Regjistrimi i popullsisë

[Zero Cool]

KMDLNJ: Regjistrimi i popullsisë proces i dështuar!






Këshilli për Mbrojtjen e të Drejtave e të Lirive të Njeriut vlerëson se regjistrim është proces i dështuar dhe nuk pasqyron numrin real të popullsisë në Republikën e Kosovës, prandaj si i tillë nuk duhet të pranohet. Sipas KMDLNJ-së, rezultatet e këtij regjistrimi mund dhe do të prodhojnë pasoja politike.


Në njoftimin për media thuhet se KMDLNJ, në fillim të procesit kishte vërejtur se ka pasur disa parregullsi.

“KMDLNj, në reagimet e mëhershme kishte tërhequr vërejtjen në përjashtimin nga procesi i regjistrimit të qytetarëve të Kosovës që përkohësisht jetojnë jashtë vendit. Madje, ata i janë ankuar KMDLNj për këtë diskriminim që u është bërë. KMDLNj ka parasysh faktin që një pjesë e qytetarëve që jetojnë jashtë vendit nuk kanë qëndrim të përhershëm ne vendet ku jetojnë. Po ashtu, një pjesë e madhe e tyre ndikojnë shumë në ekonomitë familjare në Kosovë. Pra, janë pjesëmarrës kryesorë në përcaktimin e kushteve socio-ekonomike të familjeve kosovare e që është qëllimi kryesorë i regjistrimit të popullatës”, thuhet në njoftim.

KMDLNj mendon që përfshirja në procesin e regjistrimit e të gjithë atyre që kontribuojnë në përcaktimin e kushteve socio-ekonomike është një shkelje që duhet përmirësua, ndërsa mos përfshirja e të gjithë qytetarëve është shkelje elementare e të drejtave të njeriut.

“KMDLNj mendon se procesi i regjistrimi ka pasur disa mangësi. Përveç atyre që u përmenden, procesi është përcjell me dobësi edhe në informimin e qytetarëve dhe në trajnimin e regjistruesve. KMDLNj kërkon nga institucioni përgjegjës që të rishikojë këto dobësi dhe të fillojë një regjistrim të jashtëzakonshëm i cili duhet përcillet me një fushatë të fuqishme në media”, thuhet në komunikatë.

Ndryshe, sipas këtij regjistrimi numri i banorëve që ka Kosova është 1.733.872.