Trafikimet Njerzore. Ta diskutojm shoqërisht

[murrizi]

Të nderuar antar edhe juve mesiguri ju ka ardhur MESAZH nga ministria e punëve të mbrendshme sot "Qeniet njerzore nuk janë për tu shitur" J'ipe kontributin tëndë ,Lajmëro Krimin 04408090.



Shumë kush ka pasur mundësi të zgjohet sot me mesazhin telefonik: “edhe ti kontribuo- qeniet njerëzore nuk janë për t`u shitur- lajmëro krimin”. Në fakt ky mesazh i postuar nga Ministra e Punëve të Brendshme përmes telefonave celular në një mënyrë ka hapur fushatën një mujore që i dedikohet luftës kundër trafikimit me qenie njerëzore.

Dhe, me gjithë trendin në rënie të numrit të rasteve të trafikimit me qenie njerëzore, fushatat sensibilizuese për zvogëlimin e mëtejmë të tyre për institucionet shihen si domosdoshmëri për vetëdijesimin e opinionit për luftë kundër trafikimit me qenie njerëzore, për më tepër në këtë fushë ku mbetet shumë për t`u bërë.

Mbështetje të plotë kësaj fushate i ka dhënë edhe kryeministri i vendit, Hashim Thaçi, duke theksuar se përkrahja e ekzekutivit për organet e thirrura ta luftojnë këtë dukuri nuk bëhet vetëm për hir të raporteve pozitive të mekanizmave relevant ndërkombëtar, por për faktin se respektimi i të drejtave dhe lirive të njeriut është shkalla më lartë e zhvillimit të një shoqërie

“Strategjia dhe plani i veprimit kundër trafikimit me qenie njerëzore në Republikën e Kosovës janë model për rajonin dhe më gjerë, se si duhet të veprohet nga shteti për parandalimin dhe luftimit e kësaj forme të skllavërisë moderne dhe njerëzve në formën më çnjerëzore të krimit të organizuar”, ka theksuar kryeministri Hashim Thaçi.

E miratuar kohë më parë strategjia kundër trafikimit me qenie njerëzore fokus të veçantë, përveç tjerash, ka parandalimin, mbrojtjen dhe ndjekjen penale. Por duke pranuar se në këtë fushë të arriturat lënë shumë për të dëshiruar, zyrtarë të ministrisë së Punëve të brendshme kanë deklaruar se mbeten të përkushtuar për ngritjen e kapaciteteve teknike e njerëzore të organeve gjegjëse për luftimin e kësaj dukurie, në përpjekje të arritjes së rezultateve të dëshiruara.

“Ne jemi të vetëdijshëm se gjendja aktuale në këtë segment do përmirësime. Në atë drejtim edhe jemi duke investuar mjete teknike, jemi duke investuar edhe në edukime dhe trajnime shtesë, në mënyrë që mekanizmi ndërinstitucional për luftë kundër trafikimit me qenie njerëzore, në të ardhmen e aftër, të jetë i aftë dhe me parametra evropian dhe në gjendje për të luftuar këtë dukuri”, ka thënë zv/ministri i Punëve të brendshme, Fatmir Xhelili.

Duke thënë se Ministria e Punëve të Brendshme është e përkushtuar në sundimin e ligjit, Xhelili ka shtuar se do të jemi të përkushtuar për atë që mos të jemi tolerant ndaj askujt, i cili është i involvuar në zhvillimin e aktiviteteve kriminale në këtë fushë, po edhe në llojet e tjera të krimit të organizuar, të cilat janë të lidhura ngushtë me njëra tjetrën.

Zëvendësministri Xhelili i benë thirrje publike sistemit të drejtësisë si dhe prokurorisë së Kosovës që të jenë më afektiv në përndjekje të rasteve të krimit të organizuar.

Aktivitetet e fushatës një mujore anit-trafikim parashihet të jenë të shumta. Për më shumë kjo fushatë e sensibilizimit të opinionit për luftën kundër trafikimit me qenie njerëzore është përkrahur edhe nga organizata vendore e ndërkombëtare.