Termet ne KOSOVE

[Giovanni]

Kosova është goditur, sot rreth orës 14:40, nga një tërmet rreth pesë ballësh sipas shkallës së Richterit.

Dridhja e tokës, që është ndjerë në tërë territorin e vendit, ka shqetësuar qytetarët, ndërkohë që nuk ka njoftime për dëme materiale.

Epiqendra e tërmetit ka qenë në Rrafshin e Dukagjinit, afër qytetit të Pejës, ka njoftuar Zyra për Sizmologji, që vepron në kuadër të Ministrisë së Energjisë dhe të Minierave (MEM).

Fuqia e tërmetit ishte rreth 5 shkallësh të Richterit, tha për Express Naim Zeqiri, drejtor i Zyrës për Informim në MEM.

“Tërmeti është ndjerë në tërë territorin e Kosovës. Tani për tani, nuk ka të dhëna për dëme materiale”.

Kohëzgjatja e tërmetit ishte rreth 5 sekonda.

Ndërkohë, sikur raporton B92, sipas Institutit Sizmologjik të Serbisë, epiqendra e tërmetit ishte diku në rajonin e Zubin Potokut, në veri të Kosovës.

Edhe sipas këtij instituti, tërmeti thuhet se ishte i fuqisë rreth 5 ballësh të Richterit.

Rrjetet telefonike janë paralizuar për disa minuta, duket për shkak të ngarkesës.

Ka njoftime se shumë shkolla i kanë lëshuar nxënësit në shtëpi, edhe për shkak të rrezikut të përsëritjes së dridhjes.

*********************************************

Sizmografët e Rrjetit Sizmologjik të Kosovës kanë detektuar sot në ora 14:38 minuta, një tërmet me epiqendër gjashtë kilometra në juglindje të Istogut.

“Magnituda e tërmetit ishte M=5.2 shkallë të Rihterit, ndërsa intensiteti në epiqendër VII ballë, sipas MCS-64 thellësia 5.2 km”, thuhet në një njoftim të Zyrës për Sizmologji, e cila vepron në kuadër të Ministrisë së Energjisë dhe të Minierave.

“Tërmetin e kanë ndier banorët e rrethit të gjerë të Pejës, Istogut dhe tërë territori i Kosovës. Ende nuk dihet për dëme në njerëz dhe materiale”, përfundon komunikata e lëshuar nga Zyra për Sizmologji.

[Isinqerti25]

po Emri i Allhut..............

[sherri]

!!!!....meq kjo tem qenka te politika!,shkinia i ka fajet per ket termet?!

[roadrunner]

valla bre ish pas tuten babysitter-ka e vajzes, fill ethet ne bark i kishin hie, hahaha

[jadore]

''mire qe ra ky mort e u pame '' edhe te une , ra termeti e e pashe ,kjo schatzja jeme krejte dynjane ne Gjakove motra vella ,ilake e kabile i kish pas thirrre me i vet a i ka gjalle e a ju tuten , e veq mu jo ....hajde qe nuk me thirri po mu kish pas idhnu medemek nuk e kam kqyre ne telefon , e une as pa e dite qe termet u bo ..ndash zani bese ne dashi jo mu deshte me e marr me te mire ... mos u plaksh ..

[DEA]

Tema serioze merr kahje humori, jo rralle ne dardani!

Gati cdo dite kemi ndegjuar koheve te fundit per termete te tilla, po ishin larg dhe sikur ndjeja nje siguri abstrakte ne vete, sikurse tek ne nuk ndodhin termete te tilla! tash kur lexova temen Termet ne Kosove! ndjeva plogeshti. Kur lexova me poshte eshte prekur zona e dukagjinit ja nisen te rrahurat e zemres me te shpeshta! Desha te them se sa ma afer aq me shume ndjeja dhimbje. Tash i kuptoj me mire ata te cilet humben gjithqka dhe gjithekend...