars 2002 në Pejë.
Vrasja e këtij zyrtari pati ngritur reagime të ashpra si nga drejtuesit e partive politike në atë kohë, edhe nga zyrtarë të ndryshëm ndërkombëtarë.
John Menzis, ish shef i zyrës së SHBA-ve në Kosovë, vrasjen e Hajdarajt e pat dënuar ashpër duke e klasifikuar si një vepër që shkon në dëm të vendit.
Gjithashtu edhe zëdhënësja e policisë së UNMIK-ut, Suzan Manuel, në atë kohë nuk e kishte përjashtuar se kjo vrasje mund të ishte kryer për motive politike.
Ndonëse deklarata e saj ishte gjithpërfshirëse, zyrtarët e policisë kurrë më nuk treguan se çka në të vërtetë ka ndodhur me hetimet për këtë rast.

Rexhep Luci Në vitin 2000 i vrarë në Prishtinë nga persona që së paku zyrtarisht kurrë nuk janë bërë të ditur nga policia apo se deri ku kanë mbërritur hetimet.
Arkitekti i njohur është vrarë për motive të cilat besohet se janë ndërlidhur me ndalimin e ndërtimeve pa leje në kryeqytet, pikërisht kur ai në atë kohë ishte drejtor i Departamentit të Rindërtimit dhe Strehimit në Prishtinë.
Kryetari i partisë reformiste ORA, Veton Surroi, i cili në atë kohë ishte kryeredaktor i gazetës së përditshme Koha Ditore, kishte treguar publikisht për bisedën e fundit të tij me arkitektin Luci, vetëm një ditë para se ai të vritej.
"Ata po më kërcënojnë sepse sipas dikujt, unë qenkam i favorizuari i të huajve dhe është faji im për ndërprerjen e ndërtimeve pa leje ", ka cituar fjalët e Rexhep Lucit, veton Surroi, tash kryetar partie.

Shefki Popova Ishte një gazetar shumëvjeçar i cili kishte punuar për media të ndryshme, përfshirë edhe në gazetën Rilindja.
Edhe ai është vrarë në vitin 2000 në prag të zgjedhjeve lokale që mbaheshin për herë të parë në Kosovë. Gazetari Popova është ekzekutuar pranë ndërtesës së qeverisjes lokale në Vushtri, për motive të cilat kurrë nuk janë bërë të njohura.
Në atë kohë, të shtatë gazetat e përditshme kosovare dhe gjashtë stacione radio televizive kishin protestuar duke u ankuar se askush nuk është dënuar për gjithë vrasjet e kryera deri në atë kohë.
Por vetëm kaq, asgjë më shumë.

Ismet Raci Ishte kryetar i Komunësë Klinës i cili ishte vrarëmë 24 prill 2001 në shkallët e banesës së tij.
Raci kishte fituar këtë post nga zgjedhjet lokale të një viti më parë, por ende pa mbushur një vit të punës së tij si kryetar, ekzekutohet me disa plumba.
Familjarët në atë kohë kishin deklaruar se i ndjeri nuk kishte pasur asnjë problem me askënd, kurse policia përveç që kishte deklaruar se hetimet do të vazhdojnë, as atëherë dhe as tash nuk ka dhënë ndonjë sqarim lidhur me hetimet për këtë rast.

Avni Elezi I ekzekutuar më 12 tetor 2002 në qendër të Pejës.
Dikur një ish ushtar i UÇK-së e më vonë trupërojë e Ramush Haradinajt, ish komandantit të tij i cili më vonë u zgjodh kryeministër i Kosovës.
Djali ivetëm i familjes Elezi është vrarë në qytetin kryesor të rrafshit të Dukagjinit për t u varrosur një ditë më vonë me nderime të larta ushtarake.
Edhe për këtë vrasje sikurse për të tjerat, policia ka deklaruar se hetimet kanë filluar, por kurrë nuk është bërë publike se deri ku kanë mbërritur hetimet ose sa persona janë arrestuar apo denuar.

[Dilaver]

Shaban Manaj Avokati i njohur dhe veprimtar i dalluar shumëvjeçar i Lidhjes Demokratike të Kosovës në Istog, është ekzekutuar më 23 korrik 2000, pasi është marrë nga persona të panjohur.
Trupi i pajetë i tij është gjetur disa kohë më vonë dhjetëra kilometra larg shtëpisë së tij.
Për vrasjen e Manajt ishin akuzuar disa persona, të cilët kanë qëndruar në paraburgim si të dyshuar për rreth dy vjet.
Muaj më vonë ata janë liruar me vendimin e gjykatës, pasi mungonin provat që do të vërtetonin fajësinë e tyre.
Edhe për këtë rast askush nga organët përkatëse nuk ka dhënë ndonjëherë deklaratë se deri ku kanë arritur hetimet apo nëse kjo dosje është mbyllur fare.
I biri i avokatit, Shkodrani, thotë për Express se me këtë punë duhet të merren organet kompetente si policia dhe prokurorët.
Ne si familje nuk kemi informacioen më shumë se deri ku kanë mbërritur hetimet ose diçka e tillë. Ka dy vjet që nuk kemi më kontakt me policinë , thotë Shkodrani i cili sikusre edhe familjarët e të vrarëve të tjerë, kërkon që autorët të kapen dhe të sillen para drejtësisë.
Sigurisht kërkojmë që të gjtha rastet të zbulohen. E dinë të gjithë se këto vrasje kanë qenë politike.
Kapja e autorëve është shpagimi më i madh që do të merrte familja për anëtarin e saj të vrarë , shprehet Shkodrani, i biri i avokatit Shaban Manaj.
Enver Haradinaj Vrasja e tij ndodhi në verën e vitit 2005 rreth orës 14.55 minuta, në afërsi të fshatit Raushiq, në magjistralen Pejë-Deçan.
Komisioneri i policisë ndërkombëtare, Kai Vittrup, pati thënë se persona të panjohur kanë shtënë në drejtim të makinës së Enver Haradinajt së bashku me të cilin ndodhej edhe një person i dytë.
Vrasja e vëllait të ish-kryeministrit të Kosovës kishte nxitur një takim urgjent të autoriteteve më të larta ndërkombëtare nëKosovë me kryeministrin e atëhershëm Bajram Kosumin dhe një pjesë të qeverisë së tij.
Përveç thirrjeve për qetësi nga liderët politikë të vendit dhe zyrtarët e tjerë, edhe për këtë vrasje autorët e tij kurrë nuk u bënë të ditur nëse janë kapur apo janë duke u kërkuar.

Tahir Zemaj Më 4 janar 2003 vritet në pusi në Pejë Tahir Zemaj së bashku me të birin dhe një tjetër person.
Ndonëse spkelulimet për këtë vrasje ishin të ndryshme, edhe për këtë vrasje të trefishtë zyrtarët përkatës kurrë nuk kanë treguar nëse është dërguar dikush para gjyqit.
Këto janë vetëm disa raste të vrasjeve të cilat patën ngritur tensione në Kosovë në kohërat kur u kryen . Përndryshe, në vend kanë ndodhur edhe shumë vrasje të tjera, përfshirë edhe të gazetarëve për të cilët sikurse për të gjitha rastet tjera, dorasit kurrë nuk janë kapur. Së paku zyrtarisht kjo nuk është bërë e ditur.

[Guri i madh]

une dyshoj se kto vrasjet e pas luftes i ka krye shiku sidomos ka dor ne vrasjen e dy policve ISUF HAKLAJT E SEBAHATE TOLAJ ne kordinim te planeve me ish shefat e sherbimit policor te kosoves

[Dilaver]

KOMPLETOHET GRUPI
Bajram Kiqmari i është bashkuar njëmbëdhjetë shokëve të tij. Prokuroria i akuzon për terrorizëm, dhe vrasjen e dy policëve, në mars të vitit 2004 dhe tentim vrasjen e disa të tjerëve dhe vepra të tjera penale.

Eta Morina

Prishtinë, 15 korrik —
I arrestuar më 5 prill të këtij viti, Bajram Kiqmari nga Lladovci i Podujevës, së shpejti do të përballet para drejtësisë për një sërë akuzash, përfshirë terrorizëm, vrasje të dëshmitarëve, blerje të armëve, bashkëpunim me persona të tjerë.
Ditë më parë, në Gjykatën e Qarkut në Prishtinë, atij i është konfirmuar aktakuza, mirëpo deri më tani nuk është marr asnjë vendim.
“Bajram Kiqmari mori pjesë aktivisht në një organizatë terroriste, Armata Kombëtare Shqiptare (AKSH)”, thuhet në aktakuzën e prokurorisë.
Bajram Kiqmarit, i njohur më nofkën “Lami dhe Kulleri”, mbi barrë do t’i bien një sërë akuzash të rënda. Ai besohet që ka inkurajuar aktivitetin e vazhduar të grupit, duke pasur takime dhe kontakte të vazhdueshme të zgjeruara në mars të vitit 2004 dhe pas këtij muaji.
Gjithashtu ai akuzohet se ka vepruar së bashku me persona të tjerë, ka siguruar para për të blerë armë për grupin, nder tjera ka vrarë dëshmitarë dhe ka blerë ushqim për grupin. Gjithashtu ai akuzohet se ka bërë të mundur që paratë t’i shpërndahen pjesëmarrësve tjetër në grup, i ka dhënë ndihmë personave të tjerë pas një akti terrorizmi apo në lidhje me terrorizëm, pengim në kapjen e personave të kërkuar.
Na aktakuzën e prokurores ndërkombëtare, përmendet edhe emri i Shkumbim Mehmetit, për të cilin thuhet që me Bajram Kiqmarin ka biseduar me shprehje të koduara. Së bashku me të, prokuroria akuzon edhe 11 persona të tjerë, si pjesëmarrës dhe mbështetës të grupit terrorist që ka kryer vrasjen e dy oficerëve dhe tentim vrasjen e një numri të oficerëve tjerë më 23 mars 2004, afër Podujevës.
“Mënyra në të cilën janë kryer këto krime, manifesti që e kishte në xhep Agron Sylejamni dhe informacionet e marra nga policia përmes hetimeve ka bërë që prokuroria të vijë në konkludim që këto krime janë kryer nga një grup i organizuar terrorist, që përfshin personat e armatosur në vendin e ngjarjes si dhe të tjerë që kanë ofruar ndihmë logjistike dhe financiare para dhe pas kryerjes së vrasjeve”, vazhdon aktakuza e prokurorisë.
Më tej në të përshkruhet në hollësi ngjarja e 23 marsit të vitit 2004, kur u vranë dy policë, njëri ndërkombëtarë dhe tjetri vendor. Në këtë mësohet të kenë marr pjesë të gjithë të akuzuarit, disa prej të cilëve në mes vete gjatë gjithë kohës kanë diskutuar me kode.
“Disa anëtarë të grupit kanë pas njohuri specifike për krimin dhe kanë ndihmuar në mënyrë aktive të tjerët në shkatërrimin apo fshehjen e provave apo në shmangien e kapjes nga policia”, vazhdon tutje aktakuza.

Ngjarja e 23 marsit 2004
Më 23 mars të vitit 2004, në fshatin Shakovicë të Podujevës, Possible Kojo Essuman, policë ndërkombëtar nga Gana, Arsim Rrustolli, Basri Mulliqi dhe një përkthyes kanë qenë duke patrulluar me një veturë të policisë së UNMIK-ut, kur në ta kanë shtënë persona të armatosur, të cilët besohet të kenë qenë një grup prej së paku katër ose pesë personave. Shkëmbime me armë zjarri ka pasur nga të dyja anët. Shkak I tyre në vend ka mbetur i vrarë polici ndërkombëtar nga Gana, një pjesëtar i ShPK-së dhe njëri nga të dyshuarit, i cili besohet të ketë qenë Agron Sylejmani. Ky i fundit më pas është gjetur i vdekur në shtëpinë e tij, ndërsa nga këtu policia ka konfiskuar një sasi të konsiderueshme të armatimit. “Megjithëkëtë, Agron Sylejmani ka pasur fishekë në xhepat e tij dhe një revole e mbushur është gjetur nën shpinën e tij. Në afri janë gjetur rroba ushtarake dhe policia ka gjetur një dorëz e cila është përputhur me një dorëz tjetër të gjetur më parë”, thuhet në aktakuzë.
Nga ana tjetër për të akuzuarin Bajram Kiqmarin, prokurorja ndërkombëtare pretendon se ka qenë pjesë përbërëse e grupit terroristë. “Lënda tij bazohet në efektin e kombinuar te përgjimeve telefonike, regjistrimeve telefonike, disa prova të gjetura dhe sjellja pas krimit”, arsyeton aktakuzën e saj prokurorja ndërkombëtare.
Para gjyqtarit të procedurës paraprake Bajram Kiqmari ka vendosur të mbrohet në heshtje. Ai është arrestuar më 5 prill të këtij viti, pasi që kishte qenë në arrati për më shumë se një vit e gjysmë.

[Dilaver]

Në Pejë, ka filluar gjykimi ndaj 28- vjeçarit nga Peja, Bedri Krasniqi, i cili akuzohet për vrasje me paramendim të dy policëve të Shërbimit Policor të Kosovës Sebahate Tolaj dhe Isuf Haklajt

Pejë,15 maj - Fillimisht janë lexuar pesë akuzat e ngritura nga Prokuroria Ndërkombëtare e Qarkut të Pejës, ndaj Bedri Krasniqit, sipas të cilave ai akuzohet se më 24 nëntor 2003, në rrugën në mes Pejës dhe Deçanit, në bashkëpunim me Avni Sinanaj dhe me të paktën një person tjetër, vrau me paramendim policët e SHPK-së, Sebahate Tolaj dhe Isuf Haklaj. Pastaj për vrasje në tentativë, si dhe për krijimin e rrezikut të përgjithshëm, përdorimin e armës pa leje dhe mbajtjen e armës pa leje.
Nga pesë akuzat, Berdi Krasniqi ka pranuar fajin vetëm për armëmbajtje pa leje, derisa për katër akuzat e tjera, ai para trupit gjykues të drejtuar nga gjykatësi ndërkombëtar, Vinod Bolell, është deklaruar se është i pafajshëm.
Pas kësaj procedure hyrëse, trupi gjykues ka ftuar në foltoren e gjykatores, 39 vjeçarin nga Lozhani i Pejës, Isa Berishën, si dëshmitar i thirrur nga prokurori ndërkombëtar, Andrew Maces. Prokurori ka kërkuar nga dëshmitari, i cili atë kohë punonte si taksist me furgon, që të përshkruan mëngjesin e 24 nëntorit 2003, kur ai ishte duke qarkulluar me makinën e tij që po transportonte udhëtarë në drejtim të Pejës. Por, dëshmitarit, nga deklarata që kishte dhënë në polici një ditë pas vrasjes së dyfishtë, i kujtohej vetëm se në mëngjesin e 24 nëntorit 2003, rreth orës 08:00-08:10, derisa po qarkullonte rrugës nga fshati Dobërdol për në Pejë, në një kodrinë para hyrjes në fshatin Dobërdol, është takuar me një makinë audi ngjyrë të bardhë, nga e cila organet e drejtësisë dyshojnë se është kryer sulmi ndaj policëve. Mirëpo, prokurori duke ia përmendur atij disa nga deklarata e dhëna nga ai para më tepër së dy vjet, është munduar t’ia rifreskojë kujtesën për xhamin e thyer të veturës në derën e ngasësit, për përshkrimin e dhënë të ngasësit të makinës, për përkuljen para të ngasësit kur janë përballëkaluar makinat....dhe disa detaje tjera të përfshira në deklaratën tij, dhënë atë kohë policisë, e nga të cilat atij asnjë gjë më si kujtohej, me arsyetim se ka kaluar shumë kohë nga ajo ditë.
Deklaratat kundërthënëse të dëshmitarit me ato të parat, e ka shtyrë avokaten e familjeve të dëmtuara, Nekibe Kelmendin, që të kërkojë nga trupi gjykues që deklarata e dëshmitarit në gjykatore, të mos merret parasysh, ngase siç tha ajo, dëshmitari i ka mohuar deklaratat e veta të mëhershme, duke kujtuar vetëm makinën e bardhë e asgjë tjetër, dhe kjo sipas saj të bënë të dyshon në kredibilitetin e tij. Ndërsa, avokati mbrojtës, Enver Nimani, ka paraqitur ankesat e tij, trupit gjykues se prokuroria ka marrë në pyetje dëshmitarët e mbrojtjes pasi është ngritur aktakuza, dhe tash, disa nga këta dëshmitarë, që sipas tij kanë qenë të gatshëm të dëshmojë në gjykatore, tash nuk duan të dëshmojnë, ndërkohë që disa nga këta dëshmitarë kanë marrë mesazhe kërcënuese në celulare nëse dëshmojnë.
Para se të caktohej seanca tjetër për javën e ardhshme, prokurori ka kërkuar të shqyrtohet kërkesa e tij që gjykimi në vazhdim të zhvillohet i mbyllur.

Më 24 nëntor të vitit 2003, rreth orës 07.40 tre policët e SHPK-së, Sebahate Tolaj, Isuf Haklaj dhe Hysen Lataj, derisa po udhëtonin për në selinë e Komandës Rajonale, me makinën e Sebahates të cilën ajo edhe po e drejtonte, sipas aktakuzës dhe bazuar në hetimet policore, dy makina tjera, njëra nga to “audi 80” ngjyrë të bardhë, gjithashtu në lëvizje, iu kanë afruar dhe kanë hapur zjarr mbi policët. Nga më shumë se 30 plumba që kanë goditur makinën, disa kanë lënë të vdekur në vend Sebahate Tolaj, kurse polici Isuf Haklaj nga plagët e marra ka vdekur katër ditë më vonë në spital, ndërsa Hysen Lataj ka shpëtuar pa e prek plumbi, por ka pësuar lëndime të ndryshme gjatë sulmit.

Në aktakuzën thuhet se raporti i policisë i datës 2 dhjetor 2003 ka gjetur në vendin e ngjarjes 23 gëzhoja, të gjitha të kalibrit 7,62 mm dhe ka vërtetuar se 21 nga gëzhojat ishin shtënë nga e njëjta armë që dyshohet të jetë AK- 47.
Sipas deklaratave të shumë dëshmitarëve menjëherë pas incidentit, policia gjeti një “Audi 80” të bardhë e të braktisur në një zonë pylli, jo larg vendit të ngjarjes. Ndërsa gjatë ekzaminimit të makinës, sipas dokumentit të aktakuzës, janë gjetur gjurmë gishtërinjve, të cilat pas krahasimit është vërtetuar se ato i përkasin të akuzuarit Bedri Krasniqi, i cili pas një viti e gjysmë në arrati pasi është lëshuar fletë-arresti ndaj tij, është arrestuar nga policia natën e 24 marsit të vitit 2006.
(KosovaLive)

[Dilaver]

Bedri Krasniqi, ish-truprojë e Ramush Haradinajt, i dyshuar për vrasjen e dy policëve të SHPK-së, Sebahate Tolajt dhe Isuf Haklajt, është ndjekur nga policiaedhe për shumë vepra të tjera penale. Babai i të dyshuarit për vrasjen e policëve që po hetonin rastin e Tahir Zemajt, është i bindur në pafajësi të djalit të tij.

[Irfan Ademi]

ej ma mir ish me kan me u mar me udbashat qe e kan pushtuar shpk dhe institucionet ligjvense ne kosove.